Skip to main content

குரூப் ‘பி’ பணியிடங்கள்; புதிய அரசாணை வெளியீடு

Published on 16/03/2023 | Edited on 16/03/2023

 

puducherry cm talks about group b posting quota related go passed

 

குரூப் 'பி' பணியிடங்களில் மிகவும் பிற்படுத்தப்பட்டோருக்கு இட ஒதுக்கீடு அளிக்க அரசாணை வெளியிடப்பட்டுள்ளதாக புதுச்சேரி முதல்வர் ரங்கசாமி தெரிவித்துள்ளார்.

 

புதுச்சேரி சட்டப்பேரவையில் நேற்றைய கேள்வி நேரம் முடிவடைந்தவுடன் அமைச்சர் ஜெயக்குமார் ஒரு அறிவிப்பை வெளியிட்டார். அவர் பேசும்போது, குரூப் 'பி' பணியிடங்களில் மிகவும் பிற்படுத்தப்பட்டோருக்கு இட ஒதுக்கீடு அளிக்க அரசாணை வெளியிடப்பட்டுள்ளது. அது இன்று முதல் நடைமுறைக்கு வருகிறது என்றும், முதலமைச்சர் மிகவும் பிற்படுத்தப்பட்டோருக்கான இட ஒதுக்கீடு வழங்குவதில் மிகுந்த அக்கறை காட்டியுள்ளார் என்றும் கூறினார்.

 

பின்னர் இது குறித்து முதலமைச்சர் ரங்கசாமி செய்தியாளர்களுக்கு நேர்காணல் அளித்தார். அப்போது அவர் கூறியதாவது, "குரூப் 'பி' பணியிடங்களில் மிகவும் பிற்படுத்தப்பட்டோர் உட்பட அனைத்து உட்பிரிவினருக்கும் இட ஒதுக்கீடு அளிக்க அமைச்சரவையில் ஒப்புதல் அளிக்கப்பட்டு அரசாணை வெளியிடப்பட்டுள்ளது. அரசு பள்ளிகளில் பணியாற்றும் ஆசிரியர்கள் தகுதியானவர்கள். திறமை, தகுதி அடிப்படையில் தேர்வு செய்துள்ளோம். சி.பி.எஸ்.இ கூறும் தகுதிகள் அரசு பள்ளிகளில் உள்ளது. இதனால் தகுதியான கல்வி கிடைக்கும்" என்றார்.

 

மேலும் அவர் கூறுகையில், "வைரஸ் காய்ச்சல் பரவலைத் தடுக்க சுகாதாரத்துறை தீவிரமாகச் செயல்படும். இம்மாத இறுதிக்குள் நோய் கட்டுப்பாட்டிற்குள் கொண்டு வரப்படும். புதுச்சேரிக்கு மாநில அந்தஸ்தை தொடர்ந்து வலியுறுத்துவோம். கஞ்சா விற்பனையைத் தடுக்க தீவிர நடவடிக்கை எடுக்கப்படும். கஞ்சா விற்பவர்கள் கடுமையாகத் தண்டிக்கப்படுவார்கள். இதற்காக தனிப்பிரிவு அமைத்து நடவடிக்கை எடுக்கப்படும்" என்றார். 

 

 

சார்ந்த செய்திகள்

 

Next Story

கன்னடர்களுக்கு இடஒதுக்கீடு; எதிர்ப்புக்கு பணிந்தது கர்நாடகா அரசு!

Published on 17/07/2024 | Edited on 17/07/2024
Karnataka government bowed down to Reservation for Kannadigas

கர்நாடகாவில் உள்ள தனியார் நிறுவனங்களில் சி மற்றும் டி பிரிவு பணியிடங்களை 100 சதவீதம் கன்னட மக்களுக்கு கட்டாய இடஒதுக்கீடு வழங்கும் மசோதாவை அம்மாநில அரசு கொண்டு வந்தது. மேலும், தனியார் நிறுவனங்களில் பணியாளர்களை அமர்த்தும் போது நிர்வாகப் பணிகளில் 50 சதவீத இடஒதுக்கீடும், நிர்வாகம் அல்லாத பிற பணிகளில் 70 சதவீதமும் கன்னட மக்களை மட்டும் நியமிக்க வேண்டும் என்று மசோதாவில் குறிப்பிடப்பட்டது. 

இந்த மசோதாவில் கர்நாடகா மாநிலத்தில் பிறந்து வளர்ந்தவர்கள் அல்லது 15 வருடங்களுக்கு மேலாக அம்மாநிலத்தில் வசித்து கன்னடத்தில் பேச, எழுத, படிக்க தெரிந்தவர்களுக்கு இந்த மசோதாவின் கீழ் இடஒதுக்கீடு வழங்கப்படும் என்று தெரிவித்திருந்தது. இந்தச் சட்டத்தை மீறும் தனியார் நிறுவனங்கள் மீது கடுமையான நடவடிக்கை எடுக்கப்படும் என்று மசோதாவில் தெரிவிக்கப்பட்டது.

கர்நாடகா அரசு கொண்டு வந்திருந்த மசோதாவுக்கு ஐ.டி நிறுவனங்களின் சங்கமான மென்பொருள் மற்றும் சேவை நிறுவனங்களின் தேசிய சங்கம் (நாஸ்காம்) கண்டனம் தெரிவித்து மசோதாவை திரும்ப பெறுமாறு அம்மாநில அரசுக்கு கோரிக்கை வைத்திருந்தது. இது குறித்து நாஸ்காம் தெரிவித்திருந்தாவது, ‘கன்னட மக்களையே 50 சதவீத பணிகளில் நியமிக்க உத்தரவிட்டால் தொழில்நுட்ப திறமையாளர்களுக்கு இடம் மறுக்கப்படும். மேலும், திறமையாளர்களை பணியில் அமர்த்த முடியாவிட்டால் ஐ.டி நிறுவனங்கள் கர்நாடகா மாநிலத்தில் இருந்து வெளியேறும் நிலை ஏற்படும்’ எனத் தெரிவித்திருந்தது. 

கடுமையான எதிர்ப்பு கிளம்பியதை அடுத்து, கர்நாடகா அரசு இந்த மசோதாவை அமல்படுத்துவதற்கு தற்போது பின்வாங்கியுள்ளது. தனியார் நிறுவனங்களில் கன்னட மக்களுக்கு 50 சதவீத பணிகள் ஒதுக்க வேண்டும் என்ற மசோதா, விரிவான ஆலோசனைக்குப் பிறகே செயல்படுத்தப்படும் என்று அம்மாநில அமைச்சர் பிரியங்க் கூறியுள்ளார். 

Next Story

கன்னட மக்களுக்கு 100% இடஒதுக்கீடு; புதிய மசோதாவைக் கொண்டு வந்த கர்நாடகா அரசு!

Published on 17/07/2024 | Edited on 17/07/2024
The Karnataka government has brought a new bill on 100% reservation for Kannada people

நாடு முழுவதும் ஏற்பட்டுள்ள வேலையின்மையால், இளைஞர்கள் பலரும் பாதிப்படைந்து வருகின்றனர். சமீபத்தில் குஜராத் மாநிலத்தில் உள்ள தனியார் நிறுவனத்தில் இருந்த 10 காலி பணியிடங்களுக்காக 1,000 பேர் வந்ததால் கூட்டநெரிசல் ஏற்பட்ட சம்பவம் பெரும் பரபரப்பை ஏற்படுத்தியிருந்தது. இந்த நிலையில், கர்நாடகாவில் உள்ள கன்னட மக்களுக்கு வேலைவாய்ப்பை அதிகப்படுத்தும் நோக்கத்தில் கர்நாடகா அரசு புதிய சட்டம் கொண்டு வர திட்டமிட்டுள்ளது. 

கர்நாடகாவில் உள்ள தனியார் நிறுவனங்களில் சி மற்றும் டி பிரிவு பணியிடங்களை 100 சதவீதம் கன்னட மக்களுக்கு கட்டாய இடஒதுக்கீடு வழங்கும் மசோதாவை அம்மாநில அரசு கொண்டு வந்துள்ளது. மேலும், தனியார் நிறுவனங்களில் பணியாளர்களை அமர்த்தும் போது நிர்வாகப் பணிகளில் 50 சதவீத இடஒதுக்கீடும், நிர்வாகம் அல்லாத பிற பணிகளில் 70 சதவீதமும் கன்னட மக்களை மட்டும் நியமிக்க வேண்டும் என்று மசோதாவில் குறிப்பிடப்பட்டுள்ளது. 

இந்த மசோதாவில் கர்நாடகா மாநிலத்தில் பிறந்து வளர்ந்தவர்கள் அல்லது 15 வருடங்களுக்கு மேலாக அம்மாநிலத்தில் வசித்திருக்க வேண்டும் என்று தெரிவிக்கப்பட்டுள்ளது. இந்தச் சட்டத்தை மீறும் தனியார் நிறுவனங்கள் மீது கடுமையான நடவடிக்கை எடுக்கப்படும் என்று மசோதாவில் தெரிவிக்கப்பட்டுள்ளது.