Skip to main content

மக்களை ஏமாற்றி கொள்ளையடிக்கும் திட்டம்? -'ஆவின்' நிர்வாகம் மீது பால் முகவர்கள் சங்கம் குற்றச்சாட்டு!

Published on 09/07/2020 | Edited on 09/07/2020

 

aavin milk

 

தமிழ்நாடு பால் முகவர்கள் தொழிலாளர்கள் நலச் சங்கம் நிறுவனர் & மாநில தலைவர் சு.ஆ.பொன்னுசாமி வெளியிட்டுள்ள அறிக்கையில், ஆவின் நிறுவனம் சார்பில் 5 வகையான புதிய பால் பொருட்களை தமிழக முதல்வர் அவர்கள் நேற்று (08.07.2020) அறிமுகம் செய்து வைத்துள்ளார். அதில் நான்கு பால் பொருட்கள் (மோர், லஸ்ஸி 2வகை, 90நாள் கெட்டுப் போகாத பால்) ஏற்கனவே வணிக சந்தையில் உள்ளவையே.

 

ஏற்கனவே பிறந்த குழந்தைக்குப் பெயர் சூட்டி அழகு பார்த்து விட்ட பிறகும் மீண்டும் புத்தாடை அணிவித்து அக்குழந்தை புதிதாக பிறந்திருப்பதாகக் கூறுவது போல் அமைந்திருக்கிறது தமிழக பால்வளத்துறையின் செயல்பாடுகள்.

 

இது போல்தான் ஏற்கனவே வணிகச் சந்தையில் இருந்த ஆவின் சிறிய பாக்கெட்டை (10 ரூபாய்) புதிதாக விற்பனைக்குக் கொண்டு வருவது போல் கடந்த 2017ஆம் ஆண்டு தமிழக சட்டமன்றத்தில் அறிவிப்பு கொடுத்து மூக்குடைபட்டார் பால்வளத்துறை அமைச்சர் ராஜேந்திர பாலாஜி.

 

அது போலவே தற்போதும் விற்பனையில் உள்ள லஸ்ஸி, மோர், 90நாட்கள் கெட்டுப் போகாத பால் போன்ற பால் பொருட்களுக்கு புத்தாடை அணிவித்து அவை புதிதாகப் பிறந்திருப்பதாகக் கூறி இந்தக் கரோனா பேரிடர் காலத்திலும் ஆவின் நிர்வாகமும், பால்வளத்துறையும் சிறப்பான முறையில் செயல்படுகிறது என்பது போன்ற மாயத் தோற்றத்தை மக்களிடையே உருவாக்க முயன்றுள்ளனர். மேற்கண்ட பால் பொருட்கள் வணிகச் சந்தையில் ஏற்கனவே இருப்பதைத் தமிழக முதல்வருக்கு அது குறித்த உண்மை நிலவரத்தை எடுத்துக் கூறினார்களா..? இல்லை திட்டமிட்டு மறைத்து விட்டனரா..? எனத் தெரியவில்லை.

 

மேலும் முதல்வர் அவர்கள் அறிமுகம் செய்துள்ள "ஆவின் டீ மேட் பால்" முற்றிலும் மக்களையும், வணிகர்களையும் ஏமாற்றும் செயலாகும்.

 

ஏனெனில் தற்போது விற்பனையில் உள்ள ஆவின் கொழுப்புச் சத்து, செரிவூட்டப்பட்ட பால் (கொழுப்பு சத்து 6.0% திடசத்து 9.0%) அதிகபட்ச சில்லறை விற்பனை விலை 1லிட்டர் 51.00ரூபாய். அதுவே மாதாந்திர அட்டைதாரர்களுக்கு 1லிட்டர் 49.00ரூபாய் மட்டுமே.

 

ஆனால் தற்போது அறிமுகம் செய்யப்பட்டுள்ள "ஆவின் டீ மேட் பால்" கொழுப்பு சத்து 6.5% திடசத்து 9.0% எனவும் அதிகபட்ச சில்லறை விற்பனை விலை 1லிட்டர் 60.00ரூபாய் எனவும் அறிவிக்கப்பட்டுள்ளது. அப்படியானால் 0.5% கொழுப்பு சத்தை மட்டும் அதிகரித்து விட்டு 1லிட்டருக்கு 9.00ரூபாய் முதல் 11.00ரூபாய் வரை அதிக விலை நிர்ணயம் செய்துள்ளனர்.

 

அதே சமயம் ஆவின் நிறுவனம் பால் உற்பத்தியாளர்களிடமிருந்து ஒரு லிட்டர் பாலினை (1TS×2.66) 32.00 ரூபாய்க்கு கொள்முதல் செய்கிறது. அப்படியானால் 0.5TSக்கு 1.50வரை அதிகபட்ச விலையை நிர்ணயம் செய்யலாம்.

 

ஆனால் தற்போது அறிமுகம் செய்யப்பட்டுள்ள "ஆவின் டீ மேட் பாலில்" ஏற்கனவே விற்பனையில் உள்ள கொழுப்பு சத்து செரிவூட்டப்பட்ட பாலினை விட 0.5%மட்டும் (0.5TS-1.33) கூடுதலாக்கி விற்பனை விலையில் 1லிட்டருக்கு 11.00ரூபாய் வரை அதிகரித்திருப்பதைப் பார்க்கும் போது தனியார் பால் நிறுவனங்களுக்கு இணையாக பால் விற்பனை விலையைக் கொண்டு வர திட்டமிட்டுள்ளனரோ என்கிற பெருத்த சந்தேகம் எழுகிறது.

 

மேலும் சென்னை மாநகரில் உள்ள சூப்பர் ஸ்டாக்கிஸ்ட் மற்றும் மொத்த விநியோகஸ்தர்கள் ஆவின் டீ மேட் பாலினை அதிகபட்ச சில்லறை விற்பனை விலைக்கே பால் முகவர்களுக்கு விநியோகம் செய்கின்றனர். சில இடங்களில் மட்டும் சில சலுகைகளை வழங்குகின்றனர். அப்படியானால் ஆவின் டீ மேட் பாலினை என்ன விலைக்கு ஆவின் நிர்வாகம் வழங்குகிறது என்கிற வெளிப்படைத்தன்மை இல்லாமல் இருக்கிறது. இது மக்களையும், பால் முகவர்களையும், சில்லறை வணிகர்களையும் ஏமாற்றி கொள்ளையடிக்கும் திட்டத்துடனே நடைமுறை படுத்தப்பட்டுள்ளதாகத் தெரிகிறது.

 

http://onelink.to/nknapp

 

எனவே தமிழக அரசு புதிய வகை ஆவின் பாலிற்கு நியாயமான அதிகபட்ச சில்லறை விற்பனை விலையை நிர்ணயம் செய்ய வேண்டும் எனவும், சூப்பர் ஸ்டாக்கிஸ்ட், மொத்த விநியோகஸ்தர்களுக்கு வழங்கப்படும் விலையில் வெளிப்படைத்தன்மை கடைப்பிடிக்கப்பட வேண்டும் எனவும் தமிழ்நாடு பால் முகவர்கள் தொழிலாளர்கள் நலச் சங்கம் சார்பில் வலியுறுத்திக் கேட்டுக் கொள்கிறோம் எனக் கூறியுள்ளார். 

 

 

 

சார்ந்த செய்திகள்

 

Next Story

பணியாளர்கள் பற்றாக்குறை; பால் விநியோகம் மந்தம்

Published on 09/06/2024 | Edited on 09/06/2024
 shortage of personnel; Milk supply is slow

மாதவரம் பால் பண்ணையிலிருந்து வடசென்னை பகுதிகளுக்கு ஆவின் பால் விநியோகம் தாமதப்பட்டுள்ளதாக தகவல்கள் வெளியாகியுள்ளது.

சென்னை மாதவரம் பால் பண்ணையில் உற்பத்தி செய்யப்படக்கூடிய ஆவின் பால் பாக்கெட்டுகள் வடசென்னை பகுதிகளான கொரட்டூர், பெரம்பூர், வியாசர்பாடி, மணலி உள்ளிட்ட பகுதிகள் மட்டுமல்லாது புரசைவாக்கம், ஓட்டேரி, சூளை, பாரிமுனை உள்ளிட்ட பல்வேறு பகுதிகளில் விநியோகம் செய்யப்படுகிறது. ஆனால் கடந்த சில நாட்களாகவே அந்த பகுதிகளுக்கு பால் விநியோகம் தாமதப்படுவதாக புகார்கள் எழுந்தது.

பணியாளர்கள் பற்றாக்குறை காரணமாகவே இந்த தாமதம் ஏற்பட்டுள்ளதாகக் கூறப்படுகிறது. இன்று காலை 5 மணி நிலவரப்படி 15க்கும் மேற்பட்ட வாகனங்கள் வெளியே செல்லாமல் காலதாமதம் ஏற்பட்டது. பால்பாக்கெட்டுகளை வண்டியில் ஏற்றுவதற்கான பணியாளர்கள் பற்றாக்குறையால் இந்த காலதாமதம் ஏற்பட்டுள்ளது. அதிகாலை 2.30 மணி அளவில் வடசென்னை பகுதிகளில் பால் விநியோகம் செய்ய வாகனங்கள் கிளம்பும். அதிகாலை 4 மணிக்கு வாகனங்கள் அந்த பகுதிகளை சென்றடையும். ஆனால் தற்பொழுது வாகனங்கள் கிளம்பாத சூழல் ஏற்பட்டுள்ளது.

Next Story

‘பால் விநியோகத்தில் பாதிப்பு?’ - ஆவின் விளக்கம்!

Published on 29/05/2024 | Edited on 29/05/2024
'Effect on milk supply?' - A's explanation

பொதுமக்களுக்குப் பால் விநியோகத்தில் எவ்வித பாதிப்புமில்லை எனத் திருச்சிராப்பள்ளி மாவட்ட கூட்டுறவு பால் உற்பத்தியாளர்கள் ஒன்றியம் விளக்கம் அளித்துள்ளது. இதுகுறித்து  தமிழ்நாடு பால் உற்பத்தி கூட்டுறவு இணையத்தின் மேலாண்மை இயக்குநர் வெளியிட்டுள்ள செய்திக்குறிப்பில், “திருச்சிராப்பள்ளி மாவட்ட கூட்டுறவு பால் உற்பத்தியாளர்கள் ஒன்றியத்தில் இன்று (29.05.2024) ஒப்பந்ததாரர்களுக்குக் கடந்த 4 மாதங்களாக பால் விநியோக வழித்தட வாகன வாடகை தொகையினை வழங்கவில்லை எனவும், அதனால் பால் விநியோக வழித்தட வாகன ஓட்டுநர்கள் போராட்டத்தில் ஈடுபட்டுள்ளனர் எனவும், உண்மைக்குப் புறம்பான பொய்யான பரப்புரைகளை திருச்சி ஆவின் நிறுவனத்தின் நற்பெயருக்கு களங்கம் ஏற்படுத்தும் வகையில் பரப்பப்பட்டு வருகின்றது.

திருச்சிராப்பள்ளி மாவட்ட கூட்டுறவு பால் உற்பத்தியாளர்கள் ஒன்றியத்தில் நாள் ஒன்றுக்கு 4.50 லட்சம் லிட்டர் வரை பால் கொள்முதல் செய்யப்பட்டு வருகின்றது. அவற்றுள் 1.50 லட்சம் லிட்டர் பால் பாக்கெட்டுகளாக தயார் செய்து உள்ளுர் விற்பனை செய்தும், 3 லட்சம் லிட்டர் பால் தமிழ்நாடு கூட்டுறவு பால் உற்பத்தியாளர்கள் இணையத்திற்கு அனுப்பப்பட்டு வருகின்றது. பால் வழங்கும் விவசாயிகளுக்கு பால்பணம் தங்குதடையின்றி பத்து தினங்களுக்கு ஒருமுறை நிலுவையின்றி வழங்கப்பட்டு வருகின்றது. கேன் பால் ஏற்றி வரும் பால் சேகரிப்பு ஒப்பந்த வாகனங்கள், பால்குளிர்வூட்டு நிலையங்களில் பால் சேகரிக்கும் ஒப்பந்த டேங்கர் வாகனங்கள் மற்றும் பால் பாக்கெட்டு விநியோகம் செய்யும் ஒப்பந்த வாகனங்கள் ஆகியவற்றிற்கான வண்டி வாடகை தொகை 15 தினங்களுக்கு ஒருமுறை வழங்கப்பட்டு வருகின்றது.

பால் பாக்கெட் விநியோகத்தினை நெறிபடுத்தும் வண்ணம் பகல் நேரங்களில் பெண் அலுவலர்கள் கொண்ட குழுவும், இரவில் ஆண் அலுவலர்கள் கொண்ட குழுவும். பிரத்தியேகமாக நியமிக்கப்பட்டு பால் விநியோக வழித்தட வாகனங்களில் திடீர் சோதனை மேற்கொள்ளப்பட்டு ஒன்றிய நலன் பேணப்பட்டு வருகிறது. மேலும் பால் விற்பனை வழித்தட வாகன ஒப்பந்ததாரருக்குரிய வாடகை தொகை 15 தினங்களுக்கு ஒருமுறை ஒரு மாத பட்டியல் தொகையினை நிலுவையில் வைத்து அனுமதிக்கப்பட்டு வருவது நடைமுறையில் உள்ள நிலையில் இன்று ஊடகங்கள் மற்றும் தொலைக்காட்சிகளில் வெளிவந்த செய்திகளில் விற்பனை வழித்தட வாகன ஒப்பந்ததாரர்களுக்கு கடந்த 4 மாதங்களாக வாடகை தொகையினை அனுமதிக்கப்படவில்லை என்பது பொய்யான பரப்புரையாகும்.

ஒரு மாதம் மட்டுமே விற்பனை வழித்தட வாகன ஒப்பந்ததாரர்களுக்கு கொடுக்கப்பட வேண்டிய வாடகைத் தொகை நிலுவையில் உள்ளது. மேலும் வாகன ஒப்பந்ததாரர்களுடன் தொடர்ந்து பேச்சுவார்த்தை நடத்தி பொதுமக்களுக்கு எவ்வித இடையூறும் இல்லாமல் வாகனங்கள் இயக்கப்பட்டுள்ளன. எனவே பால் விநியோகத்தில் எவ்வித பாதிப்பும் ஏற்படவில்லை எனத் தெரிவித்துக் கொள்ளப்படுகிறது. எனவே, உண்மைக்கு மாறான செய்திகள் வதந்திகள் திருச்சி ஆவின் நிறுவனத்தின் நற்பெயருக்கு களங்கம் ஏற்படுத்தும் வகையில் பரப்பப்பட்டுவருவதை திருச்சி ஆவின் நிர்வாகம் மறுக்கின்றது” எனத் தெரிவிக்கப்பட்டுள்ளது.