Skip to main content

இன்னொரு பணமதிப்பிழப்பு நடவடிக்கைக்கு அடிப்போடுகிறதா மோடி அரசு?

Published on 15/10/2019 | Edited on 15/10/2019

 

 

2016 ஆம் ஆண்டு திடீரென்று ஒருநாள் 1000 ரூபாய் 500 ரூபாய் நோட்டுகளை செல்லாது என்று அறிவித்து நாடு முழுவதும் மிகப்பெரிய பதற்றத்தை உருவாக்கினார் மோடி.

 

இந்திய ரூபாய் நோட்டுகளை பாகிஸ்தான் அப்படியே அச்சடித்து தீவிரவாதிகளுக்கு பயன்படுத்துகிறது. கருப்புப்பணம் ஏராளமாக புழங்குகிறது. பணமதிப்பிழப்பு நடவடிக்கை மூலமாக பயங்கரவாதத்தையும் கருப்புப்பணத்தையும் 100 நாட்களில் ஒழிப்பேன் என்று மோடி கூறினார். 

 

ஆனால், இந்தியா முழுவதும் நூற்றுக்கணக்கானோர் ஏடிஎம் மற்றும் வங்கி வாசல்களில் நீண்ட கியூவில் நின்று மாரடைப்பால் இறந்ததுதான் மிச்சம். அன்றைக்கு 9 சதவீதமாக இருந்த இந்திய பொருளாதார வளர்ச்சி இப்போது 6 சதவீதமாக வீழ்ந்துகொண்டிருக்கிறது.

 

rupees

 

உலக வங்கியே கவலை தெரிவித்துள்ள நிலையில் 2000 ரூபாய் நோட்டுகளை அச்சடிப்பதை திடீரென்று அரசு நிறுத்தியிருக்கிறது. ரிசர்வ் வங்கியின் கையிருப்பு முழுவதையும் துடைத்து எடுத்து பெருமுதலாளிகளுக்கு சலுகை அளிக்க பயன்படுத்திய மோடி அரசு, அடுத்து என்ன செய்யப்போகிறது என்று பொருளாதார நிபுணர்கள் அச்சம் தெரிவித்திருந்தனர்.

 



இந்நிலையில்தான், புதிய 2000, 500 ரூபாய் நோட்டுகளை உயர்தரத்துடன் அச்சடித்து மீண்டும் பாகிஸ்தான் புழக்கத்தில் விட்டிருப்பதாக தேசிய புலனாய்வு அமைப்பு வெடிகுண்டைத் தூக்கிப் போட்டுள்ளது.

 

இதையடுத்து, மீண்டும் ஒரு பணமதிப்பிழப்பு நடவடிக்கைக்கு மோடி அரசு அடிப்போடுகிறதா என்ற கேள்வி எழுந்துள்ளது.

 

திங்கள்கிழமை பயங்கரவாத எதிர்ப்பு குழுக்களின் கூட்டம் நடைபெற்றது. இதில் தேசிய புலனாய்வு அமைப்பின் ஐஜி அலோக் மிட்டல் பங்கேற்றார். தேசிய பாதுகாப்பு ஆலோசகர் அஜித் தோவலும் கலந்துகொண்டார். இதில் பேசிய மிட்டல், இந்திய ரூபாய் நோட்டுகளை பாகிஸ்தான் உயர்தரத்துடன் அச்சடித்து வினியோகிக்கிறது என்ற தகவலை கூறினார்.



 

இந்த போலி பணப்புழக்கத்தால் காலிஸ்தான் நடவடிக்கைகள் தீவிரமடைந்துள்ளன. இத்தகைய பணப்புழக்கம் தொடர்பாக 48 வழக்குகள் பதிவானதாகவும், 13 வழக்குகளில் தண்டனை தரப்பட்டிருப்பதாகவும் அவர் கூறினார். புதிய நோட்டுகள் வெளியிடப்பட்ட பிறகு கடந்த 3 ஆண்டுகளில் 50 கோடி ரூபாய் பிடிபட்டிருப்பதாக நாடாளுமன்றத்திலேயே கூறப்பட்டது குறிப்பிடத்தக்கது.

 

புதிய நோட்டுகளை கள்ள நோட்டுக்களாக அச்சடிக்க முடியாது என்றும் அதில் சிப் வைக்கப்பட்டிருப்பதாகவும், பயங்கரவாதிகளை காட்டிக் கொடுத்துவிடும் என்றும் பாஜக தலைவர்கள் 2016ல் பிரச்சாரம் செய்தனர். ஆனால், மீண்டும் பயங்கரவாதத்தை காரணம் காட்டி பணமதிப்பிழப்பு நடவடிக்கைக்கு அரசு தயாராகிறதோ என்ற அச்சம் பரவியுள்ளது.

சார்ந்த செய்திகள்

Next Story

“97 % ரூ.2000 நோட்டுகள் திரும்பப் பெறப்பட்டன” - ரிசர்வ் வங்கி தகவல்

Published on 01/01/2024 | Edited on 01/01/2024
97 % Rs 2000 notes withdrawn RBI Information

நாட்டில் புழக்கத்தில் இருந்த 2000 ரூபாய் நோட்டுகள் படிப்படியாகத் திரும்பப் பெறப்படும். டெபாசிட் மற்றும் இதர பரிவர்த்தனைகளுக்கு வாடிக்கையாளர்களிடம் இருந்து கடந்த செப்டம்பர் 30 ஆம் தேதி வரை 2000 ரூபாய் நோட்டுகளை வங்கிகள் பெற்றுக் கொள்ளலாம் என ஏற்கனவே ரிசர்வ் அறிவித்திருந்தது. மேலும் 2000 ரூபாய் நோட்டுகளை விநியோகிப்பதை உடனடியாக நிறுத்துமாறும் வங்கிகளுக்கு ரிசர்வ் வங்கி உத்தரவிட்டிருந்தது.

அதனைத் தொடர்ந்து 2000 ரூபாய் நோட்டுகளை மாற்ற கடந்த அக்டோபர் மாதம் 7 ஆம் தேதி வரை கால அவகாசம் நீட்டிக்கப்பட்டிருந்தது. அதன் பிறகும் ரூ.2000 நோட்டை மாற்ற முடியாதவர்கள், அக்டோபர் மாதம் 8 ஆம் தேதி முதல் ரிசர்வ் வங்கி அலுவலகங்களில் ரூ.20,000 வரை ரூ.2000 நோட்டை மாற்றிக்கொள்ளலாம் என அறிவிக்கப்பட்டது. ரிசர்வ் வங்கி அறிவித்திருந்த 19 கிளைகளில் தனிநபரோ, நிறுவனமோ ரூ.2000 நோட்டுக்களை மாற்றிக்கொள்ளலாம் என அதில் தெரிவிக்கப்பட்டிருந்தது.

இந்நிலையில் 2 ஆயிரம் ரூபாய் நோட்டுகள் திரும்ப பெறப்பட்டது குறித்து ரிசர்வ் வங்கி அறிக்கை வெளியிட்டுள்ளது. அதில், “கடந்த டிசம்பர் 29 ஆம் தேதி வரை 3.56 லட்சம் கோடி ரூபாய் மதிப்புடைய 2 ஆயிரம் ரூபாய் நோட்டுகள் வங்கிகள் மூலம் திரும்ப பெறப்பட்டுள்ளன. இந்த மதிப்பு மொத்தமுள்ள 2 ஆயிரம் ரூபாய் நோட்டுகளில் 97.38 சதவீதம் ஆகும். அதாவது 97.38 சதவீதம் 2 ஆயிரம் ரூபாய் நோட்டுகள் திரும்ப பெறப்பட்டுள்ள நிலையில், இன்னும் 9 ஆயிரத்து 330 கோடி ரூபாய் மதிப்புடைய 2 ஆயிரம் ரூபாய் நோட்டுகள் மட்டும் மீதமுள்ளன” எனத் தெரிவிக்கப்பட்டுள்ளது. 

Next Story

2000 ரூபாய் நோட்டுகள் மாற்ற இன்றே கடைசி!

Published on 07/10/2023 | Edited on 07/10/2023

 

Today is the last day to exchange 2000 rupee notes in banks

 

நாட்டில் புழக்கத்தில் உள்ள 2000 ரூபாய் நோட்டுகள் படிப்படியாகத் திரும்பப் பெறப்படும். டெபாசிட் மற்றும் இதர பரிவர்த்தனைகளுக்கு வாடிக்கையாளர்களிடம் இருந்து செப்டம்பர் 30 ஆம் தேதி வரை 2000 ரூபாய் நோட்டுகளை வங்கிகள் பெற்றுக் கொள்ளலாம் என அறிவித்திருந்தது. மேலும் 2000 ரூபாய் நோட்டுகளை விநியோகிப்பதை உடனடியாக நிறுத்துமாறும் வங்கிகளுக்கு ரிசர்வ் வங்கி உத்தரவிட்டிருந்தது. அதன்படி புழக்கத்தில் இருந்த 3.42 லட்சம் கோடி மதிப்பிலான 96 சதவீத 2000 ரூபாய் நோட்டுகள் திரும்பப் பெறப்பட்டுள்ளன.  

 

இந்நிலையில் 2000 ரூபாய் நோட்டுகள் மாற்றுவது தொடர்பாக அதிரடி அறிவிப்பு ஒன்றை ரிசர்வ் வங்கி வெளியிட்டிருந்தது. அந்த அறிவிப்பின் படி, “2000 ரூபாய் நோட்டுகளை மாற்ற அக்டோபர் மாதம் 7 ஆம் தேதி வரை கால அவகாசம் நீட்டிக்கப்பட்டுள்ளது. அக்டோபர் 8 முதல் ரிசர்வ் வங்கியின் 19 கிளைகளில்  2000 ரூபாய் நோட்டுகளை மாற்றிக் கொள்ளலாம்” எனத் தெரிவிக்கப்பட்டுள்ளது. 

 

இதனைத் தொடர்ந்து ரூ.2000 நோட்டை மாற்றுவதற்கான கால அவகாசம் ஒரு வாரத்திற்கு நீட்டிக்கப்பட்ட நிலையில், ரூ.2000 நோட்டை வங்கிகளில் மாற்ற இன்றே கடைசி நாளாகும். இன்றுக்குள் வங்கிகளில் ரூ.2000 நோட்டை மாற்ற முடியாதவர்கள், நாளை முதல் ரிசர்வ் வங்கி அலுவலகங்களில் ரூ.20,000 வரை ரூ.2000 நோட்டை மாற்றிக்கொள்ளலாம் என அறிவிக்கப்பட்டுள்ளது. ரிசர்வ் வங்கி அறிவித்துள்ள 19 கிளைகளில் தனிநபரோ, நிறுவனமோ ரூ.2000 நோட்டுக்களை மாற்றிக்கொள்ளலாம் என ரிசர்வ் வங்கி அறிவித்துள்ளது.

 

முன்னதாக புழக்கத்தில் இருந்த அனைத்து 500 மற்றும் 1000 ரூபாய் நோட்டுகளின் சட்டப்பூர்வ டெண்டர் நிலையைத் திரும்பப் பெற்ற பிறகு, பொருளாதாரத் தேவையை விரைவாகப் பூர்த்தி செய்வதற்காக, 1934 ஆம் ஆண்டு ஆர்பிஐ சட்டத்தின் பிரிவு 24(1) இன் கீழ் ரூ. 2000 மதிப்புள்ள ரூபாய் நோட்டு நவம்பர் 2016இல் அறிமுகப்படுத்தப்பட்டது. அந்த நேரத்தில். 2000 ரூபாய் நோட்டுகளை அறிமுகப்படுத்தும் நோக்கம் மற்ற வகைகளில் உள்ள ரூபாய் நோட்டுகள் போதுமான அளவில் கிடைத்தவுடன் நிறைவேற்றப்பட்டது. அதனால், 2018-19ல் 2000 ரூபாய் நோட்டுகள் அச்சடிப்பது நிறுத்தப்பட்டது குறிப்பிடத்தக்கது.