Skip to main content

பாலியல் தொல்லைக்கு உள்ளான மாணவி - சகோதரிக்கு உருக்கமான கடிதம்!

Published on 01/04/2024 | Edited on 01/04/2024
Student's heartwarming letter to her sister in andhrapradesh

ஆந்திரப்பிரதேசம் மாநிலம், விசாகப்பட்டினத்தில் தனியார் பாலிடெக்னிக் கல்லூரி ஒன்று செயல்பட்டு வருகிறது. இந்த கல்லூரியில் அனகாபல்லி மாவட்டத்தைச் சேர்ந்த மாணவி ஒருவர் படித்து வந்தார். இந்த நிலையில், கடந்த மார்ச் மாதம் 28ஆம் தேதி அன்று காலை கல்லூரிக்கு சென்ற மாணவி இரவு ஆகியும் வீடு திரும்பவில்லை. இதில் அதிர்ச்சியடைந்த மாணவியின் குடும்பத்தினர், மாணவியைத் தேடி வந்தனர். மேலும், மாணவியின் செல்போனுக்கு தொடர்பு கொண்டுள்ளனர். ஆனால், மாணவியிடம் இருந்து எந்தவித பதிலும் வரவில்லை.

இதனால், இந்த சம்பவம் குறித்து மாணவியின் குடும்பத்தினர் போலீசாருக்கு தகவல் தெரிவித்தனர். அந்த தகவலின் பேரில், இது தொடர்பாக போலீசார் விசாரணை நடத்தி வந்தனர். இதற்கிடையில், நள்ளிரவு 12:50 மணியளவில், அந்த மாணவி, தனது சகோதரிக்கு வாட்ஸ் அப் மூலம் உருக்கமான குறுஞ்செய்தி ஒன்றை அனுப்பியுள்ளார். 

மாணவி அனுப்பிய அந்த குறுஞ்செய்தியில், ‘பதற்றப்பட வேண்டாம், நான் சொல்வதை கேளுங்கள்.  நான் ஏன் செல்கிறேன் என்று உங்களிடம் சொல்ல முடியாது. ஒரு வேளை நான் சொன்னால், உங்களால் புரிந்துகொள்ள முடியாது. தயவுசெய்து என்னை மறந்துவிடுங்கள். என்னை மன்னித்துவிடுங்கள். அம்மா.. அப்பா, நீங்கள் என்னை பெற்றடுத்து வளர்த்தற்கு நன்றி. எனது அத்தியாயம் முடிவுக்கு வருகிறது. 

எனது சகோதரியே, உன் எதிர்காலத்தில் கவனம் செலுத்து. உனக்கு பிடித்ததையெல்லாம் படி. என்னை போல் திசை திரும்பி விடாதே. பிறரால் பாதிக்கப்படாதே. எப்பொழுதும் மகிழ்ச்சியாக இருங்கள். நல்ல வாழ்க்கையை வாழுங்கள். கல்லூரியில் பாலியல் துன்புறுத்தலுக்கு ஆளானதால் நான் இந்த முடிவை எடுக்கிறேன். கல்லூரி ஆசிரியர்களிடம் ஏன் புகார் அளிக்கவில்லை என்று நீங்கள் என்னிடம் கேட்கலாம். ஆனால், அது உதவாது. என்னை பாலியல் துன்புறுத்தல் செய்தவர்கள் எனது புகைப்படங்களை எடுத்து என்னை மிரட்டுகிறார்கள். மற்ற பெண்களும் அவர்களால் பாதிக்கப்பட்டுள்ளனர். 

நாங்கள் யாரிடமும் சொல்ல முடியாது. எங்களால் கல்லூரிக்கு செல்வதையும் தவிர்க்க முடியவில்லை. இடையில் நாங்கள் சிக்கிக்கொண்டிருக்கிறோம். நான் காவல்துறையில் புகார் அளித்தாலோ அல்லது அதிகாரிகளை அணுகினாலோ எனது புகைப்படங்களை சமூக வலைதளங்களில் வெளியிடுவார்கள். நான் இந்த முடிவை எடுப்பதற்கு காரணம், நான் இப்போது போனால், சில வருடங்கள் நீங்கள் என்னை நினைத்து கவலைப்படுவீர்கள். பின்னர் என்னை மறந்துவிடுவீர்கள். ஆனால், நான் அருகில் இருந்தால், நீங்கள் எப்போதும் என்னை பார்த்து வருத்தப்படுவீர்கள். மன்னித்துவிடுங்கள். நான் உங்களை எல்லாம் பதற்றத்தில் உள்ளாக்கிவிட்டேன்’ என்று தெரிவித்திருந்தார். 

இந்த குறுஞ்செய்தியை கண்டு அதிர்ச்சியடைந்த, மாணவியின் குடும்பத்தினர் போலீசாருக்கு தகவல் தெரிவித்துள்ளனர். இதனிடையே, மாணவியின் படிக்கும் கல்லூரி வளாகத்தில் மாணவியின் உடல் இருப்பதாக போலீசாருக்கு தகவல் கொடுக்கப்பட்டது. இதனையடுத்து, சம்பவ இடத்திற்கு விரைந்து சென்ற போலீசார், மாணவியின் உடலை மீட்டு பிரேத பரிசோதனைக்காக மருத்துவமனைக்கு அனுப்பி வைத்தனர். இதனை தொடர்ந்து, இந்த சம்பவம் குறித்து போலீசார் வழக்குப்பதிவு செய்து விசாரணை நடத்தி வந்தனர். அதில், மாணவி தனது குடும்பத்தினருக்கு குறுஞ்செய்தியை அனுப்பிவிட்டு கல்லூரி மாடியில் இருந்து குதித்து தற்கொலை செய்து கொண்டுள்ளார் என்று தெரியவந்தது. மேலும், இது தொடர்பாக, ஆசிரியர்கள், மாணவர்கள் என அனைவரிடம் போலீசார் விசாரணை நடத்தி வருகின்றனர். 

சார்ந்த செய்திகள்

 

Next Story

கள்ளச்சாராய மரணம்; நடிகர் விஜய் நேரில் ஆறுதல்

Published on 20/06/2024 | Edited on 20/06/2024
kallakurichi fake liquor incidentl Actor Vijay consoled

கள்ளக்குறிச்சியில் கள்ளச்சாராயம் குடித்து 30க்கும் மேற்பட்டோர் உயிரிழந்த சம்பவம் நாட்டையே உலுக்கிக் கொண்டிருக்கிறது. சிகிச்சையில் இருப்பவர்களில் பலர் சிகிச்சை பலனின்றி உயிரிழந்து வருகின்றனர். இறப்புகளின் எண்ணிக்கையும் மணிக்கு மணி அதிகரித்து வருகிறது.

இந்தச் சம்பவத்தை அடுத்து தமிழ்நாடு முழுவதும் காவல்துறையினர் கள்ளச்சாராய சோதனைகளைத் தொடங்கியுள்ளனர். தற்போதைய நிலவரப்படி கள்ளக்குறிச்சி கள்ளச்சாராய சம்பவத்தில் உயிரிழப்பு 42 ஆக அதிகரித்துள்ளது. தற்போது வரை கள்ளச்சாராயம் அருந்திய சம்பவம் தொடர்பாக 90-க்கும் மேற்பட்டோர் கள்ளக்குறிச்சி, விழுப்புரம், சேலம், ஜிப்மர் ஆகிய மருத்துவமனைகளில் சிகிச்சை பெற்று வருகின்றனர்.

இந்நிலையில் நடிகரும், தமிழக வெற்றிக்கழகம் கட்சியின் தலைவருமான விஜய் கள்ளச்சாராயத்தால் மரணமடைந்தவர்களின் உறவினர்களுக்கு ஆறுதல் சொல்ல கள்ளக்குறிச்சி செல்ல இருப்பதாக தகவல்கள் வெளியாகிய நிலையில் தற்போது கள்ளக்குறிச்சி மருத்துவமனைக்கு வந்துள்ள விஜய், அங்கு சிகிச்சை பெற்றுவருபவர்களுக்கும் அவர்களின் குடும்பத்தாருக்கும் ஆறுதல் தெரிவித்து வருகிறார்.

Next Story

கள்ளக்குறிச்சி கள்ளச்சாராய சம்பவம்; அதிகரிக்கும் உயிர்பலி எண்ணிக்கை!

Published on 20/06/2024 | Edited on 20/06/2024
Increasing on Kallakurichi scam incident

கள்ளக்குறிச்சி நகரப் பகுதியான ஏழாவது வார்டில் கருணாபுரம் பகுதியில் கள்ளச்சாராயம் விற்பனை செய்வது தொடர்ந்து வருவதாகக் குற்றம் சாட்டப்படுகிறது. இந்நிலையில் நேற்று அப்பகுதியில் கள்ளச்சாராயம் விற்கப்பட்டதாகவும், இதனைப் பலர் வாங்கி குடித்ததாகவும் கூறப்படுகிறது. முதலில் 4 பேர் உயிரிழந்த நிலையில் தற்போது உயிரிழப்பு 32 ஆக உயர்ந்துள்ளது.

இந்த சம்பவத்தில் பாதிக்கப்பட்ட 100க்கும் மேற்பட்டோர்  ஜிப்மர் மருத்துவமனை, கள்ளக்குறிச்சி, விழுப்புரம், சேலம் என பல்வேறு மருத்துவமனையில் அனுமதிக்கப்பட்டு தீவிர சிகிச்சை பெற்று வருகின்றனர். உயிரிழப்புக்கு பாக்கெட் கள்ளச்சாராயம் காரணமாக இருக்கலாம் எனத் தமிழக அரசு தெரிவித்துள்ளது. மேலும் இறந்தவர்களின் உடல்கள் உடற்கூறு ஆய்வு செய்யப்பட்ட பிறகே  முழுமையான காரணம் தெரிய வரும் எனவும் தமிழக அரசு தெரிவித்துள்ளது. அதேநேரம் கள்ளக்குறிச்சி மாவட்ட ஆட்சியர் ஷ்ரவன் குமார் பணியிட மாற்றம் செய்யப்பட்டு புதிய ஆட்சியராக எம்.எஸ்.பிரசாந்த் நியமனம்  செய்யப்பட்டுள்ளார். 

அதேபோல் கள்ளக்குறிச்சி மாவட்ட காவல் கண்காணிப்பாளர் உட்பட 9 பேர் பணியிடை நீக்கம் செய்யப்பட்டுள்ளனர். மேலும், மதுவிலக்கு அமலாக்கப் பிரிவைச் சேர்ந்த காவல்துறை கண்காணிப்பாளர் தமிழ்ச்செல்வன், மதுவிலக்கு பிரிவைச் சேர்ந்த கவிதா, பாண்டி, செல்வி,பாரதி, ஆனந்தன், சிவச்சந்திரன், காவல் உதவி ஆய்வாளர் பாஸ்கரன், மனோஜ் உள்ளிட்டோரையும் பணியிடை நீக்கம் செய்து தமிழக அரசு அறிவித்துள்ளது. மேலும் இந்த சம்பவம் தொடர்பான வழக்கு சிபிசிஐடிக்கு ஒப்படைத்து தமிழக அரசு ஏற்கெனவே உத்தரவு பிறப்பித்தது. 

இதனிடையே, கள்ளக்குறிச்சி விஷச்சாரய மரணம் தொடர்பாகத் தமிழக முதல்வர் மு.க.ஸ்டாலின் இன்று (20-06-24) அமைச்சர்களுடன் அவசர ஆலோசனை நடத்தவுள்ளார். இந்த ஆலோசனைக் கூட்டத்தில் அமைச்சர்கள் பொன்முடி, எ.வ.வேலு உள்ளிட்ட அமைச்சர்கள் மற்றும் டி.ஜி.பி, மதுவிலக்குத்துறை அதிகாரிகள் கலந்துகொள்ள உள்ளனர். மேலும், இந்த ஆலோசனைக் கூட்டத்தில், நிவாரணம், உயர் சிகிச்சை உள்ளிட்ட அம்சங்கள் குறித்து ஆலோசிக்கப்படும் எனத் தகவல் வெளியாகியுள்ளது.