முதுநிலை நீட் தேர்வுக்கு தேதியை அறிவித்த மருத்துவ அறிவியலுக்கான தேசிய தேர்வு வாரியம்

இந்தியாவில் மருத்துவப் படிப்பில் சேர நாடு முழுவதும் நீட் தேர்வு நடைபெற்றுவருகிறது. இத்தேர்வின் மதிப்பெண் அடிப்படையில் மாணவர் சேர்க்கையும் நடைபெற்றுவருகிறது. அதன்படி, 2022 ஆம் ஆண்டில் MD,MS படிப்புகளில் சேர நடத்தப்படும் முதுநிலை நீட் தேர்வு ( NEET – PG ) வருகின்ற மார்ச் 12ஆம் தேதி நாடு முழுவதும் நடத்தப்படும் என மருத்துவ அறிவியலுக்கான தேசிய தேர்வு வாரியம் அறிவித்துள்ளது.

முதுநிலை நீட் தேர்வுக்கு இன்று மாலை 3 மணி முதல் பிப்ரவரி 4 ஆம் தேதி இரவு 11:55 மணி வரை https://nbe.edu.in இணையதளத்தில் விண்ணப்பிக்கலாம் என்றும் தெரிவிக்கப்பட்டுள்ளது. மேலும்,மார்ச் 12 ஆம் தேதி நடைபெறும் முதுநிலை நீட் தேர்வின் முடிவுகள் மார்ச் 31 ஆம் தேதி வெளியிடப்படும் என்றும் தேசிய தேர்வு வாரியம் தெரிவித்துள்ளது.