Skip to main content

“இதயம் தாண்டி இறைவன் இல்லை..” - கடல் கடந்து காதலியை கரம் பிடித்த தமிழர்

Published on 26/05/2023 | Edited on 26/05/2023

 

puducherry youngster marriage viral algeria woman 

 

புதுச்சேரியைச் சேர்ந்த கண்ணன் - நோயலின் என்ற தம்பதியரின் மகன் அபிலேஷ். இவர் கணினி பொறியியல் பாடத்தில்  பட்டம் பெற்றவர். அபிலேஷின் தந்தை இந்து, தாய் கிறிஸ்தவர். அபிலேஷ் தற்போது நெதர்லாந்து நாட்டில் கணினி பொறியாளராக வேலை செய்து வருகிறார். இவர் பணிபுரியும் இடத்தில் அல்ஜீரிய நாட்டைச் சேர்ந்த இஸ்லாமிய பெண் பாத்திமா அப்பி  என்பவரும் பணிபுரிந்து வருகிறார். முதலில் நண்பர்களாக பழகி உள்ளனர். பின்னர் இந்த நட்பு நாளடைவில் காதலாக மாறியுள்ளது. மேலும் கடந்த 2015 ஆம் ஆண்டு முதல் காதலித்து வந்தனர்.

 

இந்நிலையில் தங்கள் காதலை அபிலேஷும் பாத்திமாவும் தங்களது பெற்றோரிடம் தெரிவித்துள்ளனர். இவர்களின் காதலை இரு வீட்டாரும் ஏற்றுக்கொண்டனர். மேலும் சாதி, மதங்களைக் கடந்து இருவரும் திருமணம் செய்து கொள்ளவும் உறுதி எடுத்துக் கொண்டனர். அதனைத் தொடர்ந்து தங்களது திருமணமானது இருவீட்டார் சம்மதத்துடன் வள்ளலார் உருவாக்கிய சன்மார்க்க நெறிப்படி திருமணம் செய்துகொள்ள இருவரும் முடிவு செய்துள்ளனர்.

 

அதனைத் தொடர்ந்து புதுச்சேரி வந்த இவர்கள் திருக்குறளின் மீதும், வள்ளலாரின் திருமுறையின் மீதும் உறுதியேற்று திருமணம் செய்துகொண்டனர். இந்தத் திருமணம் வள்ளலார் சன்மார்க்கத்தைச் சேர்ந்தவர்கள், பெற்றோர்கள், உறவினர்கள் முன்னிலையில் நடைபெற்றது. இவர்களின் இந்தத் திருமணம் தொடர்பான வீடியோக்கள் சமூக வலைத்தளங்களில் மக்களின் கவனத்தை ஈர்த்துள்ளது. 

 

 

சார்ந்த செய்திகள்

 

Next Story

பட்டாக்கத்தியுடன் பாய்ந்த இளைஞர்; வைரலாகும் வீடியோ

Published on 17/06/2024 | Edited on 17/06/2024
A young man with a sword; A viral video

சென்னை பம்மலில் முன்னாள் அதிமுக கவுன்சிலரின் மகன் பட்டாகத்தியுடன் இளைஞர் ஒருவரை வெட்ட முயலும் காட்சிகள் வெளியாகி பரபரப்பை ஏற்படுத்தி இருக்கிறது.

சென்னை பம்மல் பகுதியில் உள்ள அந்தோனியார் ஆலயத்தில் 57வது ஆண்டு கொடி திருவிழா நடைபெற்று வருகிறது. இந்த திருவிழாவில் திடீரென இரண்டு தரப்பிற்கு இடையே மோதல் ஏற்பட்டது. அப்போது அதிமுக முன்னாள் கவுன்சிலர் லியோன் என்பவரின் மகன் லியோன்டா பட்டாக்கத்தியால் எதிர்த்தரப்பு இளைஞரை தாக்க முயன்றார். அங்கிருந்த நபர்கள் லியோன்டாவை தடுத்து நிறுத்தியதோடு இழுத்துச் சென்றனர். இந்த சம்பவம் தொடர்பான காட்சிகள் தற்பொழுது இணையத்தில் வைரலாக பரவி வருகிறது.

Next Story

அதிகாலை ஆட்டோ ரேஸ்; பறிபோன 2 உயிர்கள்

Published on 17/06/2024 | Edited on 17/06/2024
 early morning auto race; 2 lives lost

சென்னை வண்டலூர் பகுதியில் நடத்தப்பட்ட ஆட்டோ ரேஸில் விபத்து ஏற்பட்டு இரண்டு பேர் உயிரிழந்த சம்பவம் பரபரப்பை ஏற்படுத்தி இருக்கிறது.

ஏற்கெனவே சென்னையின் பல பகுதிகளில் ஆட்டோ ரேஸ்கள் இரவு நேரங்களில் நடைபெற்று அதனால் விபத்துக்கள் ஏற்பட்டது தொடர்பான சம்பவங்கள் அரங்கேறி இருந்தது. இந்நிலையில் சென்னை வண்டலூரில் இருந்து மீஞ்சூர்ச் செல்லும் வெளிவட்ட சாலையில் கடந்த 15 ஆம் தேதி அதிகாலை நேரத்தில் சர்.. சர்.. என ஆட்டோக்கள் பறந்தது. இந்தச் சம்பவம் மற்ற வாகன ஓட்டிகளை அச்சத்தில் ஆழ்த்தியது. அதிகாலை நேரத்தில் வாரத்திற்கு ஒரு முறை சனி அல்லது ஞாயிற்றுக்கிழமையில் இந்த ஆட்டோ ரேஸ்கள் நடத்தப்படுவதாகக் கூறப்படுகிறது. கடந்த 15 ஆம் தேதி அதிகாலை நடைபெற்ற ரேஸில் மொத்தமாக எட்டு ஆட்டோக்கள் பங்கேற்றதாகக் கூறப்படுகிறது. ரேஸில் இறங்கியுள்ள ஆட்டோக்களை கண்காணிப்பதற்காக இருசக்கர வாகனத்தில் 30க்கும் மேற்பட்டோர் பின் தொடர்ந்துள்ளனர்.

இப்படி ஆட்டோக்களைப் பின்தொடர்ந்து சென்று கொண்டிருந்த நேரத்தில் செங்குன்றம் அருகே சென்ற பொழுது ஆட்டோக்கள் மீது இருசக்கர வாகனத்தில் சென்றவர்களின் வாகனங்கள் உரசி விபத்து ஏற்பட்டது. இதில் குன்றத்தூரைச் சேர்ந்த மணி மற்றும் அம்பத்தூர் ஜான் சுந்தர் ஆகியோர் தலையில் பலத்தகாயமடைந்து சம்பவ இடத்திலேயே உயிரிழந்தனர். மேலும் மாரிமுத்து, மோகன கிருஷ்ணன் உள்ளிட்ட 8 பேர் காயத்துடன் சிகிச்சை பெற்று வருகின்றனர். ஆரம்பத்தில் இது இருசக்கர விபத்து என எண்ணி போக்குவரத்து போலீசார் வழக்கு பதிவு செய்த நிலையில், தற்போது ரேஸ் வீடியோ காட்சிகள் வெளியானதை அடுத்து, இந்த விபத்து ஆட்டோ ரேசால் நிகழ்ந்தது உறுதி செய்யபடுத்தப்பட்டு தீவிரமாக போலீசார் விசாரணை மேற்கொண்டு வருகின்றனர்.