Skip to main content

சிக்னலில் நிற்கும் போது ஹாரன் அடித்தால் காத்திருப்பு நேரம் அதிகரிக்கும்... எங்கே தெரியுமா..?

Published on 03/02/2020 | Edited on 04/02/2020

சிக்னல் நிற்கும்போது சிலர்  ஹாரன் அடிக்கும் பழக்கம் உடையவர்களாக இருப்பார்கள். சிக்னலில் பச்சை விளக்கு எரிய 10, 15 வினாடிகள் இருக்கும்போதே அவர்கள் இந்த சத்தத்தை எழுப்புவார்கள். அவர்களுக்காகவே தற்போது மும்பை போலிசார் புதிய முறையை சிக்னல் விளக்குகளில் புகுந்தியுள்ளார்கள். அதன்படி, தேவையில்லாமல் சாலையில் ஹாரன் அடித்தால் அதனுடைய நேரம் மீண்டும் முதலில் இருந்து தொடங்குவது போல் செட்டிங்கை மாற்றி வைத்துள்ளார்கள்.

 

 


தி பினிஷிங் சிக்னல் என்ற பெயரில் ஆரம்பிக்கப்பட்டுள்ள இந்த திட்டத்தின்படி, டிராபிக் சிக்னல் உடன் புதிய டெசிபெல் கருவிகளை போலிசார் பொருத்தியுள்ளனர். அதன்படி சிவப்பு விளக்கு எரிவதற்கு முன் யாராவது சாலையில் காத்திருப்பவர்கள் ஒலி எழுப்பினால் மீண்டும் சிவப்பு விளக்கு முதலில் இருந்து எரிய ஆரம்பிக்கும். இதனால் மீண்டும் சாலையில் நிற்பவர்கள் முதலில் இருந்து காத்திருக்க வேண்டியிருக்கும். இந்த திட்டத்தால் தற்போது சாலையில் யாரும் ஒலி எழுப்புவதில்லை என்று மும்பை போக்குவரத்து காவலர்கள் தெரிவித்துள்ளார்கள்.

 

சார்ந்த செய்திகள்

 

Next Story

‘சீட் பெல்ட் அணியவில்லை’ - அரசு பேருந்து ஓட்டுநர்களுக்கு அபராதம்!

Published on 24/05/2024 | Edited on 24/05/2024
Government bus drivers fined for not wearing seat belts in Nellai

திருநெல்வேலி மாவட்டம், நாங்குநேரியில் அரசுப் பேருந்தில் பயணித்த காவலர் ஒருவர், பயணச்சீட்டு எடுக்க மறுப்பு தெரிவித்து நடத்துநரிடம் வாக்குவாதத்தில் ஈடுபட்ட வீடியோ வெளியாகி சமூக வலைத்தளங்களில் வைரலானது. இந்த வீடியோ சமூக வலைத்தளங்களில் விவாதப் பொருளாக மாறிய நிலையில், தமிழக போக்குவரத்துத் துறை சார்பில் விளக்கம் அளிக்கப்பட்டது.

அதில், "காவலர்கள் பேருந்தில் பயணிக்கும் போது கட்டாயம் டிக்கெட் எடுக்க வேண்டும். வாரண்ட் இருக்கும் பட்சத்தில் மட்டுமே அவர்களுக்குக் கட்டணமில்லா பயணம் அனுமதிக்கப்படுகிறது. அந்தத் தொகையையும் போக்குவரத்துத் துறை அரசிடம் திரும்பப் பெற்றுக் கொள்கிறது.." என்று தெரிவிக்கப்பட்டது. மேலும், நாங்குநேரியில் நடைபெற்ற சம்பவத்தின் போது பேருந்து நடத்துநருடன் வாக்குவாதத்தில் ஈடுபட்ட காவலர் மீது துறை சார்ந்த நடவடிக்கை எடுப்பதற்கு பரிந்துரை செய்யப்பட்டது. அதனைத் தொடர்ந்து, அந்தக் காவலரிடம் விசாரணை நடைபெற்று வருகிறது. 

இந்தச் சம்பவத்திற்கு தமிழகம் முழுவதும் போக்குவரத்து விதிகளை கடைபிடிக்காத அரசு பேருந்து ஓட்டுநர்கள் மற்றும் நடத்துநர்களுக்கு போக்குவரத்து காவல்துறையினர் அபராதம் விதித்து வருகின்றனர். ஓட்டுநர் நோ பார்க்கிங்கில் பேருந்தை நிறுத்துவது, சீருடை அணியாமல் வண்டியை இயக்குவது என விதிமீறல்களில் ஈடுபடுபவர்களுக்கு அபராதம் விதிக்கப்படுவதாக கூறப்படுகிறது.

Government bus drivers fined for not wearing seat belts in Nellai

அந்த வகையில் தற்போது, நெல்லை வள்ளியூரில் அரசு பேருந்து ஓட்டுநர்கள் 3 பேருக்கு தலா ரூ.500 அபராதம் விதிக்கப்பட்டுள்ளது. பேருந்தின் ஓட்டுநர் சீட் பெல்ட் மற்றும் சீருடை அணியவில்லை என்று இந்த நடவடிக்கை மேற்கொண்டதாக போக்குவரத்து காவல்துறை சார்பாக தெரிவிக்கப்பட்டுள்ளது.

முன்பு நாங்குநேரியில் அரசுப் பேருந்தில் பயணித்த காவலர் மீது நடவடிக்கை எடுக்க போக்குவரத்துத்துறை பரிந்துரை செய்ததை தொடர்ந்துதான் தற்போது அரசு பேருந்துகளைக் குறிவைத்து அபராதம் விதிக்கும் நடவடிக்கையைப் போக்குவரத்து காவல் துறையினர் மேற்கொண்டு வருவதாக போக்குவரத்து தொழிற்சங்கத்தினர் குற்றம் சாற்றுகின்றனர்.

Next Story

ஆவணம் சரியாக இருந்தும் அபராதம் போட்ட காவலர்; லெப்ட் ரைட் வாங்கிய ஓட்டுநர்

Published on 08/05/2024 | Edited on 08/05/2024
driver dispute  policeman who issued a fine even though document was correct

சென்னை, வில்லிவாக்கம் அடுத்து அமைந்துள்ளது கொளத்தூர். இப்பகுதியில் உள்ள செந்தில் நகர் சிக்னல் அருகே போக்குவரத்து போலீசார் வாகன சோதனையில் ஈடுபட்டனர். அப்போது, செந்தமிழன் என்னும் சரக்கு வாகன ஓட்டுனர் வியாசர்பாடியில் இருந்து பள்ளி புத்தகங்களை ஏற்றிக் கொண்டு கொளத்தூர் வழியாக திருவள்ளூர் மாவட்டத்தில் இரண்டு இடங்களுக்கு சவாரி சென்றுள்ளார். அந்தச் சரக்கு வண்டியை செந்தில் நகர் சிக்னல் அருகே நின்ற போக்குவரத்து போலீசார் வழிமறித்துள்ளனர்.

உடனே, வண்டியை ஓரங்கட்டிய ஓட்டுநர் செந்தமிழன் தன்னோடு வந்த ஸ்கூல் இன்ச்சார்ஜ் ஒருவரை போலீசாரிடம் என்ன காரணம் நிறுத்தியதற்கு எனக்கேட்டு வர அனுப்பியுள்ளார். அதற்கு போலீசாரிடம் ஸ்கூல் இன்ச்சார்ஜ் விளக்கம் கேட்டதற்கு, ''சின்ன கேசு ஒன்னு போட்டு போங்க.. டிரைவர வர சொல்லுங்க..''என்று  கூறியுள்ளார். அதற்கு, ''அவர் வண்டியின் ஓட்டுநரை வர சொல்கிறேன்..'' எனக் கூறி செந்தமிழனிடம் வந்து போலீசார் கூறியதை சொல்லியுள்ளார். இதைக்கேட்டு அதிர்ந்து போனவர், வண்டியை நிறுத்தி விட்டு அங்கிருந்த போலீசாரிடம் உரிய ஆவணங்களுடன் சென்று பார்த்துள்ளார். தொடர்ந்து, எதற்காக வழக்குப்பதிவு எனப் போலீசாரிடம் கேட்டுள்ளார். அதற்கு போலீசார்,''Obstruction தம்பி..'' என்று மட்டும் பதில் சொல்லியதாக கூறப்படுகிறது. பதிலுக்கு ஓட்டுநர் செந்தமிழன் எதற்கு Obstruction எனக் கேட்க போலீஸ் அதிகாரி சரியான பதில் கூறவில்லை எனச் சொல்லப்படுகிறது.

இதையடுத்து, நான் வீடியோ எடுப்பேன் எனக் கூறி நடந்ததை தனது செல்போனில் ஓட்டுநர் வீடியோவாக எடுத்துள்ளார். அந்த வீடியோ வெளியாகி சமூக வலைத்தளங்களில் வைரலானது. அதில், பேசும் ஓட்டுநர் செந்தமிழன், ''உரிய ஆவணங்கள் எல்லாம் என்னிடம் இருக்கிறது. வண்டியில் குறைந்த அளவிலேயே சரக்கு ஏற்றப்பட்டு இருக்கிறது. அதுவும் பள்ளி புத்தகங்கள் தான். ஆனால், போக்குவரத்து போலீஸ் ஆய்வாளர் Obstruction எனக் கூறி அபராதம் கட்ட சொல்கிறார். எனக்கு Obstruction என்றால் என்ன என்று சொல்லுஙகள் சார்..''எனப் போலீஸாரிடம் கேட்கிறார். தொடர்ந்து, ஆங்கிலத்திலும் சரளமாக உரையாடி Obstruction குறித்து கேள்வி கேட்க, அதற்கு போலீஸ் அதிகாரி சரியான பதில் சொல்லாமல் அபராதம் வசூலிக்கவே முற்படுகிறார்.

இதனால், கோபமடைந்த ஓட்டுநர் செந்தமிழன், ''உங்க ஐடி காட்டுங்க சார்..'' எனக் கேட்க, அதற்கு போலீஸ் அதிகாரி, ''உங்க லைசென்ஸ் காட்டுங்க..'' எனக் கேட்க இருவருக்கும் வாக்குவாதம் ஏற்படுகிறது. அப்போது, ஓட்டுநர் வீடியோ எடுத்ததால் செல்போனை வைத்து போலீஸ் அதிகாரி பெயரை மறைத்ததாகவும், அதனால் பதிலுக்கு ஓட்டுநர் கேள்வி கேட்டதாக கூறப்படுகிறது. இதையடுத்து, சம்பவ இடத்திற்கு மற்றோரு காவலர் வருகிறார். அவரிடமும் நடந்ததை ஓட்டுநர் கூற, ''நான் தான் போக சொன்னேனே..''என கூறுகிறார். ஆனால், மற்றொரு காவலர் 500 அபராதம் விதிப்பேன் என கூறிக் கொண்டு இருக்க, ஓட்டுநர் செந்தமிழன் துணிச்சலுடன், ''நான் என்ன படிக்காத ஆளா.. பிஎஸ்சி மேக்ஸ் டிகிரி ஒல்டர்.. எட்டு வருஷம் பேங்ல வேலை பார்த்தேன்.. எதுக்காக அபராதம் போடுறீங்க தானே கேட்டேன்..'' என கூறுகிறார்.. ஆனால், வீடியோவில் கடைசி வரை போக்குவரத்து போலீசார் எதற்காக அபராதம் என சொல்லவே இல்லை.

இதனால், விரக்தியடைந்த ஓட்டுநர் செந்தமிழன், நான் இது குறித்து புகார் அளிப்பேன் எனக்கூறி அங்கிருந்து புறப்பட்டுச் செல்வதுடன் அந்த வீடியோ முடிவடைகிறது. இந்த வீடியோ காட்சிகள் சமூக வலைதளங்களில் வைரலான நிலையில், சம்பந்தப்பட்ட போக்குவரத்து போலீசாரிடம் துறைரீதியாக விசராணை நடைபெற்று வருவதாக தகவல் வெளியாகியுள்ளது.

சென்னை அடுத்த கொளத்தூர் பகுதியில் உரிய ஆவணங்கள் இருந்தும் அபராதம் விதித்ததாக, காவல்துறையினரிடம் வாகன ஓட்டுநர் வாக்குவாதம் செய்த சம்பவம் அதிர்ச்சியை ஏற்படுத்தியுள்ளது. விரிவான விசாரணை நடத்த வேண்டும் என கோரிக்கை எழுந்துள்ளது.