நடிகர் விவேக் மறைவுக்கு பிரதமர் மோடி இரங்கல்!

நகைச்சுவை நடிகர் விவேக் (59) திடீர் நெஞ்சுவலி காரணமாக நேற்று சென்னை தனியார் மருத்துவமனையில் அனுமதிக்கப்பட்டிருந்த நிலையில், அவருக்கு எக்மோ சிகிச்சைஅளிக்கப்பட்டு வந்தது. இந்நிலையில்,இன்று அதிகாலை சுமார் 4.35 மணியளவில் சிகிச்சை பலனின்றி அவர் காலமானார்.

அவரின் மறைவுக்குப்பலரும் இரங்கல் தெரிவித்து வருகின்றனர். இந்நிலையில் நடிகர் விவேக்கின் மறைவிற்கு பிரதமர் மோடி இரங்கல் தெரிவித்துள்ளார். இதுதொடர்பாகஅவர் வெளியிட்டுள்ள ட்விட்டர்பதிவில், ''நடிகர் விவேக்கின் காமெடி நடிப்பும், வசனஉச்சரிப்பும்மக்களை மகிழ்வித்தன. படங்களிலும், நிஜ வாழ்க்கையிலும் சுற்றுச்சூழல்மற்றும் சமூகத்திற்காகக் குரல் கொடுத்தவர். விவேக்கின் குடும்பத்தினர், நண்பர்கள், ரசிகர்களுக்கு ஆழ்ந்த இரங்கலை தெரிவித்துக் கொள்கிறேன்'' எனத் தெரிவித்துள்ளார்.