Skip to main content

சசிகலா குறித்து ரூபா சொன்ன அனைத்து புகாரும் உண்மையே..? - லீக் ஆன அறிக்கை!

Published on 09/10/2019 | Edited on 09/10/2019

வருமானத்துக்கு அதிகமான சொத்து சேர்ந்த வழக்கில் 4 ஆண்டு சிறைத்தண்டனை விதிக்கப்பட்டு கடந்த 2017 ஆம் ஆண்டி பிப்ரவரி மாதம் 14 தேதி சிறை சென்ற சசிகலா கடந்த 32 மாதங்களாக பெங்களூரு பரப்பன அக்ரஹார சிறையில் அடைக்கப்பட்டு உள்ளார். நன்னடத்தை காரணமாக சின்னம்மா சிறையில் இருந்து விரைவில் வெளிவருவார் என்று அமமுகவினர் நம்பிக்கை தெரிவித்து வந்த நிலையில், சசிகலா அவ்வாறு வெளிவருவதற்கு பெரிய சிக்கலை ஏற்படுத்திய சம்பவம் இன்று நடந்துள்ளது. அதாவது சசிகலா சிறை சென்ற சில மாதங்களில் அவருக்கு சிறையில் விதிமுறைகளை மீறி விசே‌ஷ சலுகைகள் அளிக்கப்படுவதாகவும், சிறை விதிகளை மீறி அவர் வெளியே சென்றதாகவும் பரபரப்பு புகார் எழுந்தது.

 

g



இது தொடர்பாக அப்போதைய கர்நாடக சிறைத்துறை டி.ஐ.ஜி. ரூபா திடீர் சோதனை நடத்தி விதி மீறல்களை கண்டுபிடித்தார். சசிகலாவுக்கு சலுகைகள் வழங்க கர்நாடக சிறைத்துறை டிஜிபி சத்யநாராயண ராவ் ரூ.2 கோடி லஞ்சம் பெற்றதாகவும் டிஐஜி ரூபா குற்றம் சாட்டினார். இந்த புகார்கள் குறித்து விசாரிக்க ஓய்வு பெற்ற ஐ.ஏ.எஸ். அதிகாரி வினய்குமார் தலைமையில் உயர்மட்டக் குழுவை அப்போதைய கர்நாடக அரசு நியமித்தது. அந்த குழு தனது விசாரணை அறிக்கையை தாக்கல் செய்துள்ளதாக செய்தி வெளியாகியுள்ளது. அதில், சிறை விதிகளை சசிகலா மீறியது உண்மைதான் என தெரிவிக்கப்பட்டுள்ளது.

 

h



அந்த அறிக்கையில் சசிகலா சிறையில் அடைக்கப்பட்டதும் 5 செல்களில் இருந்த கைதிகளை வெளியேற்றி அவருக்காக பிரத்யேக அறை ஒதுக்கப்பட்டதாகவும், சிறையில் சசிகலாவுக்காக தனியாக சமையல் செய்யப்பட்டது உண்மைதான் என்றும் அந்த அறிக்கையில் கூறப்பட்டுள்ளதாக தகவல்கள் லீக் ஆகியுள்ளது. மேலும், சிறையில் இருந்து விதிகளை மீறி சசிகலா வெளியே சென்றது குறித்து காவல் அதிகாரி ரூபா கூறிய புகார்கள் உண்மைதான் எனவும் அந்த அறிக்கையில் கூறப்பட்டுள்ளதாக தெரிகிறது. எனவே, சசிகலா நன்னடத்தை அடிப்படையில் முன்கூட்டியே விடுதலை ஆவதில் சிக்கல் உருவாகி உள்ளதாக கூறப்படுகிறது. இந்த அறிக்கையை கர்நாடக மாநில அரசு எப்படி எடுத்துக்கொள்ள போகிறது என்ற எதிர்பார்ப்பு தற்போது எழுந்துள்ளது. 


 

சார்ந்த செய்திகள்

 

Next Story

'சட்டமன்றத் தேர்தலுக்கு முன்பே அதிமுக இணையும்'-ஓபிஎஸ் நம்பிக்கை

Published on 18/07/2024 | Edited on 18/07/2024
'AIADMK will merge before assembly elections' - OPS hopes

அதிமுகவில் எடப்பாடி பழனிசாமி, ஓபிஎஸ், டி.டி.வி.தினகரன், சசிகலா எனப் பல தரப்புகளும் பிரிந்து கிடக்கும் நிலையில் அதிமுகவை ஒருங்கிணைக்க வேண்டும் என ஓபிஎஸ் தரப்பும், அதேபோல் சசிகலா தரப்பும் தொடர்ந்து குரல் எழுப்பி வருகிறது.

அதிமுகவை ஒன்றிணைக்கும் முயற்சியாக இரண்டாவது முறையாக 'அம்மா வழியில் மக்கள் பயணம்' என்ற பெயரில் மீண்டும் சுற்றுப் பயணத்தை நேற்று சசிகலா தொடங்கியுள்ளார். தென்காசி அடுத்த காசிமேசபுரத்தில் இருந்து சசிகலா தனது சுற்றுப்பயணத்தைத் தொடங்கி பொதுமக்களிடம் திறந்த வெளி வாகனத்தில் பேசி இருந்தார்.

'AIADMK will merge before assembly elections' - OPS hopes

சசிகலாவின் சுற்றுப்பயணத்தை முன்னாள் அதிமுக அமைச்சர் ஆர்.பி.உதயகுமார் விமர்சித்துள்ளார். மதுரையில் செய்தியாளர்களைச் சந்தித்த அவர் பேசுகையில், 'கறந்த பால் மடி புகாது; மீன் கருவாடு ஆகலாம். ஆனால் கருவாடு மீன் ஆகாது. இப்போது இருக்கின்ற நிலைமை 'கறந்த பால் மடி புகாது; கருவாடு மீன் ஆகாது என்ற நிலைமை தான் உள்ளது. இந்த மாதம் அனைத்திந்திய அதிமுகவின் தொண்டர்கள் மிகவும் கவனமாகவும், விழிப்புணர்வுடன் எச்சரிக்கையோடும் இருக்க வேண்டிய தருணம் இது'' என தெரிவித்திருந்தார்.

nn

இந்நிலையில் 2026 சட்டமன்ற தேர்தலுக்கு முன்பாகவே அதிமுக கட்சி இணைவது உறுதி ஆகிவிடும் என முன்னாள் முதல்வர் ஓபிஎஸ் தெரிவித்துள்ளார். மதுரையில் செய்தியாளர்களைச் சந்தித்த அவர், ''கட்சியை இணைப்பதற்கான அடிப்படை வேலைகள் நடந்து கொண்டிருக்கிறது. விரைவில் அதிமுக ஒன்றிணையும் 2026 சட்டமன்ற தேர்தலுக்கு முன்பாகவே அதிமுக ஒன்றிணைந்து விடும்'' என தெரிவித்துள்ளார்.

Next Story

'இந்த மாதம் அதிமுக தொண்டர்கள் எச்சரிக்கையோடு இருக்க வேண்டும்'-ஆர்.பி.உதயகுமார் பேட்டி

Published on 18/07/2024 | Edited on 18/07/2024
 'AIADMK volunteers should be cautious this month'-RB Udayakumar

அதிமுகவில் எடப்பாடி பழனிசாமி, ஓபிஎஸ், டி.டி.வி.தினகரன், சசிகலா எனப் பல தரப்புகளும் பிரிந்து கிடக்கும் நிலையில் அதிமுகவை ஒருங்கிணைக்க வேண்டும் என ஓபிஎஸ் தரப்பும், அதேபோல் சசிகலா தரப்பும் தொடர்ந்து குரல் எழுப்பி வருகிறது.

இந்நிலையில் அதிமுகவை ஒன்றிணைக்கும் முயற்சியாக இரண்டாவது முறையாக 'அம்மா வழியில் மக்கள் பயணம்' என்ற பெயரில் மீண்டும் சுற்றுப் பயணத்தை நேற்று சசிகலா தொடங்கியுள்ளார். தென்காசி அடுத்த காசிமேசபுரத்தில் இருந்து சசிகலா தனது சுற்றுப்பயணத்தைத் தொடங்கி பொதுமக்களிடம் திறந்த வெளி வாகனத்தில் பேசி இருந்தார்.

இந்நிலையில் சசிகலாவின் சுற்றுப்பயணத்தை முன்னாள் அதிமுக அமைச்சர் ஆர்.பி.உதயகுமார் விமர்சித்துள்ளார். மதுரையில் செய்தியாளர்களைச் சந்தித்த அவர் பேசுகையில், 'கறந்த பால் மடி புகாது; மீன் கருவாடு ஆகலாம். ஆனால் கருவாடு மீன் ஆகாது. இப்போது இருக்கின்ற நிலைமை 'கறந்த பால் மடி புகாது; கருவாடு மீன் ஆகாது என்ற நிலைமை தான் உள்ளது. இந்த மாதம் அனைத்திந்திய அதிமுகவின் தொண்டர்கள் மிகவும் கவனமாகவும், விழிப்புணர்வுடன் எச்சரிக்கையோடும் இருக்க வேண்டிய தருணம் இது.

இந்திய தேசத்திற்கு மகாத்மா காந்தி சுதந்திரம் வாங்கி கொடுத்து 75 ஆண்டுகள் சுதந்திர காற்றை சுவாசித்துக் கொண்டிருக்கிறோம். நேதாஜி சுபாஷ் சந்திரபோஸ் இந்திய தேசிய ராணுவத்தை அமைத்து போராடி பெற்று கொடுத்த சுதந்திர காற்றை சுவாசித்து வருகிறோம். 17/10/1972-இல் எம்ஜிஆர் சாதாரண மக்களுக்காக, ஒடுக்கப்பட்ட மக்களுக்காக அதிமுக இயக்கத்தை தொடங்கினார். தொடங்கிய காலத்தில் இருந்து அவர் கோட்டையில் முதலமைச்சராக தான் ஆயுள் முழுவதும் இருந்தார். அப்படிப்பட்ட மகத்தான மக்கள் இயக்கம் அதிமுக. இந்த இயக்கத்தில் எடப்பாடி பழனிசாமி ஒரு சாமானியனாக கிளை செயலாளராக தன்னுடைய பொதுவாழ்க்கையைத் தொடர்ந்து ஐம்பது ஆண்டு அயராத உழைப்பால், விசுவாசத்தால் ஜெயலலிதாவின் ஆன்மாவின் ஆசியோடு, எம்ஜிஆரின் ஆன்மாவின் ஆசியோடு, தொண்டர்களின் ஆதரவோடு நான்கரை ஆண்டுகள் எவராலும் சாமானியமாக நடத்த முடியாது என்று சொல்லுகின்ற அரசை ஜெயலலிதாவின் மறைவிற்குப் பிறகு நடத்திக் காட்டினார்'' என்றார்.