Skip to main content

நாராயணசாமி பிறந்த நாள் பேனர்... மக்கள் சிரிப்பு, முதல்வர் கடுப்பு!

Published on 27/05/2018 | Edited on 27/05/2018
ops-eps

 

புதுச்சேரி அரசியல்வாதிகள் பேனர்கள் வைப்பதில் கில்லாடிகள். தமக்கு பிடித்த தலைவர்களை விதவிதமாய் டிசைன் பண்ணி, வெவ்வேறு அவதாரங்களில் தலைவர்களின் முகங்களை கோர்த்து பல கோணங்களில் பதாகைகள்  வைப்பார்கள். தங்கள் தலைவரை ஆஹோ ஓஹோ என புகழ்ந்து வைப்பது ஒரு ரகம் என்றால், எதிர்க்கட்சியினரை சீண்டும் விதமாக வைப்பது மற்றொரு ரகம். இப்படி ரகம் ரகமாக வைக்கப்படும் பேனர்கள்  பார்ப்பதற்கு ரசிக்கும் விதமாகவும், சிரிக்கும் விதமாகவும்  இருக்கும்.

என்.ஆர் காங்கிரஸ் தலைவரும்,  முன்னாள் முதலமைச்சருமான ரெங்கசாமி பிறந்தநாள்களின் போதும் அவரது கட்சியினர் வைக்கும் பேனர்களில் அவர் கடவுள்கள், நடிகர்கள், கிரிக்கெட் வீரர்கள் என  பல அவதாரங்களில் காட்சி தருவார். காங்கிரஸ் கட்சியினரும் அவர்களுக்கு சளைத்தவர்களா என்ன? தங்கள் முதல்வர் நாராயணசாமி பிறந்த நாளில் வித விதமாய் பேனர்கள் வைத்து அசத்துவார்கள். கடந்த பிறந்தநாள் முதலமைச்சரான பிறகான முதல் பிறந்தநாள் என்பதால் புதுச்சேரியையே கலக்கி இருந்தனர்.


 

s1

 

இதுபோன்ற பேனர்கள் போக்குவரத்துக்கு இடையூறாகவும், பொதுமக்களுக்கு அறுவறுப்பாகவும் இருக்கின்றன என சமூக அமைப்புகளும், பொதுமக்களும் புறம் பேசியதால் தனது பிறந்தநாளுக்கு பேனர்கள் வைத்தால் தன்  சொந்த செலவில் அகற்றுவேன் நாராயணசாமி கூறியுள்ளார்.  ஆனாலும் சும்மா இருப்பார்களா.... ஆதரவாளர்கள்!?  வருகிற 30-ஆம் தேதி நாராயணசாமிக்கு பிறந்தநாள் வருவதை முன்னிட்டு விதம் விதமாய் பேனர் வைக்க தொடங்கியுள்ளனர்.

 

 


விளையாட்டு வீரர் அவதாரம் எடுத்துள்ள நாராயணசாமி  இலவச அரிசி திட்டம்,  ஸ்மார்ட் சிட்டி திட்டம், விவசாய கடன் தள்ளுபடி திட்டம் ... இவற்றிற்கு தடையாக வந்த காவி கலர் பந்துகளை தூக்கி வீசுகிறார், எட்டி உதைக்கிறார். 'நாம எந்த திட்டம் கொண்டு வந்தாலும் கெடுக்கறதே இவங்க பொழப்பாச்சி, அதை தடுக்கறதே நம்ம வேலையாச்சி... புதுச்சேரி வளர்ச்சிக்காக எத்தனை தடைகள் வந்தாலும் தகர்ப்பேன்' என சூளுரைக்கிறார்.

இன்னொரு பேனரில்  கிரிக்கெட் வீரராகியுள்ள நாராயணசாமி  ஆட்டம் காட்டும் பந்து, ஆட்சி கவிழ்ப்பு பந்து,  சூழ்ச்சி செய்யும் பந்து ஆகிய பந்துகளை கிரிக்கெட் மட்டையால் விளாசி தள்ளுகிறார். ஆளுநர் கிரண்பேடியை, பா.ஜ.கவினரை, முன்னாள் முதல்வர் ரெங்கசாமியை.... இப்படி தனது அரசியல் எதிரிகளை விளாசுகிறார் நாராயணசாமி.வித்தியாசமாக வைப்பதாக நினைத்து நாராயணசாமியை வில்லங்கத்தில் மாட்டி விட்டுள்ளனரோ.... அவரது ஆதரவாளர்கள்!? என்கின்றனர் புதுச்சேரிவாசிகள்.

 

 


தலைமை கவனிக்கிற மாதிரி பேனர்கள் வைத்தால்தான் பதவி கிடைக்கும் என்கிற குறுக்குவழி அரசியல்தான் இதுபோன்ற பேனர் கலாச்சாரத்தை வளர்க்கிறது என புலம்புகின்றனர் பார்வையாளர்கள். 


 

 

சார்ந்த செய்திகள்

Next Story

"தமிழக கலாச்சாரம் ஒரு ஆன்மீக கலாச்சாரம்" - ஆளுநர் தமிழிசை

Published on 08/05/2023 | Edited on 08/05/2023

 

governor tamilisai talks about tamilnadu culture spiritual culture

 

வேலூர் நாராயணி தங்க கோவில் வளாகத்தில் 31 ஆம் ஆண்டு விழா இன்று (08.05.2023) நடைபெற்றது. விழாவை முன்னிட்டு மேளதாளங்கள் முழங்க 10008 மஞ்சள் குட நீர் ஊர்வலமாக கொண்டு வரப்பட்டது. இந்த விழாவில் தெலுங்கானா மாநில ஆளுநரும், புதுச்சேரி துணைநிலை ஆளுநருமான தமிழிசை சௌந்தரராஜன் கலந்து கொண்டு தரிசனம் செய்தார்.

 

அதன் பின்னர் செய்தியாளர்களிடம் பேசிய ஆளுநர் தமிழிசை சௌந்தரராஜன், "ஆன்மீகத்தையும் தமிழையும் பிரிக்க முடியாது. இந்த இரண்டும் தான் வளர்ச்சிக்கு உதவுகிறது. ஆனால் சிலர் ஆன்மீகத்தை தவிர்த்து தமிழ் தான் அனைத்திற்கும் என்று சமீப காலமாக கூறி வருகிறார்கள். அது ஏற்புடையதல்ல. கொரோனா காலத்தில் தடுப்பூசி போடுவதற்கு அந்த அளவிற்கு நாங்கள் முயற்சி செய்தோம். இந்நிலையில் கடந்த இரண்டு நாட்களுக்கு முன்பு உலக சுகாதார நிறுவனம் கொரோனா இல்லாத காலமாக அறிவித்துள்ளது. இதற்கு நமது ஆன்மீகமும் அறிவியலும் காரணமாகும்.

 

இந்தியா எடுத்த உறுதியான முடிவினால் 45 லட்சம் பேர் கொரோனாவில் இருந்து பாதுகாக்கப்பட்டனர். இதற்கு தடுப்பூசியும் இறைவனின் அருளும்தான் காரணமாகும். இவை இரண்டும் சேர்ந்தால் தான் வாழ்க்கையில் சந்தோஷத்தை காண முடியும். அதை நான் முழுமையாக நம்புகிறேன். ஆன்மீகமும் தமிழும் ஒன்றுதான். ஆன்மீகத்தோடு கூடிய தமிழ் தான் தமிழகத்திற்கு வளர்ச்சியை தரும். தமிழக கலாச்சாரம் ஒரு ஆன்மீக கலாச்சாரம். தமிழக முதல்வர் இந்துக்களின்  விநாயகர் சதுர்த்தி, தீபாவளி வாழ்த்து சொல்வதில்லை. ஆனால் நான் பாகுபாடு பார்ப்பவன் இல்லை என முதல்வர் சொல்கிறார். ஆனால் இவர் இந்துக்களுக்கு வாழ்த்து சொல்லாதது குறித்து நான் கேட்டிருந்தேன். இதுவரையில் எனக்கு பதில் இல்லை.

 

ஆளுநர்கள் குறித்து தவறான கருத்துகளை கூறுகிறார்கள். மக்களால் தேர்வு செய்யப்பட்ட பிரதிநிதிகளுக்கும் அதிகாரங்கள் உள்ளது. அதே போல் ஆளுநர்கள் மக்களால் தேர்ந்தெடுக்கப்படவில்லை என்றாலும் சில அதிகாரங்கள் அவர்களுக்கு உள்ளது. ஆளுநருக்கு அதிகாரமில்லை என்றால் திமுக எதிர்க்கட்சியாக இருந்த போது ஏன் ஆளுநரை சந்தித்தார்கள். எல்லோரையும் மரியாதையுடன் பேச வேண்டும். ஆளுநர்களுக்கு அதிகாரமில்லை என புதுவை முன்னாள் முதல்வர் நாராயணசாமியும் கூறி வருகிறார். அதே போல் நான் புதுவையில் அதிக நாள் தங்கியிருப்பதாக நாராயணசாமி கூறுகிறார்.

 

உண்டியல் குலுக்கி புதுவைக்கும் ஹைதராபாத்திற்கும் விமானம் ஏற்பாடு செய்வதாக கூறுகிறார். அவர் உண்டியல் குலுக்க தேவையில்லை சேர்த்து வைத்திருந்த பணத்திலேயே அவர் ஏற்பாடு செய்யலாம். பிரதமர் நரேந்திர மோடி புதுச்சேரி மக்களும் ஹைதராபாத் மக்களும் வசதியாக இருக்க வேண்டும் என்பதற்காக நிறுத்தி வைக்கப்பட்டிருந்த நேரடி விமான சேவையை துவக்கி வைத்தார். உங்களைப் போல நாங்கள் தனி விமானத்தில் செல்லவில்லை. மக்களோடு மக்களாகத்தான் நாங்கள் செல்கிறோம். ஏற்கனவே புதுவைக்கும் ஹைதராபாத்திற்கும் நேரடி விமான சேவை உள்ளது. இது கூட தெரியாமல் முன்னாள் முதல்வர் நாராயணசாமி பேசுகிறார். புதுவையில் முதலமைச்சராக  நாராயணசாமி இருந்தபோது அவர் மக்களுக்கு என்ன செய்தார் என்று எங்களுக்கு தெரியும். மக்களால் தேர்ந்தெடுக்கப்படாமலேயே நாராயணசாமி ராஜ்யசபா எம்பி ஆக இருந்தார் என்பதும் எங்களுக்கு தெரியும். அதனால் எல்லோரையும் குறை சொல்ல வேண்டாம்" என்று தமிழிசை சௌந்தரராஜன் கூறினார். 

 

 

Next Story

"நாட்டு மக்களின் ஜனநாயகம் காக்க தெருவில் இறங்கி போராடுவோம்" - நாராயணசாமி

Published on 27/03/2023 | Edited on 27/03/2023

 

puducherry narayanasamy talks about indian democracy 

 

புதுச்சேரி மாநில காங்கிரஸ் கட்சி சார்பில் ராகுல் காந்தியின் ஒற்றுமை நடைப்பயணம் புதுச்சேரியில் உள்ள பல்வேறு தொகுதிகளில் நடைபெற்று வருகிறது. அந்த வகையில் இன்று நெல்லித்தோப்பு தொகுதியில் நடைப்பயணம் நடைபெற்றது. இதில் மாநில காங்கிரஸ் கட்சியின் தலைவர் ஏ.வி.சுப்ரமணியன், முன்னாள் முதல்வர் நாராயணசாமி, சட்டமன்ற உறுப்பினர் வைத்தியநாதன் உள்ளிட்ட 100க்கும் மேற்பட்ட காங்கிரஸ் கட்சியினர் கலந்து கொண்டனர்.

 

நடைப்பயணம் இந்திரா காந்தி சதுக்கம் அருகே வந்த போது ராகுல்காந்தியின் எம்.பி பதவியில் இருந்து அவர் தகுதி நீக்கம் செய்யப்பட்டதற்கு எதிர்ப்பு தெரிவித்து திடீரென சாலை மறியலில் ஈடுபட்டனர். மேலும் மத்திய அரசு மற்றும் பிரதமர் மோடிக்கு எதிராக கண்டன கோஷங்களை எழுப்பி சாலை மறியலை தொடர்ந்ததால் போக்குவரத்து பாதிக்கப்பட்டது. இதனையடுத்து முன்னாள் முதல்வர் நாராயணசாமி உள்ளிட்ட 100-க்கும் மேற்பட்ட காங்கிரஸ் கட்சியினரை போலீசார் கைது செய்தனர்.

 

அப்போது செய்தியாளர்களிடம் பேசிய முன்னாள் முதல்வர் நாராயணசாமி, " குஜராத் மாநிலம் சூரத்தை சேர்ந்த பா.ஜ.க பிரமுகர் ஒருவர் தாக்கல் செய்த அவதூறு வழக்கில் ராகுல் எம்.பிக்கு இரண்டு ஆண்டு காலம் தண்டனை வழங்கப்பட்டுள்ளது. அதன் அடிப்படையில் ராகுல் எம்.பி பதவியில் இருந்து நீக்கம் செய்யப்பட்டுள்ளார். கடந்த 2019ம் ஆண்டு  ராகுல் காந்தி கர்நாடக மாநிலம் கோலார் மாவட்டத்தில் பொதுக்கூட்டத்தில் பேசும்போது நீரவ் மோடி, லலித் மோடி போன்றவர்கள் இந்தியாவில் உள்ள அரசு வங்கிகளில் ஆயிரக்கணக்கான கோடி ரூபாய் வாங்கிக் கொண்டு ஏமாற்றி விட்டு வெளிநாடுகளுக்கு தப்பித்துச் சென்றனர். அதற்கு நரேந்திர மோடி துணையாக இருக்கிறார் எனக் கூறியதற்கு மோடி சமுதாயத்தையே ராகுல் இழிவுபடுத்திவிட்டார் என வழக்கு போடப்பட்டுள்ளது.

 

இது ஒரு பொய் வழக்கு. மோடி சமுதாயத்தை தவறாகப் பேசவில்லை என்பது ராகுல் பொதுக்கூட்டத்தில் பேசிய பேச்சைக் கேட்கும் போது தெளிவாகத் தெரியும். இது பழிவாங்கும் நடவடிக்கை. 'அதானியை பணக்காரராக்கி பொதுத்துறை நிறுவனங்களை அவருக்கு வழங்கி உள்ளீர்கள். இது தொடர்பாக பிரதமர் பதிலளிக்க வேண்டும்' என்று ராகுல் பார்லிமெண்ட்டில் கேள்வி எழுப்பினார். இப்படி ராகுல் கேள்வி எழுப்புவதை, பேசுவதை தடுக்க வேண்டும் என்பதற்கான திட்டமிடப்பட்ட சதி இது. இதனை சட்ட ரீதியாகவும், அரசியல் ரீதியாகவும் சந்திப்போம். நாட்டு மக்களின் ஜனநாயகம் காக்க தெருவில் இறங்கி போராடுவோம். இன்று உண்ணாவிரதப் போராட்டம் நடத்தப்படும்" என்று தெரிவித்தார்.