Breaking

நீட் தேர்வு முடிவுகள்.. முதலிடம் பிடித்த மாணவி.. தமிழக மாணவர்களின் நிலை என்ன?

Photographer

Published on 04/06/2018 | Edited on 04/06/2018

மருத்துவப் படிப்பிற்கான நுழைவுத்தேர்வான நீட் முடிவுகளை இன்று சி.பி.எஸ்.இ. வெளியிட்டது.

இளங்கலை மருத்துவப் படிப்பிற்கான பொது நுழைவுத் தேர்வான நீட், கடந்த மே 6ஆம் தேதி நாடு முழுவதும் நடைபெற்றது. இந்தத் தேர்வில் நாடு முழுவதிலும் இருந்து 13 லட்சம் மாணவர்கள் கலந்துகொண்டனர். தமிழகத்தைச் சேர்ந்த 1.07 லட்சம் மாணவர்கள் தேர்வெழுதினர். இந்தத் தேர்வுக்கான முடிவுகள் ஜூன் 5ஆம் தேதி வெளியாகும் என அறிவிக்கப்படும் என தகவல் வெளியான நிலையில், மனிதவள மேம்பாட்டுத்துறை செயலாளர் அனில் ஸ்வரூப் இன்று தேர்வு முடிவுகள் வெளியாகும் என தெரிவித்தார். அதன்படி, இன்று நீட் நுழைவுத்தேர்வுக்கான முடிவுகள் இன்று வெளியாகின.

இந்தத் தேர்வில் பீகார் மாநிலத்தைச் சேர்ந்த கல்பனா குமாரி என்ற மாணவி முதலிடத்தைப் பிடித்துள்ளார். அவர் 180 மதிப்பெண்கள் கொண்ட இயற்பியல் மற்றும் வேதியியல் பிரிவில் முறையே 171 மற்றும் 160 மதிப்பெண்களும், உயிரியல் பாடத்தில் 360க்கு 360 மதிப்பெண்களும் பெற்றுள்ளார். மொத்த மதிப்பெண் - 691/720. 99.9 சதவீதம் மதிப்பெண்ணுடன் அவர் முதலிடத்தைப் பிடித்திருக்கிறார்.

தேர்வெழுதிய 13 லட்சத்து 26 ஆயிரத்து 725 மாணவர்களில், 7 லட்சத்து 14 ஆயிரத்து 598 மாணவர்கள் தேர்ச்சி பெற்றுள்ளனர். முதல் 50 இடங்களில் ஒரேயொரு தமிழக மாணவி மட்டுமே இடம்பெற்றுள்ளார். கீர்த்தனா எனும் மாணவி இந்தியளவில் 12ஆவது இடத்தைப் பெற்றுள்ளார். தமிழகத்தில் இருந்து நீட் தேர்வெழுதிய 45 ஆயிரத்து 335 மாணவர்கள் மட்டுமே தேர்ச்சி பெற்றுள்ளனர்.

விரிவான அலசல் கட்டுரைகள்

சார்ந்த செய்திகள்

நக்கீரன் செய்திப்பிரிவு

Photographer

Published on 08/04/2024 | Edited on 08/04/2024

Important announcement For the attention of NEET students

2024 ஆம் ஆண்டு நடைபெற உள்ள மருத்துவ மாணவர் சேர்க்கைக்கான இளங்கலை நீட் நுழைவுத் தேர்வுக்காக விண்ணப்பம் செய்வதற்கான கால அவகாசத்தை நீட்டித்து தேசியத் தேர்வு மையம் அறிவித்துள்ளது.

2024 - 25 ஆம் கல்வியாண்டிற்கான இளநிலை மருத்துவ மாணவர் சேர்க்கைக்கான நீட் தேர்வு (2024) மே மாதம் 5 ஆம் தேதி நடைபெறும் எனத் தேசியத் தேர்வு முகமை ஏற்கனவே அறிவித்திருந்தது. தேர்வுக்கான தேதி அறிவிக்கப்பட்டு பல மாதங்கள் ஆகிவிட்ட நிலையில், தேர்வுக்கு விண்ணப்பிக்கலாம் எனத் தேசிய தேர்வு மையம் தெரிவித்திருந்தது.

அதன்படி, கடந்த பிப்ரவரி 2 ஆம் தேதி முதல், மார்ச் 16 ஆம் தேதி வரை நீட் தேர்வு எழுதும் மாணவ - மாணவிகள் ஆன்லைன் வழியாக விண்ணப்ப பதிவை மேற்கொள்ளலாம் எனத் தெரிவித்திருந்தது. இந்த நிலையில், நுழைவுத் தேர்வுக்கு விண்ணப்பம் செய்வதற்கான கால அவகாசத்தை நீட்டிக்குமாறு மாணவர்கள் மற்றும் பெற்றோர்கள் மத்தியில் கோரிக்கை வைக்கப்பட்டது. அந்த கோரிக்கையை அடிப்படையாகக் கொண்டு மார்ச் 16ஆம் தேதி வரை கால அவகாசம் நிறைவடைந்த நிலையில், ஏப்ரல் 10ஆம் தேதி வரை நீட்டித்துள்ளதாக தேசிய தேர்வு மையம் அறிவித்துள்ளது.

மேலும், https://exams.nta.nic.in/NEET என்ற இணையதளத்தின் மூலம் ஆன்லைன் விண்ணப்பப் படிவத்தை நாளை (09-04-24) மற்றும் நாளை மறுநாள் (10-04-24) சமர்ப்பிக்கலாம் எனத் தெரிவித்துள்ளது. நீட் தகுதி தேர்வுக்கான வழிகாட்டு நெறிமுறைகள் மற்றும் தகவல் தொகுப்பு கையேடு இணையதளத்தில் வெளியிடப்பட்டுள்ளது எனத் தெரிவிக்கப்பட்டுள்ளது. மேலும், அவ்வப்போதைய நிலவரங்களைத் தெரிந்து கொள்வதற்கு, www.nta.ac.in என்ற இணையதளத்தைப் பார்க்குமாறு அறிவுறுத்தப்படுகிறார்கள். குறிப்பிட்ட அவகாசத்திற்குள் விண்ணப்ப முடியாதவர்களின் நலன் கருதி தேசிய தேர்வு முகமை இந்த அறிவிப்பை வெளியிட்டுள்ளது.

விரிவான அலசல் கட்டுரைகள்

நக்கீரன் செய்திப்பிரிவு

Photographer

Published on 09/03/2024 | Edited on 09/03/2024

Important notification For students appearing for NEET

அதன்படி, கடந்த பிப்ரவரி 2 ஆம் தேதி முதல், மார்ச் 9 ஆம் தேதி இரவு 9 மணி வரை நீட் தேர்வு எழுதும் மாணவ - மாணவிகள் ஆன்லைன் வழியாக விண்ணப்ப பதிவை மேற்கொள்ளலாம் எனத் தெரிவித்திருந்தது. இந்த நிலையில், இன்றுடன் கால அவகாசம் நிறைவடைய இருந்த நிலையில், மார்ச் 6 ஆம் தேதி வரை நீட்டித்துள்ளதாக தேசிய தேர்வு மையம் அறிவித்துள்ளது. மேலும், https://exams.nta.nic.in/NEET என்ற இணையதளத்தின் மூலம் ஆன்லைன் விண்ணப்பப் படிவத்தை சமர்ப்பிக்கலாம் எனத் தெரிவித்துள்ளது. நீட் தகுதி தேர்வுக்கான வழிகாட்டு நெறிமுறைகள் மற்றும் தகவல் தொகுப்பு கையேடு இணையதளத்தில் வெளியிடப்பட்டுள்ளது எனத் தெரிவிக்கப்பட்டுள்ளது.