Skip to main content

ஓலாவில் இதுவரை இல்லாத அளவில் சச்சின் பன்சால் முதலீடு...

Published on 19/02/2019 | Edited on 19/02/2019

 

பெங்களூரு நிறுவனமான ஓலா டாக்ஸி  நிறுவனத்தில் ரூ. 650 கோடியை ஃப்ளிப்கார்ட் நிறுவனத்தின் முன்னாள் தலைமை செயல் அதிகாரியும் இணை நிறுவனருமான சச்சின் பன்சால் முதலீடு செய்துள்ளார். இதுவரை ஓலா நிறுவனத்தில் செய்யப்பட்ட முதலீடுகளிலே இதுதான் அதிகத்தொகை என்பது குறிப்பிடத்தக்கது.

 

sachin bansal

 

ஃப்ளிப்கார்ட் நிறுவனத்தின் பங்குகளை வால்மார்ட் நிறுவனம் வாங்கியபோது இவரின் பங்குத் தொகையாய்  கிட்டத்தட்ட ஒரு பில்லியன் அமெரிக்க டாலரை பெற்றார். அதன்பின் அந்தத் தொகையை பல சிறு நிறுவங்களில் முதலீடு செய்துவருகிறார். அந்த வகையில் தற்போது ஓலா நிறுவனத்திலும் ரூ. 650 கோடியை முதலீடு செய்துள்ளார். 

 

 

 

சார்ந்த செய்திகள்

Next Story

ஓலா, ரேபிடோ ஓட்டுநர்கள் மீது ஆட்டோ ஓட்டுநர் தாக்குதல்; வைரலாகும் வீடியோ காட்சி

Published on 01/04/2023 | Edited on 01/04/2023

 

 Auto driver attacks Ola, Rapido drivers; video goes viral

 

ஓலா மற்றும் ரேபிடோ ஓட்டுநர்களை ஆட்டோ ஓட்டுநர்கள் தாக்குவதாக காவல் ஆணையர் அலுவலகத்தில் புகார் கொடுக்கப்பட்டுள்ளது.

 

கோயம்பேடு பேருந்து நிலையத்தில் முன்பதிவு செய்த வாடிக்கையாளர்களை அழைத்துச் செல்வதற்காக ஓலா, ரேபிடோ ஓட்டுநர்கள் வரும் போது அங்கிருக்கும் ஆட்டோ ஓட்டுநர்கள் தாக்குதல் நடத்துவதாக புகார் அளிக்கப்பட்டுள்ளது.

 

சமீபத்தில் ரேபிடோ ஓட்டுநர் சஞ்சய் என்பவர் கோயம்பேடு பேருந்து நிலையத்தில் வாடிக்கையாளருக்காக காத்துக் கொண்டிருந்த பொழுது அங்கிருந்த ஆட்டோ ஓட்டுநர் கார்த்திக் என்பவர், நீங்கள் இங்கே வரக்கூடாது என கற்களால் தாக்கி காயப்படுத்தியதாகக் கூறப்படுகிறது. இது தொடர்பான வீடியோ காட்சிகளும் சமூக வலைத்தளங்களில் வெளியாகியுள்ளது. காவல் ஆணையர் அலுவலகத்தில் இது தொடர்பாக புகார் அளிக்கப்பட்டுள்ளது. கடந்த ஒரு வாரத்தில் மட்டும் இதேபோல் நான்கு முறை தாக்குதல் நடத்தப்பட்டதாகவும், இதனால் தங்களது வாகனங்கள் சேதம் அடைந்ததாகவும் தெரிவித்துள்ளனர் பாதிக்கப்பட்ட ஓலா, ரேபிடோ ஓட்டுநர்கள்.

 

 

Next Story

3,111 நபர்களுக்கு வேலை வாய்ப்பு; தமிழக அரசு ஓலா உடன் புதிய ஒப்பந்தம்

Published on 18/02/2023 | Edited on 18/02/2023

 

Employment to 3111 persons; Tamil Nadu Govt signs new deal with Ola

 

3,111 நபர்களுக்கு வேலை வாய்ப்புகள் கிடைக்கும் வகையில் தமிழக அரசு ஓலா நிறுவனத்துடன் புரிந்துணர்வு ஒப்பந்தம் மேற்கொண்டுள்ளது. 

 

முதலமைச்சர் மு.க.ஸ்டாலின் இன்று (18.02.2023) தலைமைச் செயலகத்தில் தொழில், முதலீட்டு ஊக்குவிப்பு மற்றும் வர்த்தகத் துறை சார்பில் திட்டப் பணிகளுக்கு அடிக்கல் நாட்டும் நிகழ்வு நடைபெற்றது. இந்நிகழ்வில் முதலமைச்சர், அமைச்சர்கள் துரைமுருகன், தங்கம் தென்னரசு மற்றும் தலைமைச் செயலாளர் இறையன்பு ஆகியோர் கலந்துகொண்டனர். தொழில், முதலீட்டு ஊக்குவிப்பு மற்றும் வர்த்தகத் துறை சார்பில் வேலூர் மாவட்டத்தில் 4.98 ஏக்கர் நிலப் பரப்பளவில் மினி டைடல் பூங்கா அமைக்கப்பட இருக்கிறது. 30 கோடி ரூபாய் மதிப்பீட்டில் கட்டப்படவுள்ள கட்டடத்திற்கு முதலமைச்சர் மு.க.ஸ்டாலின் இன்று தலைமைச் செயலகத்தில் வைத்து காணொலி வாயிலாக அடிக்கல் நாட்டினார். 

 

மேலும் சிப்காட் ஓசூர் தொழிற் பூங்காவில் 150 கோடி ரூபாய் முதலீட்டில் நிறுவப்பட்டுள்ள ஐநாக்ஸ் ஏர் ப்ராடக்ட்ஸ் நிறுவனத்தின் அதி உயர் தூய்மையான திரவ மருத்துவ ஆக்ஸிஜன் உற்பத்தி ஆலை மற்றும் சென்னையில் 110 கோடி ரூபாய் முதலீட்டில் நிறுவப்பட்டுள்ள GX குழுமத்தின் ஆராய்ச்சி மற்றும் மேம்பாட்டு மையம் ஆகியவற்றையும் திறந்து வைத்தார். தொடர்ந்து தமிழ்நாடு அரசிற்கும் ஓலா எலக்ட்ரிக் மொபிலிட்டி பிரைவேட் லிமிடெட் நிறுவனத்திற்குமிடையே 7,614 கோடி ரூபாய் முதலீட்டில் 3,111 நபர்களுக்கு வேலைவாய்ப்பு கிடைத்திடும் வகையில் நான்கு சக்கர மின்சார வாகனங்கள் உற்பத்தி மற்றும் 20 கிகாவாட் மின்கலன்கள் உற்பத்தித் திறன் கொண்ட ஆலைகளை அமைப்பதற்கான புரிந்துணர்வு ஒப்பந்தம் மேற்கொள்ளப்பட்டது.

 

முதலமைச்சர் நிர்ணயித்துள்ள இலக்கான 2030-31 ஆம் ஆண்டிற்குள் தமிழ்நாடு ஒரு டிரில்லியன் அமெரிக்க டாலர் பொருளாதார வளர்ச்சியடைய முதலீடுகளை ஈர்க்கும் வகையில் பல்வேறு நடவடிக்கைகளை தமிழ்நாடு அரசு எடுத்து வருகிறது என்பதும் குறிப்பிடத்தக்கது.