Skip to main content

ஓமன் மன்னர் மறைவு- இந்தியாவில் நாளை அரசு முறை துக்கம் அனுசரிக்கப்படும் என அரசு அறிவிப்பு!

Published on 12/01/2020 | Edited on 12/01/2020

ஓமன் நாட்டை 1970- ஆம் ஆண்டு முதல் ஆட்சி செய்து வந்த அந்நாட்டின் மன்னர், சுல்தான் காபூஸ் பின் சையத் அல் சையத் (79) காலமானார்.
 

காபூஸ் தனது தந்தையின் ஆட்சியை கவிழ்ந்து 1970 ஜூலை மாதம் ஓமன் நாட்டின் மன்னனாக பொறுப்பேற்று கொண்டார். வளைகுடா பகுதியில் ஒரு நாட்டின் மன்னராக நீண்ட காலம் இருந்தவர் என்ற பெயர் பெற்ற காபூஸ் உடல்நல குறைவு காரணமாக உயிரிழந்ததாக அறிவிக்கப்பட்டுள்ளது. குடல் புற்றுநோயால் பாதிக்கப்பட்ட அவர் பெல்ஜியத்தில் சிகிச்சை பெற்று நாடு திரும்பியிருந்த நிலையில், அவர் நேற்று (11.01.2020) உயிரிழந்துள்ளார்.

oman country king Sultan Qaboos incident india government


அடுத்த அரசர் யார் என்பதை அவர் வெளிப்படையாக அறிவிக்காத நிலையில், அந்நாட்டின் அரசியலமைப்பின் 6 வது பிரிவுப்படி, காலியாக உள்ள அரச பதவிக்கு மூன்று நாட்களுக்குள் அரச குடும்பம் ஒரு புதிய சுல்தானைத் தேர்வு செய்ய வேண்டும். அப்படி அரச குடும்ப சபை யாரையும் தேர்வு செய்யாத நிலையில், சுல்தான் காபூஸ் எழுதி வைத்த கடிதத்தில் யார் பெயர் உள்ளதோ அவர்கள் அரசராக்கப்படுவர். அந்த கடிதம் இராணுவ மற்றும் பாதுகாப்பு அதிகாரிகள், உச்ச நீதிமன்ற நீதிபதிகள் மற்றும் இரண்டு நாடாளுமன்ற ஆலோசனைக் குழு தலைவர்கள் முன்னிலையில் திறக்கப்படும் என தெரிவிக்கப்பட்டுள்ளது. 

oman country king Sultan Qaboos incident india government


இந்நிலையில் ஓமன் நாட்டு மன்னர் மறைவுக்கு உலக நாடுகளின் தலைவர்களும் இரங்கல் தெரிவித்து வருகின்றன. அதன் தொடர்ச்சியாக இந்தியாவில் நாளை (13.01.2020) அரசு முறை துக்கம் அனுசரிக்கப்படும் என்று மத்திய உள்துறை அறிவித்துள்ளது. அதன்படி தேசியக் கொடி நாளை (13.01.2020) அரைக்கம்பத்தில் பறக்கவிடப்படும்; அரசு சார்ந்த நிகழ்ச்சிகள் நாளை நடக்காது என்பது குறிப்பிடத்தக்கது. 


 

சார்ந்த செய்திகள்

Next Story

ராணி எலிசபெத் மறைவுக்கு ஒரு நாள் துக்கம் அனுசரிக்கப்பட்டது!

Published on 11/09/2022 | Edited on 11/09/2022

 

 

A Day of Mourning for Queen Elizabeth's india government flag


பிரிட்டன் ராணி இரண்டாம் எலிசபெத் மறைவையொட்டி, இந்தியாவில் ஒரு நாள் அரசுமுறை துக்கம் அனுசரிக்கப்பட்டது. அதே நேரத்தில் ஒரு நாள் துக்க அனுசரிப்பு நாடு முழுவதும் விவாதப் பொருளாக மாறியுள்ளது. 

 

பிரிட்டன் ராணி இரண்டாம் எலிசபெத் கடந்த செப்டம்பர் 8- ஆம் தேதி அன்று காலமானார். இதையடுத்து, அந்நாட்டில் துக்கம் அனுசரிக்கப்பட்டு வருகிறது. ராணி எலிசபெத்தின் இறுதி ஊர்வலம் வரும் செப்டம்பர் 19- ஆம் தேதி அன்று நடைபெறும் என அறிவிக்கப்பட்டுள்ளது. இந்த நிலையில், ராணியின் மறைவையொட்டி, இந்தியாவில் ஒருநாள் துக்கம் அனுசரிக்கப்பட்டது. 

 

அதன் ஒரு பகுதியாக, டெல்லியில் உள்ள செங்கோட்டையில் தேசிய கொடி அரைக்கம்பத்தில் பறக்கவிடப்பட்டது. அதேபோல், குடியரசுத் தலைவர் மாளிகையிலும் தேசிய கொடி அரைக்கம்பத்தில் பறக்கவிடப்பட்டது. மேலும், அரசு நிகழ்ச்சிகள் அனைத்தும் ரத்து செய்யப்பட்டன. சென்னையில் உள்ள ஜார்ஜ் கோட்டையில் தேசிய கொடி அரைக்கம்பத்தில் பறக்கவிடப்பட்டு, ராணி எலிசபெத் மறைவுக்காக துக்கம் அனுசரிக்கப்பட்டது. அரசு நிகழ்ச்சிகள் அனைத்தும் ரத்து செய்யப்பட்டன. 

 

தமிழகத்தில் உள்ள அனைத்து அரசுக் கட்டடங்களிலும் தேசிய கொடி அரைக்கம்பத்தில் பறக்கவிடப்பட்டது. அதேபோல், சென்னையில் ரிசர்வ் வங்கி கட்டிடம் மற்றும்  விமான நிலையம் ஆகிய இடங்களிலும் தேசியக் கொடி அரைக்கம்பத்தில் பறக்கவிடப்பட்டுள்ளது. 

 

அதே நேரத்தில், ஒரு நாள் துக்கம் அனுசரிப்பு குறித்து பல்வேறு தரப்பினரும் கேள்வி எழுப்பியுள்ளனர். 

 

Next Story

ஏற்றுமதி ஜனவரியில் 25.28% ஆக உயர்வு!

Published on 16/02/2022 | Edited on 16/02/2022

 

Exports rise 25.28% in January

 

நாட்டின் ஏற்றுமதி கடந்த ஜனவரி மாதத்தில் 25.28% உயர்ந்திருப்பதாக மத்திய வர்த்தக அமைச்சகம் தெரிவித்துள்ளது. ஜனவரி மாதத்தில் மட்டும் ஏற்றுமதி 2,58,750 கோடி ரூபாய் அளவுக்கு உயர்ந்திருக்கிறது. 

 

இதற்கு பெட்ரோலிய பொருட்கள், ஆபரணங்கள் மற்றும் கற்கள், பொறியியல் சார்ந்த பொருட்களின் ஏற்றுமதி அதிகரித்திருப்பதே காரணம் என்று மத்திய வர்த்தகத்துறை அமைச்சகம் சுட்டிக்காட்டியுள்ளது. இதேபோல இறக்குமதியும் ஜனவரி மாதத்தில் 23.54% உயர்ந்து, 3,89,475 கோடி ரூபாய் அளவுக்கு அதிகரித்திருக்கிறது. 

 

அதேபோல், ஜனவரி மாதத்தில் தங்கம் இறக்குமதி, 40.52% குறைந்திருப்பதாகவும், கச்சா எண்ணெய் விலை 26.9% அதிகளவில் உயர்ந்திருப்பதாகவும் மத்திய வர்த்தக அமைச்சகம் கூறியுள்ளது.