கரோனா காரணமாக பேருந்தில் பயணிப்போரின் எண்ணிக்கையை குறைத்து, கட்டணத்தை உயர்த்தும் கேரள அரசு!

இந்நிலையில் தென் இந்தியாவில் முதலில் கரோனா பாதிப்புக்குள்ளான மாநிலமான கேரளாவில் கரோனா தொற்று கட்டுக்குள் இருந்து வருகின்றது. இதுவரை 560 நபர்களுக்கு கரோனா தொற்று உறுதிசெய்யப்பட்டு சிகிச்சை அளிக்கப்பட்டுள்ளது. பலர் டிஸ்சார்ஜ் செய்யப்பட்டுள்ள நிலையில், 64 பேர் மட்டுமே சிகிச்சையில் இருந்து வருகிறார்கள். இந்நிலையில் லாக் டவுனுக்கு பிறகு மேற்கொள்ள வேண்டி நடவடிக்கைகளுக்கு அம்மாநில அரசு தற்போதே தயாராகி வருகின்றது. அந்த வகையில் பேருந்துகளில் சமூக இடைவெளியை உறுதி செய்யும் வகையில், 38 பேர் அமரும் பேருந்துகளில் 19 பேர் மட்டுமே பயணிக்க அனுமதி வழங்கப்பட்டுள்ளது. மூன்று பேர் இருக்கையில் இருவரும், இரண்டுபேர் இருக்கையில் ஒருவரும் செல்ல அனுமதி வழங்கப்பட்டுள்ளது. நின்று செல்ல யாருக்கும் அனுமதி இல்லை என்று அம்மாநில அரசு அறிவித்துள்ளது. இதனால் பேருந்து கட்டணத்தை உயர்த்தவும் முடிவு செய்யப்பட்டுள்ளது.