டெல்லியில் சக்தி வாய்ந்த நிலநடுக்கம்

டெல்லியில் சக்தி வாய்ந்த நிலநடுக்கம் உணரப்பட்டதால் மக்கள் அச்சமடைந்துள்ளனர்.

நேபாளத்தில் ஏற்பட்ட நிலநடுக்கத்தின் எதிரொலியாக டெல்லியில் சற்று நேரத்திற்கு முன்னர் பலத்த நில அதிர்வு உணரப்பட்டுள்ளது. மாலை 04.16 மணி அளவில் நேபாளத்தில் உணரப்பட்ட நிலநடுக்கம் ரிக்டர் அளவுகோலில் 5.6 ஆக பதிவாகியுள்ளது. இந்நிலையில் டெல்லியில் மீண்டும் பலத்த நிலநடுக்கம் உணரப்பட்டதாக தகவல் வெளியாகியுள்ளது. டெல்லியில் 3 நாட்களில் இரண்டாவது முறையாக நிலநடுக்கம் ஏற்பட்டதால் மக்கள் பெரும் அச்சமடைந்துள்ளனர். டெல்லி மற்றும் அதனை ஒட்டியுள்ள இடங்களான லக்னோ, கோரக்பூர் நொய்டா, குருகிராம் உள்ளிட்ட இடங்களிலும் நிலநடுக்கம் உணரப்பட்டது.