இந்திய நாடாளுமன்றத்தின், மக்களவை நிகழ்ச்சிகளை லோக்சபா டிவியும், மாநிலங்களவை நிகழ்சிகளை ராஜ்யசபா டிவியும் ஒளிபரப்பி வந்தநிலையில், அண்மையில் இந்த இரண்டு தொலைக்காட்சிகளையும் ஒன்றிணைக்கப்பட்டு ’சன்சாத் டி.வி’ (SANSAD TV) என்ற தொலைக்காட்சி தொடங்கப்பட்டது.
இத்தொலைக்காட்சியில் மக்களவை, மாநிலங்களவை நிகழ்ச்சிகள் ஒளிப்பரப்பபட்டு வந்தன. இந்நிலையில் சன்சாத் டி.வியின் யூடியூப் கணக்கு , யூடியூப்பின் சமூக வழிகாட்டுதல்களை மீறியதற்காக முடக்கப்பட்டுள்ளது. எந்த வழிகாட்டுதலை மீறியதற்காக அக்கணக்கு முடக்கப்பட்டுள்ளது என்பது குறித்து இதுவரை எந்த தகவலும் வெளியாகவில்லை.
இதற்கிடையே முடக்கப்பட்ட யூடியூப் கணக்கை மீட்கும் நடவடிக்கைகளில் மத்திய அரசு இறங்கியுள்ளதாக தகவலறிந்த வட்டாரங்கள் தெரிவித்துள்ளன.
