Skip to main content

புதிய நாடாளுமன்றத்திற்கு பிரதமர் சர்ப்ரைஸ் விசிட்

Published on 30/03/2023 | Edited on 30/03/2023

 

Prime Minister's surprise visit to the new Parliament

 

இந்தியாவில் தற்போது நாடாளுமன்றம் இயங்கி வரும் கட்டடத்தின் வயது கிட்டத்தட்ட 100 ஆண்டுகளை நெருங்குகிறது. ஆதலால், இந்த நாடாளுமன்றக் கட்டடத்திற்குப் பதிலாக புதிய நாடாளுமன்றக் கட்டடம் கட்ட மத்திய அரசு திட்டமிட்டது. இப்புதிய நாடாளுமன்றக் கட்டடம் அதிகமான உறுப்பினர்கள் அமரும் வகையில் நான்கு தளங்களோடு கட்டப்பட்டு வருகிறது. 

 

நாடாளுமன்றக் கட்டடம் கட்டுவதற்கு பிரதமர் மோடி கடந்த 2020 ஆம் ஆண்டு டிசம்பரில் அடிக்கல் நாட்டினார். டாடா ப்ராஜெக்ட்ஸ் லிமிடேட் உருவாக்கும் புதிய நாடாளுமன்றக் கட்டடம் அரசியலமைப்பு மண்டபம், எம்.பிக்களின் ஓய்வு அறைகள், நூலகம், நிலைக்குழு அறைகள், சாப்பிடும் பகுதி மற்றும் வாகன நிறுத்துமிடம் ஆகியவற்றைக் கொண்டது. இதற்கான கட்டுமானப் பணிகள் தற்போது முடிவடையும் நிலையில் உள்ளது. 

 

இந்நிலையில், இன்று திடீரென புதிய நாடாளுமன்றக் கட்டடத்தை பிரதமர் மோடி பார்வையிட்டார். ஒரு மணிநேரத்திற்கும் மேலாக நாடாளுமன்றக் கட்டடத்தில் முடிக்கப்பட்ட பணிகளையும், செய்யப்பட்டுள்ள புதிய வசதிகளையும், இரு அவைகளையும் ஆய்வு செய்தார். அவருடன் மக்களவை சபாநாயகர் ஓம் பிரகாஷ் பிர்லா மற்றும் உயர்மட்ட அதிகாரிகள் ஆகியோர் இருந்தனர்.

 

 

சார்ந்த செய்திகள்

 

Next Story

தெலுங்கில் பதவியேற்ற தமிழக எம்.பி!

Published on 25/06/2024 | Edited on 25/06/2024
Tamil Nadu MP sworn in Telugu

ஏழு கட்டங்களாக நடைபெற்ற மக்களவைத் தேர்தல் முடிவுகள் கடந்த 4ஆம் தேதி வெளியானது. அதில், பா.ஜ.க தலைமையிலான தேசிய ஜனநாயகக் கூட்டணி மூன்றாவது முறையாக வெற்றி பெற்று ஆட்சி அமைத்தது. இதனையடுத்து நாட்டின் பிரதமராக மூன்றாவது முறையாக நரேந்திர மோடி பதவியேற்கும் விழா டெல்லியில் உள்ள குடியரசுத் தலைவர் மாளிகையில் கடந்த 9 ஆம் தேதி (09.06.2024) நடைபெற்றது. அதனைத் தொடர்ந்து 18 வது மக்களவையில் முதல் கூட்டத்தொடர் நேற்று (24.06.2024) காலை 11 மணியளவில் தொடங்கியது. இந்த கூட்டத் தொடரையொட்டி மக்களவைக்குப் புதிதாகத் தேர்வு செய்யப்பட்ட எம்.பி.க்களுக்கு தற்காலிக சபாநாயகர் பர்த்ருஹரி மகதாப் பதவிப்பிரமாணம் செய்து வைத்து வருகிறார்.

இந்நிலையில் நாடாளுமன்ற மக்களவையில் தமிழகத்தைச் சேர்ந்த 39 எம்.பி.க்கள் பதவியேற்றனர். அந்த வகையில் சசிகாந்த் செந்தில், டி.ஆர்.பாலு, ஆ.ராசா எஸ். ஜெகத்ரட்சகன், தயாநிதி மாறன், மாணிக்கம் தாகூர், கே.சுப்பராயன், தொல்.திருமாவளவன், கனிமொழி, கார்த்தி சிதம்பரம், ஜோதிமணி, தமிழச்சி தங்கப்பாண்டியன், கலாநிதி வீராசாமி, கதிர் ஆனந்த், சி.என். அண்ணாதுரை, சு.வெங்கடேசன், செல்வ செல்வகணபதி, விஷ்ணு பிரசாத், கே.நவாஸ்கனி, க.செல்வம், விஜய் வசந்த், ரவிக்குமார், மலையரசன், ஈஸ்வரசாமி, சுதா, ராணி ஸ்ரீ குமார், மாதேஸ்வரன், சச்சிதானந்தம், செல்வராஜ், ராபர்ட் புரூஸ், வைத்திலிங்கம், ஆ.மணி, தரணிவேந்தன், கணபதி ராஜ்குமார், பிரகாஷ், துரை வைகோ, முரசொலி, அருண் நேரு, தங்க தமிழ்ச்செல்வன் என 39 பேரும் தமிழில் பதவியேற்று கொண்டனர். 

இவர்களில் பலரும் கையில் அரசியலமைப்பு புத்தகத்தை ஏந்தி உறுதிமொழி எடுத்தனர். மேலும் மறைந்த தமிழக முன்னாள் முதல்வர் கலைஞர், தமிழக முதல்வர் மு.க.ஸ்டாலின் பெயர்களை குறிப்பிட்டும் தி.மு.க எம்.பி.க்கள் பதவியேற்றனர். அதோடு சிலர், ‘வருங்காலம் எங்கள் உதயநிதி’ எனக் கூறியும் பதவியேற்றனர். 

இதில் கிருஷ்ணகிரி மக்களவைத் தொகுதியில் காங்கிரஸ் கட்சி சார்பில் போட்டியிட்டு வெற்றி பெற்ற எம்.பி கே.கோபிநாத் தெலுங்கு மொழியில் பதவியேற்றுக்கொண்டார். தமிழ்நாட்டில் இருந்து தேர்வு செய்யப்பட்ட காங்கிரஸ் எம்.பி. தெலுங்கில் பதவியேற்றது பெரும் விவாதத்தை கிளப்பியுள்ளது. மேலும், அவர் பதவியேற்ற பின் இறுதியாக, ‘நன்றி, வணக்கம்’ எனக் குறிப்பிட்டு ‘ஜெய் தமிழ்நாடு’ எனக் கோஷம் எழுப்பினார்.

Next Story

மக்களவையில் தமிழக எம்.பி.க்கள் பதவியேற்பு!

Published on 25/06/2024 | Edited on 25/06/2024
Tamil Nadu MPs take oath in Lok Sabha

ஏழு கட்டங்களாக நடைபெற்ற மக்களவைத் தேர்தல் முடிவுகள் கடந்த 4ஆம் தேதி வெளியானது. இதனையடுத்து நாட்டின் பிரதமராக மூன்றாவது முறையாக நரேந்திர மோடி பதவியேற்கும் விழா டெல்லியில் உள்ள குடியரசுத் தலைவர் மாளிகையில் கடந்த 9 ஆம் தேதி (09.06.2024) நடைபெற்றது. அதனைத் தொடர்ந்து 18 வது மக்களவையில் முதல் கூட்டத்தொடர் நேற்று (24.06.2024) காலை 11 மணியளவில் தொடங்கியது. இந்த கூட்டத் தொடரையொட்டி மக்களவைக்குப் புதிதாகத் தேர்வு செய்யப்பட்ட எம்.பி.க்களுக்கு தற்காலிக சபாநாயகர் பர்த்ருஹரி மகதாப் பதவிப்பிரமாணம் செய்து வைத்து வருகிறார்.

இந்நிலையில் நாடாளுமன்ற மக்களவையில் தமிழகத்தைச் சேர்ந்த 40 எம்.பி.க்கள் தமிழில் பதவியேற்றனர். அந்த வகையில் சசிகாந்த் செந்தில், டி.ஆர்.பாலு, ஆ.ராசா எஸ். ஜெகத்ரட்சகன், தயாநிதி மாறன், மாணிக்கம் தாகூர், கே.சுப்பராயன், தொல்.திருமாவளவன், கனிமொழி, கார்த்தி சிதம்பரம், ஜோதிமணி, தமிழச்சி தங்கப்பாண்டியன், கலாநிதி வீராசாமி, கதிர் ஆனந்த், சி.என். அண்ணாதுரை, சு.வெங்கடேசன், செல்வ செல்வகணபதி, விஷ்ணு பிரசாத், கே.நவாஸ்கனி, க.செல்வம், விஜய் வசந்த், ரவிக்குமார், மலையரசன், ஈஸ்வரசாமி, சுதா, ராணி ஸ்ரீ குமார், கோபிநாத், மாதேஸ்வரன், சச்சிதானந்தம், செல்வராஜ், ராபர்ட் புரூஸ், வைத்திலிங்கம், ஆ.மணி, தரணிவேந்தன், கணபதி ராஜ்குமார், பிரகாஷ், துரை வைகோ, முரசொலி, அருண் நேரு, தங்க தமிழ்ச்செல்வன் என 39 பேரும் பதவியேற்று கொண்டனர். 

Tamil Nadu MPs take oath in Lok Sabha

இவர்களில் பலரும் கையில் அரசியலமைப்பு புத்தகத்தை ஏந்தி உறுதிமொழி எடுத்தனர். குறிப்பாக “தலித்துகள், பழங்குடியினர், சிறுபான்மையினர் மீதான தாக்குதலை நிறுத்துக...” என வலியுறுத்தி திருவள்ளூர் தொகுதி எம்.பி. சசிகாந்த் தாஸ் பதவியேற்றார். நீட் தேர்வு வேண்டாம், நீட் தேர்வை தடை செய்ய வேண்டும்” என முழக்கமிட்டு தமிழில் மத்திய சென்னை தொகுதி எம்.பி. தயாநிதி மாறன் உறுதிமொழி எடுத்துக் கொண்டார். மேலும் மறைந்த தமிழக முன்னாள் முதல்வர் கலைஞர், தமிழக முதல்வர் மு.க.ஸ்டாலின் பெயர்களை குறிப்பிட்டும் திமுக எம்.பி.க்கள் பதவியேற்றனர். அதோடு சிலர், ‘வருங்காலம் எங்கள் உதயநிதி’ எனக் கூறியும் பதவியேற்றனர்.