Skip to main content

சபரிமலை விவகாரத்தில் திடீரென்று நிலைப்பாட்டை மாற்றிய கேரள அரசு!

Published on 15/11/2019 | Edited on 15/11/2019

அனைத்து வயது பெண்களும் சபரிமலைக்கு செல்வது சம்மந்தமான சீராய்வு மனு 7 பேர் கொண்ட அமர்வுக்கு மாற்றியதால், கடந்த ஆண்டு உச்சநீதிமன்றம் வழங்கிய தீர்ப்பை கேரளா அரசு நடைமுறைப்படுத்துமா? என்ற கேள்வி அனைத்து தரப்பினரிடத்திலும் எழும்பியது. 

இந்த நிலையில் இன்று (15/11/2019) மாலை கேரளா ஆளும் மார்க்சிஸ்ட் கம்யூனிஸ்ட் கட்சியின் ஆலோசனை கூட்டம் திருவனந்தபுரத்தில் நடந்தது. அதன் பிறகு செய்தியாளர்களிடம் பேசிய கேரளா தேவசம் போர்டு மந்திாி கடகம்பள்ளி சுரேந்திரன் உச்சநீதிமன்றம், கடந்த 2018 செப்டம்பர் 28- ஆம் தேதி வழங்கிய தீர்ப்பில் அனைத்து வயது பெண்களும் சபாிமலைக்கு செல்லலாம் என்ற தீர்ப்புக்கு எதிரான சீராய்வு மனு 7 போ் கொண்ட அமர்வுக்கு உச்சநீதிமன்றம் மாற்றியிருப்பதால், ஏற்கனவே வழங்கிய தீர்ப்பு நடைமுறையில் இருக்கும் என்று 3 நீதிபதிகள் மட்டும் கூறிய கருத்து உச்சநீதிமன்றத்தின் முழுமையான கருத்தாக அது இல்லை. 

sabarimala case supreme court judgment follow kerala govt


அதே வேளையில் இன்று (15/11/2019) நடந்த கட்சியின் ஆலோசனை கூட்டத்தில், இந்த மண்டல மகர கால பூஜைகளில் சபரிமலைக்கு செல்ல விரும்பும் 10 வயதில் இருந்து 50 வயதுக்குட்பட்ட பெண்களை போலீஸ் பாதுகாப்புடன் அழைத்து செல்ல அரசு நடவடிக்கை எடுக்காது என்றும், அதே வேளையில் உச்சநீதிமன்றத்தின் அனுமதியை பெற்று வந்தால், பாதுகாப்புடன் அழைத்து செல்ல அரசும், காவல்துறையும் நடவடிக்கை எடுக்கும் என்றார்.

sabarimala case supreme court judgment follow kerala govt


கேரளா அரசின் இந்த திடீா் நிலைபாட்டுக்கு காரணம் பாரளுமன்ற தோ்தலில் கம்யூனிஸ்ட் கட்சியின் படுதோல்வி கொடுத்த பாடம் தான் என்று எதிா்கட்சி தலைவா் காங்கிரஸ் ரமேஷ்சென்னிதலா கூறியிருப்பதோடு காங்கிரசின் நிலைப்பாடு்ம் அந்த குறிப்பிட்ட வயது கொண்ட பெண்களை சபாிமலைக்கு அனுமதிக்க கூடாது என்று தான் என்றார்.






 

சார்ந்த செய்திகள்

 

Next Story

நீட் தேர்வு முறைகேடு விவகாரம்; உச்ச நீதிமன்றத்தில் புதிய மனு!

Published on 22/07/2024 | Edited on 22/07/2024
NEET exam malpractice issue A new petition in the Supreme Court

இளநிலை மருத்துவப் படிப்பிற்காக இந்த ஆண்டு நடைபெற்ற நீட் தேர்வில் முறைகேடு நடந்ததாகப் பல புகார்கள் எழுந்தது. அந்த வகையில், நீட் தேர்வின் வினாத்தாள் கசிவு, கருணை மதிப்பெண், 67 பேருக்கு முழு மதிப்பெண்கள், நீட் தேர்வின் போது ஏற்பட்ட குளறுபடிகள், ஆள்மாறாட்டம் செய்து நீட் தேர்வு எழுதியது, ஒரே பயிற்சி மையத்தைச் சேர்ந்த பல மாணவர்கள் நிறைய மதிப்பெண்கள் எடுத்தது எனத் தொடர்ச்சியாக பல்வேறு புகார் மனுக்கள் உச்சநீதிமன்றத்தில் தாக்கல் செய்யப்பட்டு வழக்குகள் குவிந்தன.

அதே சமயம், நீட் தேர்வு முடிவுகளை ரத்து செய்ய வேண்டும் எனவும் வழக்கு தொடரப்பட்டிருந்தது. இந்த வழக்கில் தேசிய தேர்வு முகமை சார்பில் உச்ச நீதிமன்றத்தில் பிரமாணப்பத்திரம் தாக்கல் செய்யப்பட்டது. இந்நிலையில் நீட் தேர்வு வினாத்தாள் கசிவுத் தொடர்பாக வழக்கு தொடர்ந்தவர்கள் சார்பில் உச்ச நீதிமன்றத்தில் புதிதாக இடையீட்டு மனுத் தாக்கல் செய்துள்ளனர். 

NEET exam malpractice issue A new petition in the Supreme Court

அதில், “கடந்த மே மாதம் நடந்த நீட் தேர்வை நாடு முழுவதிலும் இருந்து சுமார் 23 லட்சம் பேர் எழுதினர். இதில் சுமார் 13 லட்சம் பேர் தேர்ச்சி பெற்றுள்ளனர். எனவே நீட் தேர்வில்  650 முதல் 680 வரை என அதிக மதிப்பெண்கள் எடுத்த சுமார்3.5 லட்சம் மாணவர்களுக்கு மறு தேர்வு நடத்த வேண்டும் எனக் கோரிக்கை விடுக்கப்பட்டுள்ளது.  நீட் முறைகேடு தொடர்பான வழக்கு இன்று விசாரணைக்கு வர உள்ள நிலையில் இந்த இடையீட்டு மனுத் தாக்கல் செய்யப்பட்டுள்ளது குறிப்பிடத்தக்கது. 

Next Story

இட ஒதுக்கீடு விவகாரம்; வங்கதேச உச்ச நீதிமன்றம் அதிரடி உத்தரவு! 

Published on 21/07/2024 | Edited on 21/07/2024
Reservation issue;  Bangladesh Supreme Court action order

வங்கதேசம் - பாகிஸ்தான் போரில் உயிர்த் தியாகம் செய்த ராணுவ வீரர்களின் குடும்பத்தினருக்கு அரசுப் பணியில் 30 சதவீதம் இட ஒதுக்கீடு வழங்கப்பட்டு வந்தது. இதற்கு வங்கதேசம் முழுவதும் எதிர்ப்புகள் கிளம்பிய நிலையில் கடந்த 2018ஆம் ஆண்டு மாணவர்களின் போராட்டத்திற்குப் பிறகு அந்த இட ஒதுக்கீடு நிறுத்தி வைக்கப்பட்டது.இந்த நிலையில், வங்கதேசத்தில் மீண்டும் போரில் உயிரிழந்தவர்களில் குடும்பத்தினருக்கு அரசுப் பணிகளில் 30 சதவீத இட ஒதுக்கீடு வழங்குவது நடைமுறைப்படுத்தப்படும் என அந்நாட்டின் அரசு அறிவிப்பினை வெளியிட்டது.  இது தொடர்பான வழக்கு அந்நாட்டின் உச்சநீதிமன்றத்தில் நிலுவையில் இருந்தது.

அதே சமயம், இந்த இட ஒதுக்கீட்டை எதிர்த்து மாணவர்கள் அரசுக்கு எதிராகப் போராட்டங்களை நடத்தி வருகின்றனர். அதோடு ஆளும் அவாமி லீக் கட்சியின் மாணவர்கள் அமைப்பினர் இட ஒதுக்கீட்டிற்கு எதிராகப் போராடும் மாணவர்கள் மீது தாக்குதல் நடத்தினர். இதனைத் தொடர்ந்து நடந்த போராட்டத்தில் மாணவர்களுக்கும், காவலர்களுக்கும் வன்முறை வெடித்தது. இதில் மாணவர்கள் உள்பட  100க்கும் மேற்பட்டோர் உயிரிழந்ததாகவும், ஏராளமானவர்கள் காயமடைந்ததாகவும் கூறப்படுகிறது. 

Reservation issue; Bangladesh Supreme Court action order

இதற்கிடையே வன்முறையைக் கட்டுப்படுத்தும் வகையில், வங்கதேசம் முழுவதும் பல்கலைக்கழங்கள், கல்லூரிகள் என அனைத்து கல்வி நிறுவனங்களுக்கும் விடுமுறை அளிக்கப்பட்டது. மேலும், அனைத்து விடுதிகளையும் மாணவர்கள் காலி செய்யவும் உத்தரவிடப்பட்டது. இதனைத் தொடர்ந்து டாக்கா உள்ளிட்ட வங்கதேசத்தின் முக்கிய நகரங்களில் மாணவர்கள் தொடர்ந்து போராட்டம் நடத்தி வருகின்றனர்.

இந்நிலையில் வங்கதேச விடுதலை போராட்டத்தில் பங்கேற்றவர்களின் வாரிசுகளுக்கு 30 சதவீத ஒதுக்கீடு வழங்க எதிர்ப்பு எழுந்த நிலையில் இந்த  இடஒதுக்கீட்டு முறையை ரத்து செய்து வங்கதேச உச்சநீதிமன்றம் உத்தரவிட்டுள்ளது. வங்கதேசம் முழுவதும் கலவரம் வெடித்த நிலையில் இட ஒதுக்கீட்டு முறையை ரத்து செய்து உச்சநீதிமன்ற உத்தரவிட்டுள்ளது குறிப்பிடத்தக்கது.