Skip to main content

சீனாவுடன் போர் வந்தால் வெற்றி பெற்றுவோம் - இந்திய இராணுவ தளபதி பேட்டி!

Published on 12/01/2022 | Edited on 12/01/2022

 

indian army chief

 

இந்திய இராணுவ தளபதி நரவனே இன்று செய்தியாளர்களை சந்தித்தார். அப்போது அவர் சீனாவுடனான எல்லைப்பிரச்சனை தொடர்பான பல்வேறு கேள்விகளுக்கு பதிலளித்துள்ளார். நாட்டின் வடக்கு மற்றும் மேற்கு எல்லைகளில் உள்ள நிலை குறித்து பேசிய  நரவனே, "கடந்த ஆண்டு ஜனவரி முதல், நமது வடக்கு மற்றும் மேற்கு எல்லைகளில் சாதகமான முன்னேற்றங்கள் ஏற்பட்டுள்ளன. வடக்கு எல்லையில் நாங்கள் தொடர்ந்து மிக உயர்வான தயார்நிலையைப் பராமரித்து வருகிறோம். அதே நேரத்தில், சீன இராணுவத்துடனும் பேச்சுவார்த்தை நடத்தி வருகிறோம். மேற்கு எல்லையில், பயங்கரவாதிகளின் எண்ணிக்கை அதிகரித்துள்ளது. கட்டுப்பாட்டு கோட்டின் வழியாக ஊடுருவும் தொடர்ந்து நடைபெற்றது. இது ஒருமுறை நமது மேற்கத்திய அண்டை நாட்டின் மோசமான செயல்பாட்டை அம்பலப்படுத்துகிறது" எனக் கூறியுள்ளார்.

 

சீனா கொண்டுவந்துள்ள புதிய எல்லை சட்டம் தொடர்பாக பேசிய நரவனே, "சட்டப்பூர்வமாக ஏற்றுக்கொள்ள முடியாத மற்றும் கடந்த காலத்தில் நாம் செய்துகொண்ட ஒப்பந்தங்களுக்கு இணங்காத எந்தச் சட்டமும் நம்மை கட்டுப்படுத்த முடியாது" எனத் தெரிவித்துள்ளார். சீனாவுடனான பேச்சுவார்த்தை மற்றும் அந்தநாட்டுடன் மோதல் அதிகரிப்பதற்கான சாத்தியக்கூறுகள் குறித்து பதிலளித்த  நரவனே, "பேச்சு வார்த்தை நடந்து வருகிறது. நமது கருத்து வேறுபாடுகளை பேச்சுவார்த்தை மூலம் தீர்த்துக் கொள்ள முடியும் என்ற நம்பிக்கை எப்போதும் உள்ளது. நமக்கு எதிராக எறியப்படும் எதையும் சந்திக்கும் நிலையில் நாம் இருக்கிறோம். இதை மிகவும் நம்பிக்கையுடன் உறுதியாக அளிக்கிறேன். போர் அல்லது மோதல் எப்போதும் கடைசி முயற்சியாகும். போர் ஏற்பட்டால் நாம் வெற்றி பெறுவோம்" எனத் தெரிவித்துள்ளார். 

 

மேலும் மற்றொரு கேள்விக்கு பதிலளித்த அவர், படை விலகளில் சாதகமான முன்னேற்றம் ஏற்பட்டாலும் அச்சுறுத்தல் எந்த வகையிலும் குறையவில்லை எனக் கூறியுள்ளார். இந்த செய்தியாளர் சந்திப்பின்போது நாகலாந்தில் அப்பாவி மக்கள் சுட்டுக்கொல்லப்பட்டது குறித்து முழுமையான விசாரணை நடைபெற்று வருகிறது எனக் கூறியதும் குறிப்பிடத்தக்கது.

 

 

சார்ந்த செய்திகள்

Next Story

பாகிஸ்தானில் தாக்குதல்; 5 சீனர்கள் பலியான சோகம்!

Published on 26/03/2024 | Edited on 26/03/2024
pakistan Shangla Besham city incident 

பாகிஸ்தானில் பல்வேறு இடங்களில் சீன நிறுவனங்கள் துறைமுகம், விமான நிலையம்,  சாலை மற்றும் ரயில் போக்குவரத்து உள்ளிட்ட கட்டுமான பணிகளை மேற்கொண்டு வருகின்றன. இதனால் சீனாவைச் சேர்ந்த ஏராளமானவர்கள் பாகிஸ்தானில் பணியாற்றி வருகின்றனர். இத்தகைய சூழலில் பாகிஸ்தானின் கைபர் பக்துன்கவா மாகாணத்தில் உள்ள ஷாங்லா என்ற மாவட்டத்திற்கு உட்பட்ட தசு என்ற இடத்தில் இன்று (26.03.2024) தற்கொலைப் படை தாக்குதல் ஒன்று நடத்தப்பட்டது. இந்த தாக்குதல் சம்பவத்தில் சீனாவைச் சேர்ந்த பொறியாளர்கள் 5 பேர் உயிரிழந்துள்ளனர்.

இந்த தாக்குதல் சம்வத்தை பாகிஸ்தான் அரசும் தற்கொலைப் படை தாக்குதல் தான் என உறுதி செய்துள்ளது. மேலும் இந்த தாக்குதல் சம்பவம் தொடர்பான புகைப்படங்கள் மற்றும் வீடியோக்கள் பாகிஸ்தான் காவல் துறையினரால் வெளியிடப்பட்டுள்ளன. இது உலகளவில் பெரும் அதிர்வலைகளை ஏற்படுத்தியுள்ளன. அதே சமயம் இந்த தாக்குதல் சம்வத்திற்கு இதுவரை எந்த அமைப்பும் பொறுப்பேற்கவில்லை எனவும் தகவல் வெளியாகியுள்ளது.

இது குறித்து மலகாண்டின் போலீஸ் துணை இன்ஸ்பெக்டர் ஜெனரல் (டி.ஐ.ஜி.) கூறுகையில், “ஷாங்லாவின் பெஷாம் நகரில் சீனர்களின் வாகனம் தாக்கப்பட்டதில் ஐந்து சீன நாட்டவர்கள் உட்பட ஆறு பேர் கொல்லப்பட்டனர். சீன நாட்டவர்கள் இஸ்லாமாபாத்தில் இருந்து தாசு முகாமுக்குச் செல்லும் பொறியியலாளர்கள் ஆவர்” எனத் தெரிவித்துள்ளார். 

Next Story

‘முன்னாள் ராணுவ வீரர்கள் கவனத்திற்கு’ - தமிழக அரசு வெளியிட்ட முக்கிய அறிவிப்பு

Published on 13/03/2024 | Edited on 13/03/2024
 Tamil Nadu Govt announced Ex-Servicemen Tax Concession

கடந்த பிப்ரவரி மாதம், தமிழக சட்டப்பேரவையில் நிதிநிலை அறிக்கை தாக்கல் செய்யப்பட்டது. அந்த நிதி மற்றும் மனித வள மேலாண்மைத் துறை அமைச்சர் வெளியிட்ட நிதிநிலை அறிக்கையில், ‘கைம்பெண்கள், போரில் ஊனமுற்ற வீரர்கள் உள்ளிட்ட சிலருக்கு மட்டும் அளிக்கப்பட்டு வரும் சொத்து வரி மற்றும் வீட்டு வரி இவற்றின் வரிச்சலுகையானது தற்போது, அனைத்து முன்னாள் ராணுவ வீரர்களுக்கும் வழங்கப்படும் வகையில் ஆணை பிறப்பிக்கப்படும் என்று அறிவிக்கப்பட்டது. 

இந்த நிலையில், இந்த திட்டத்தை செயல்படுத்தும் விதமாக, தமிழ்நாடு அரசு இன்று (13-03-24) அரசாணை வெளியிட்டுள்ளது. அதில் கூறியிருப்பதாவது, ‘நடப்பு நிதியாண்டில் இருந்து அனைத்து முன்னாள் ராணுவ வீரர்களுக்கும் சொத்து வரி, வீட்டு வரி செலுத்துவதில் இருந்து விலக்கு அளிக்கப்படும். இந்த விலக்குகளை பெற இந்த ஐந்து நிபந்தனைக்குள் இடம்பெற வேண்டும். முன்னாள், ராணுவ வீரர்கள் நிரந்தரமாக தமிழகத்தில் குடியிருப்பவராக வேண்டும். முன்னாள் ராணுவ வீரர்கள் குடியிருக்கும் கட்டடத்துக்கு மட்டும் இச்சலுகை வழங்கப்படும்.

அவர்கள் வருமான வரி செலுத்துபவராக இருக்கக் கூடாது. ராணுவ வீரர்கள், தங்களுடைய பணியில் இருந்து ஓய்வுபெற்ற பிறகு மறுவேலைவாய்ப்பு திட்டத்தில் மத்திய அல்லது மாநில அரசின் பணியில் வேலை செய்பவராக இருக்கக்கூடாது. மறுவேலைவாய்ப்பில் ஓய்வுபெற்று ஓய்வூதியம் பெறுபவர்களுக்கு இச்சலுகை பொருந்தாது.  இந்த திட்டத்தின் மூலம், 1.20 லட்சத்துக்கும் அதிகமான முன்னாள் ராணுவ வீரர்கள் பயன்பெறுவார்கள்’ என்று தெரிவித்துள்ளது.