Skip to main content

மோட்டார் வாகன ஆய்வாளருக்கு நடு ரோட்டில் அரிவாள் வெட்டு; இளநீர் வியாபாரி கைது

Published on 18/03/2023 | Edited on 18/03/2023

 

Young Water Dealer Attacks Motor Vehicle Inspector With Scythe; Police Investigation

 

வாகன ஆவணங்களைக் கேட்ட மோட்டார் வாகன துணை ஆய்வாளரை நடுரோட்டில் வைத்து வெட்டிய சம்பவத்தில் இளநீர் வியாபாரி கைது செய்யப்பட்டது ஆந்திராவில் நிகழ்ந்துள்ளது.

 

ஆந்திர மாநிலம் காக்கிநாடாவில் ஜில்லா பரிஷத் சென்டர் பகுதியில் சிறிய ரக சரக்கு வாகனத்தில் வெங்கட துர்க பிரசாத் என்ற நபர் இளநீர் விற்று வந்துள்ளார். இந்நிலையில் அந்த பகுதிக்கு வந்த மோட்டார் வாகன துணை ஆய்வாளர் சின்னராவ், இளநீர் வியாபாரியிடம் வாகனத்தின் ஆவணங்களை கேட்டதாகக் கூறப்படுகிறது. அப்போது ஆத்திரமடைந்த இளநீர் வியாபாரி வெங்கட துர்க பிரசாத் இளநீர் வெட்ட வைத்திருந்த அரிவாளால் ஆய்வாளர் சின்னராவை சரமாரியாக வெட்டியுள்ளார். பின்னர் தப்பி ஓடிய இளநீர் வியாபாரியை போலீசார் கைது செய்து விசாரித்து வருகின்றனர். இளநீர் வியாபாரி மோட்டார் வாகன துணை ஆய்வாளரை சாலையில் வைத்து தாக்கும் இந்த காட்சிகள் சாலையில் சென்றவர்களால் பதிவு செய்யப்பட்டு சமூக வலைத்தளங்களில் வெளியிடப்பட்ட நிலையில் அவை வைரலாகி வருகிறது.

 

 

சார்ந்த செய்திகள்

 

Next Story

சபாநாயகர் தேர்தல் தேதி அறிவிப்பு; தக்கவைக்க முயலும் பாஜக

Published on 13/06/2024 | Edited on 13/06/2024
nn

இந்தியா முழுவதும் நடைபெற்ற மக்களவைத் தேர்தல் முடிவுகள் கடந்த 4ஆம் தேதி வெளியானது. அதில் 543 மக்களவைத் தொகுதிகளில் தேசிய ஜனநாயகக் கூட்டணி 292 இடங்களிலும், இந்தியா கூட்டணி 234 இடங்களிலும் வென்றது. இதனையடுத்து நாட்டின் பிரதமராக மூன்றாவது முறையாக நரேந்திர மோடி பதவியேற்கும் விழா டெல்லியில் உள்ள குடியரசுத் தலைவர் மாளிகையில் கடந்த 09.06.2024 அன்று நடைபெற்றது.

இந்நிலையில் ஜூன் 26 ஆம் தேதி மக்களவை சபாநாயகர் தேர்தல் நடக்க இருப்பதாக தகவல்கள் வெளியாகி உள்ளது. முன்னதாக பாஜக கூட்டணியில் உள்ள சந்திரபாபு நாயுடு மற்றும் நிதீஷ் குமார் ஆகியோர் தங்கள் தரப்பிற்கு சபாநாயகர் பதவி வேண்டும் என நிபந்தனை விதித்திருந்ததாக தகவல்கள் வெளியாகி இருந்தது. அதேநேரம் சபாநாயகர் பதவியை தாங்களே தக்க வைத்துக் கொள்ள பாஜக மும்முரம் காட்டி வருவதாகவும் தகவல்கள் வெளியாகி இருந்தது.

nn

கூட்டணிக் கட்சிகளுக்கு எத்தனை கேபினட் அந்தஸ்து பதவிகள் வழங்குவது, எத்தனை இணைய அமைச்சர் பதவிகள் வழங்குவது என முடிவு செய்யப்பட்டபோதே சபாநாயகர் தேர்வு தொடர்பாகவும் பேச்சுவார்த்தை நடைபெற்றதாகக் கூறப்படுகிறது. அதன்படி பாஜகவை சேர்ந்த ஒருவரையே சபாநாயகராக நியமிக்க வேண்டும் என பாஜகவை சேர்ந்தவர்கள் தீவிரம் காட்டி வருகிறார்கள். குறிப்பாக ஆந்திர மாநில பாஜக தலைவரான புரந்தேஸ்வரியை அந்த பதவிக்கு கொண்டு வர வேண்டும் என பாஜகவின் ஒரு சாரார் விரும்புவதாக தகவல் வெளியாகி உள்ளது. புரந்தேஸ்வரி ஆந்திர முதல்வராக உள்ள சந்திரபாபு நாயுடுவின் மனைவியின் சகோதரி என்பது குறிப்பிடத்தகுந்தது. 

Next Story

சந்திரபாபு பதவியேற்பு விழாவில் பங்கேற்கும் மோடி

Published on 10/06/2024 | Edited on 10/06/2024
Modi will participate in Chandrababu's swearing-in ceremony

இந்தியா முழுவதும் நடைபெற்ற மக்களவைத் தேர்தல் முடிவுகள் கடந்த 4ஆம் தேதி வெளியானது. அதில் 543 மக்களவைத் தொகுதிகளில் தேசிய ஜனநாயகக் கூட்டணி 292 இடங்களிலும், இந்தியா கூட்டணி 234 இடங்களிலும் வென்றது. இதனையடுத்து நாட்டின் பிரதமராக மூன்றாவது முறையாக நரேந்திர மோடி பதவியேற்கும் விழா டெல்லியில் உள்ள குடியரசுத் தலைவர் மாளிகையில் நேற்று நடைபெற்றது. இதன் ஒரு பகுதியாக குடியரசுத் தலைவர் திரௌபதி முர்மு, பிரதமராகப் பதவியேற்கும் மோடிக்கு பதவிப் பிரமாணமும், ரகசிய காப்பு பிரமாணமும் செய்து வைத்தார். அதனைத் தொடர்ந்து அமைச்சர்களுக்கும் பதவிப் பிரமாணமும், ரகசிய காப்பு பிரமாணமும் செய்து வைத்தார்.

இன்று மாலை 5.30 மணிக்கு நரேந்திர மோடி தலைமையிலான புதிய அமைச்சரவை கூட இருப்பதாக தகவல்கள் வெளியாகி உள்ளது. அமைச்சரவை முதல் கூட்டத்தில் நாடாளுமன்ற கூட்டத் தொடர் தேதி குறித்து முடிவு செய்யப்பட உள்ளதாகவும், அதேபோல் இந்த வருடத்திற்கான முழு பட்ஜெட் தாக்கல் செய்வது குறித்து ஆலோசனை நடைபெற இருப்பதாகவும் கூறப்படுகிறது. கூட்டத்திற்கு பிறகு நாடாளுமன்ற கூட்டத்தொடர் தேதி குறித்த பரிந்துரை ஜனாதிபதிக்கு அனுப்பப்பட இருக்கிறது.

இந்நிலையில் என்.டி.ஏ கூட்டணியில் உள்ள சந்திரபாபு நாயுடு ஆந்திராவின் சட்டமன்ற தேர்தலில் வெற்றி பெற்றுள்ள நிலையில், அவர் ஆந்திர முதல்வராக பதவியேற்கும் நிகழ்ச்சி வரும் 12ஆம் தேதி நடைபெற இருக்கிறது. ஆந்திர மாநிலம் விஜயவாடாவில் நடைபெறும் சந்திரபாபு நாயுடுவின் பதவியேற்பு விழாவில் பிரதமர் மோடி பங்கேற்க இருப்பதாக தகவல்கள் வெளியாகி உள்ளது.