Skip to main content

ஆற்றில் வேன் கவிழ்ந்து விபத்து; 8 பேர் பலியான சோகம்!

Published on 15/06/2024 | Edited on 15/06/2024
Van overturned in river accident in uttarkhand

உத்தரகாண்ட் மாநில, ருத்ரபிரயாக் மாவட்டத்தில் வேன் ஒன்று சென்று கொண்டிருந்தது. 23 பயணிகளை ஏற்றிச் சென்ற அந்த வேன், ரைடோலி அருகே ரிஷிகேஷ் - பத்ரிநாத் நெடுஞ்சாலையில் வந்து கொண்டிருந்த போது, திடீரென்று பள்ளத்தாக்கில் உள்ள ஆற்றில் விழுந்து விபத்துக்குள்ளானது.

இதனைக் கண்ட அங்கிருந்தவர்கள், இந்தச் சம்பவம் குறித்து போலீசார் மற்றும்  மீட்புக் குழுவினருக்குத் தகவல் கொடுத்தனர். தகவல் அறிந்து சம்பவ இடத்திற்கு விரைந்து வந்த மீட்பு குழுவினர், பள்ளத்தாக்கில் விழுந்த வேனில் இருந்தவர்களை மீட்க முயற்சி செய்தனர். அதில் 8 பேர் சம்பவ இடத்திலேயே பரிதாபமாக உயிரிழந்தனர். மேலும், அதில் படுகாயமடைந்த மற்றவர்களை மீட்டு சிகிச்சைக்காக மருத்துவமனைக்கு அனுப்பி வைத்த்னார். இந்தச் சம்பவம் அப்பகுதியில் பெரும் சோகத்தை ஏற்படுத்தியுள்ளது. 

இந்த நிலையில், உத்தரகாண்ட் முதல்வர் புஷ்கர் சிங் தாமி, இந்த விபத்து குறித்து இரங்கல் தெரிவித்துள்ளார். இது தொடர்பாக அவர் தனது எக்ஸ் பக்கத்தில் கூறியதாவது, ‘ருத்ரபிரயாக் மாவட்டத்தில் வேன் விபத்துக்குள்ளானதாக வந்த செய்தி மிகவும் வருத்தமாக உள்ளது. மீட்பு குழுக்கள் மீட்பு நடவடிக்கைகளில் ஈடுபட்டுள்ளன. காயமடைந்தவர்கள் சிகிச்சைக்காக அருகில் உள்ள மருத்துவமனைக்கு அனுப்பி வைக்கப்பட்டுள்ளனர். இந்தச் சம்பவம் குறித்து விசாரணை நடத்த மாவட்ட ஆட்சியருக்கு உத்தரவிடப்பட்டுள்ளது. இறந்தவர்களின் ஆன்மா சாந்தியடைய இறைவனைப் பிரார்த்திக்கிறேன். அவர்களை இழந்து வாடும் குடும்பத்தினருக்கு இந்த வேதனையைத் தாங்கும் சக்தியை அளிக்க வேண்டும். காயமடைந்தவர்கள் விரைவில் குணமடைய பிரார்த்திக்கிறேன்’ எனத் தெரிவித்துள்ளார்.

சார்ந்த செய்திகள்

 

Next Story

தடுப்பு கட்டை மீது பள்ளி பேருந்து மோதி விபத்து; மாணவர்கள் காயம்

Published on 14/07/2024 | Edited on 14/07/2024
 School bus crashes into barricade; Students are injured

தடுப்பு கட்டையின் மீது மோதி அதிவேகமாக சென்ற தனியார் பள்ளி பேருந்து கவிழ்ந்து விபத்துக்குள்ளானதில் 15 பள்ளி மாணவ-மாணவிகள் காயமடைந்து சிகிச்சைக்காக அனுமதிக்கப்பட்ட சம்பவம் கள்ளக்குறிச்சியில் நிகழ்ந்துள்ளது.

கள்ளக்குறிச்சி மாவட்டம் சின்னசேலம் அருகே உள்ள தாகம் தீர்த்தாபுரம் கிராமத்தில் செயல்பட்டு வரும் வெல்டன் என்ற தனியார் பள்ளி பேருந்து சுமார் 33 பள்ளி மாணவர்களை ஏற்றுக்கொண்டு நயினார் பாளையம் நோக்கிச் சென்று கொண்டிருந்தது. இந்தத் தனியார் பள்ளி பேருந்து சின்னசேலம் அருகே குரால் கைகாட்டி பகுதியில் விருத்தாசலம் - சேலம் சாலையில் வாகனங்கள் மெதுவாக செல்வதற்காக வைக்கப்பட்டிருந்த இரும்பு தடுப்பு கட்டை மீது தனியார் பள்ளி பேருந்து மோதி பேருந்து கவிழ்ந்தது.

விபத்தில் பேருந்தில் பயணம் செய்த 15 மாணவ மாணவிகள் காயங்களுடன் சின்னசேலம் அரசு மருத்துவமனையில் அனுமதிக்கப்பட்ட நிலையில் அதில் படுகாயங்கள் அடைந்த ஐந்து மாணவ மாணவிகள் மேல் சிகிச்சைக்காக கள்ளக்குறிச்சி அரசு மருத்துவக் கல்லூரி மருத்துவமனைக்கு அனுப்பி வைக்கப்பட்டனர். தொடர்ந்து மாணவ மாணவிகளுக்கு சிகிச்சையானது அளிக்கப்பட்டு வருகிறது. இந்நிலையில் கள்ளக்குறிச்சி அரசு மருத்துவக் கல்லூரி மருத்துவமனையில் படுகாயங்களுடன் சிகிச்சை பெற்று வரும் பள்ளி மாணவ மாணவிகளை கள்ளக்குறிச்சி மாவட்ட ஆட்சியர் பிரசாந்த் நேரில் சந்தித்து அவர்களின் உடல்நலம் குறித்துக் கேட்டறிந்து தொடர்ந்து அவர்களுக்கு அளிக்கப்பட்டு வரும் சிகிச்சை விபரங்களையும் மருத்துவர்களிடம் கேட்டறிந்தார்.

தமிழ்நாடு அரசின் சார்பில் சனிக்கிழமை பள்ளிகளுக்கு விடுமுறை அறிவிக்கப்பட்ட நிலையில், அரசின் விதிமுறைகளை மீறி செயல்பட்ட இந்தத் தனியார் பள்ளியின் மீது பள்ளிக் கல்வித் துறை அதிகாரிகள் கடும் நடவடிக்கை எடுக்க வேண்டும் என்ற கோரிக்கையும் எழுந்துள்ளது.

Next Story

டிராக்டரில் சிக்கிய 8 வயது சிறுவன்; தந்தை கண் முன்னே நிகழ்ந்த சோகம் 

Published on 30/06/2024 | Edited on 30/06/2024
8-year-old boy trapped in tractor; The tragedy that happened before the eyes of the father

விவசாய நிலத்தை உழுத பொழுது தந்தையின் கண் முன்னே டிராக்டரில் சிக்கி எட்டு வயது சிறுவன் உயிரிழந்தது வேலூரில் சோகத்தை ஏற்படுத்தியிருக்கிறது.

வேலூர் மாவட்டம் காட்பாடி அடுத்துள்ள குக்கலப்பள்ளி பகுதியில் வசித்து வருபவர்கள் தாமோதரன்-கவிதா தம்பதி. இவர்களுக்கு இரண்டு மகன்கள் உள்ளனர். மூன்றாம் வகுப்பு படித்து வந்த இளைய மகன் பரத்குமார் (8 வயது) இன்று விடுமுறை தினம் என்பதால் தந்தையுடன் விவசாய நிலத்திற்கு சென்றுள்ளார். அப்பொழுது தாமோதரனுக்கு சொந்தமான நிலத்தில் வேர்க்கடலை பயிரிடுவதற்காக ஆதிகேசவன் என்பவர் டிராக்டர் மூலம் நிலத்தை உழுது கொண்டிருந்தார்.

திடீரென எதிர்பாராத விதமாக டிராக்டரி பின்புற பகுதியில் சிறுவன் பரத்குமார் எறியுள்ளார். அதனை பார்க்காமல் டிராக்டர் இயக்கப்பட்டதில் சிறுவன் டிராக்டரில் சிக்கி சிறுவன் பரத்குமார் சம்பவ இடத்திலேயே உயிரிழந்துள்ளார். தந்தையின் கண் முன்னே எட்டு வயது சிறுவன் உயிரிழந்தது அந்த பகுதியில் பெரும் சோகத்தை ஏற்படுத்தி இருக்கிறது. இந்த சம்பவம் குறித்து இலத்தேரி போலீசார் வழக்குப்பதிவு செய்து விசாரணை மேற்கொண்டு வருகின்றனர்.