“ஆர்.எஸ்.எஸ். - பா.ஜ.க. இடையே எந்த சண்டையும் இல்லை” - மோகன் பகவத் தகவல்!

ஆர்.எஸ்.எஸ். அமைப்பின் நூற்றாண்டை முன்னிட்டு ‘ஆர்.எஸ்.எஸ். - 100’ என்ற தலைப்பில் நாடு முழுவதும் பல்வேறு இடங்களில் கருத்தரங்க கூட்டங்கள் நடைபெறுகிறது. அதன் ஒரு பகுதியாக டெல்லியில் இன்று (28.08.2025) கருத்தரங்கம் நடைபெற்றது. அதில் ஆர்.எஸ்.எஸ். தலைவர் மோகன் பகத்  கலந்து கொண்டு பல்வேறு கருத்துக்களை முன்வைத்துள்ளார். அதிலும் குறிப்பாக ஆர்.எஸ்.எஸ். - பா.ஜ.க. இடையே மோதல் போக்கு இருப்பதாக பல்வேறு தரப்பிலும் குற்றச்சாட்டுகளும் எழுந்துள்ளதற்கு பதிலளிக்கும் வகையில் பேசியுள்ளார். 

ஆர்.எஸ்.எஸ். மற்றும் பாஜக இடையே எங்கும் எந்த சண்டையும் இல்லை. மாநில அரசுகள் மற்றும் மத்திய அரசுகள் என ஒவ்வொரு அரசாங்கத்துடனும் நாங்கள் நல்ல ஒருங்கிணைப்பைக் கொண்டுள்ளோம். ஆனால் சில உள் முரண்பாடுகளைக் கொண்ட அமைப்புகள் உள்ளன. நாம் சில புதுமைகளைக் கொண்டிருக்க வேண்டும். பின்னர், ஏதாவது நடக்க வேண்டும் என்று நாங்கள் விரும்புகிறோம். நாற்காலியில் (பதவியில்) இருப்பவர் நமக்கு 100% ஒத்துழைத்தாலும், அவருக்கு என்ன செய்ய வேண்டும், மேலும் அதில் உள்ள தடைகள் என்னவென்று அவருக்குத் தெரியும். எனவே அவரால் அதைச் செய்யவோ செய்யாமலோ இருக்கலாம். நாம் அவருக்கு அந்த சுதந்திரத்தை வழங்க வேண்டும். ஆர்எ.ஸ்.எஸ். மற்றும் பாஜக எங்கும் சண்டை இல்லை. 

எனவே இவை அனைத்தும் ஒரு சண்டை இருப்பது போன்ற தோற்றத்தை உருவாக்குகின்றன. போராட்டம் இருக்கலாம். ஆனால் எந்த சண்டையும் இல்லை. ஏனென்றால் குறிக்கோள் ஒன்றே, அதுதான் நம் நாட்டின் நன்மை மட்டுமே. நமக்குள் கருத்து வேறுபாடுகள் இருக்கலாம், ஆனால் வேறு எந்த வேறுபாடும் இல்லை. ஆர்.எஸ்.எஸ். தான் எல்லாவற்றையும் தீர்மானிக்கிறதா? என்ற கேள்வியே முற்றிலும் தவறு. இது நடக்கவே நடக்காது. நான் பல வருடங்களாக சங்கத்தை (ஆர்.எஸ்.எஸ்.) நடத்தி வருகிறேன். அவர்கள் (பா.ஜ.க.) அரசாங்கத்தை நடத்தி வருகிறார்கள். எனவே, நாங்கள் ஆலோசனை மட்டுமே வழங்க முடியும். முடிவெடுக்க முடியாது. நாம் முடிவெடுப்பதாக இருந்தால், அதற்கு இவ்வளவு நேரம் எடுக்குமா?. நாம் முடிவு செய்வதில்லை” எனப் பேசினார்.