Skip to main content

"NaMo" பெயரில் உணவுகள் காவல்துறைக்கு விநியோகம் ! எதிர் கட்சியினர் அதிர்ச்சி !

Published on 11/04/2019 | Edited on 11/04/2019

இந்தியாவில் முதற்கட்ட மக்களவை தேர்தல் இன்று காலை தொடங்கி வாக்கு பதிவுகள் அமைதியான முறையில் நடைப்பெற்று வருகின்றனர். இந்நிலையில் உத்தரப்பிரதேசம் நொய்டா மாவட்டத்தில் உள்ள "கௌதம் புத்தா நகர் " மக்களவை தொகுதியில் உள்ள வாக்கு சாவடி மையத்தில் பாதுகாப்பு பணியில் ஈடுபட்ட காவல்துறையினருக்கு உணவுகள் வழங்கப்பட்டு வந்தனர். அப்போது அந்த உணவு பொருட்களின் முன் பகுதியில் "NaMo" என்ற  பெயர் குறிப்பிட்டு இருந்தது.

 

politics



இதை கண்ட அரசியல் கட்சியினர் காவல்துறை உயர் அதிகாரிகளுக்கு தகவல் அளித்தனர். விரைந்து வந்த எஸ்.எஸ்.பி "வைபவ் கிருஷ்ணா" என்ற அதிகாரி விசாரணை நடத்தினார். இதன் பின்பு செய்தியாளர்களை சந்தித்தக் காவல்துறை அதிகாரி "NaMo" என்பது ஒரு உணவகத்தின் பெயர் ஆகும். எனவே இங்கு காவல்துறைக்கு விநியோகித்த உணவிற்கும் பாஜகவிற்கும் எந்த வித சமந்தமும் இல்லை என தெளிவுப்படுத்தினார். மேலும அவர் கூறுகையில் பாஜகவினர் காவல்துறைக்கு உணவு விநியோகம் செய்ததாக தவறான தகவல்களை சிலர் பரப்பியுள்ளனர். இந்த தகவல் உண்மைக்கு புறம்பானது என விசாரணையில் தெரியவந்துள்ளதாக அவர் தெரிவித்தார். 

மேலும் தேர்தல் விதிமுறை படி வாக்கு சாவடி மையத்தில் இருந்து சுமார் 200 மீட்டர் தூரம் வரை அரசியல் கட்சியினர் மற்றும் வேட்பாளர்கள் சமந்தமான எந்த ஒரு பொருட்களும் உள்ளே நுழைய தடை என்ற விதிமுறை அமலில் உள்ளதாக தெரிவித்தார். இதனால் எதிர்கட்சியினர் சற்று நிம்மதி அடைந்தனர். இந்த விவகாரத்தால் அந்த வாக்கு சாவடி மையத்தில் சற்று சலசலப்பை ஏற்படுத்தியுள்ளது.


பி.சந்தோஷ் , சேலம் .

சார்ந்த செய்திகள்

Next Story

பட்டப்பகலில் பெண் படுகொலை; போலீசார் விசாரணை

Published on 28/03/2024 | Edited on 28/03/2024
nn

திருவள்ளூர் மாவட்டம் பொன்னேரியில் வீட்டில் தனியாக இருந்த பெண் ஒருவர் சரமாரியாக வெட்டிக் கொலை செய்யப்பட்ட சம்பவம் பரபரப்பை ஏற்படுத்தி இருக்கிறது.

திருவள்ளூர் மாவட்டம் பொன்னேரி பகுதியைச் சேர்ந்தவர் குமார். ஓய்வு பெற்ற மின்வாரிய ஊழியரான இவர் நேற்று வெளியே சென்றுவிட்டு வீடு திரும்பியுள்ளார். அப்போது வீட்டின் ஹாலில் அவருடைய மனைவி சரஸ்வதி வெட்டுக் காயங்களுடன் ரத்த வெள்ளத்தில் கிடந்தார். இதனைக் கண்டு அதிர்ச்சியடைந்த குமார் கூச்சலிட்டுள்ளார். அக்கம் பக்கத்தில் இருந்தவர்கள் ஓடி வந்து பார்த்து போலீசாருக்கு தகவல் கொடுத்தனர்.

தகவலறிந்து உடனடியாக சம்பவம் நடந்த இடத்திற்கு வந்த போலீசார், ரத்த வெள்ளத்தில் உயிரிழந்து கிடந்த சரஸ்வதியின் உடலைப் பிரேதப் பரிசோதனைக்காக அனுப்பி வைத்தனர். மர்ம நபர்கள் சரஸ்வதியை வெட்டிப் படுகொலை செய்துவிட்டு அவர் கழுத்தில் இருந்த தங்க நகையைப் பறித்துச் சென்றது விசாரணையில் தெரியவந்தது. இருப்பினும் இந்த கொலை, நகைக்காக நடந்ததா அல்லது வேறு ஏதேனும் முன் விரோதப் பிரச்சனை காரணமாக நிகழ்ந்ததா என்பது தொடர்பாக விசாரணை நடத்தி வருகின்றனர். பட்டப்பகலில் பெண் படுகொலை செய்யப்பட்ட சம்பவம் அந்த பகுதியில் பெரும் பரபரப்பை ஏற்படுத்தியுள்ளது

Next Story

நீரோடையில் மிதந்த சடலம்; போலீசார் விசாரணையில் அதிர்ச்சி

Published on 27/03/2024 | Edited on 27/03/2024
A body lying in a stream; Police investigation shocked

தந்தையைக் கொலை செய்தவரைப் பழிக்குப் பழி கொலை செய்து நீரோடையில் வீசிய சம்பவம் நெல்லையில் பரபரப்பை ஏற்படுத்தி இருக்கிறது.

நெல்லை மாவட்டம் தெற்கு ஏறாந்தை கிராமத்தில் வசித்து வருபவர் தேவபாலன். லாரி ஓட்டி வந்த தேவபாலன் திடீரென காணாமல் போன நிலையில், உறவினர்கள் அவரைத் தேடி வந்தனர். இறுதியில் ஊருக்கு ஒதுக்குப்புறமாக உள்ள நீரோடை ஒன்றில் சடலம் ஒன்று மிதப்பதாகத் தகவல் பரவியது. இந்த தகவலையடுத்து சம்பவ இடத்திற்கு வந்த திசையன்விளை போலீசார் ஆய்வு செய்ததில், வெட்டுக் காயங்களுடன் ஒருவர் கொலை செய்யப்பட்டு நீரோடையில் வீசப்பட்டது தெரிய வந்தது.

உடலைக் கைப்பற்றி விசாரணை நடத்தியதில், அது காணாமல் போன தேவபாலன் என்பது தெரியவந்தது. இது குறித்து வழக்குப்பதிவு செய்த காவல்துறையினர் சம்பவம் தொடர்பாக விசாரணை நடத்தி வந்தனர். இந்த நிலையில், தேவபாலன் கொலை வழக்கு தொடர்பாக சாத்தூர் நீதிமன்றத்தில் உத்திரகுமார், சுரேஷ்குமார், சேர்மதுரை உள்ளிட்ட மூன்று பேர் சரணடைந்தனர். மூவரும் சகோதரர்கள். அவர்களிடம் நடத்தப்பட்ட விசாரணையில், பழிக்குப் பழியாக லாரி டிரைவரை கொலை செய்தது தெரியவந்தது.

2017 ஆம் ஆண்டு துரைபாண்டியன் என்பவர் கொலை செய்யப்பட்ட சம்பவத்தில் தேவபாலனுக்கு தொடர்பு இருந்ததாகத் தெரிகிறது. ஆனால் நீதிமன்றத்தில் குற்றம் நிரூபணம் ஆகாததால் அவர் விடுவிக்கப்பட்டிருந்தார். இந்நிலையில், துரைபாண்டியனின் மகன்களான சுரேஷ்குமார், உத்திர குமார், சேர்மதுரை ஆகிய மூன்று பேரும் பல வருடங்கள் கழித்து தேவபாலனை வெட்டிக் கொலை செய்தது விசாரணையில் தெரிய வந்தது.