Skip to main content

“சினிமாவை விட அரசியல் வாழ்க்கை மிகவும் கடினம்” - கங்கனா ரனாவத்

Published on 13/06/2024 | Edited on 13/06/2024
Kangana Ranaut says Political life is more difficult than cinema

நடந்து முடிந்த மக்களவைத் தேர்தலில் பா.ஜ.க கூட்டணி வெற்றி பெற்று மூன்றாவது முறையாக ஆட்சி அமைத்துள்ளது. அதில், ஹிமாச்சலப் பிரதேசம் மண்டி தொகுதியில் பா.ஜ.க சார்பில் போட்டியிட்ட பாலிவுட் நடிகை கங்கனா ரனாவத், காங்கிரஸ் வேட்பாளரைத் தோற்கடித்து வெற்றி பெற்றுள்ளார்.

இந்த நிலையில் கங்கனா ரனாவத் தனியார் தொலைக்காட்சி ஒன்றுக்குப் பேட்டி அளித்தார். அதில் அவர் கூறியதாவது, “எனது பெரிய தாத்தா சர்ஜு சிங் ரனாவத் எம்.எல்.ஏவாக இருந்தவர். எனவே இந்த சலுகைகள் என் குடும்பத்திலிருந்து வெகு தொலைவில் இருந்ததில்லை. என்னுடைய முதல் படமான கேங்க்ஸ்டர் படத்திற்குப் பிறகு நான் அரசியலில் சேர முன்வந்தேன். எனது தந்தையும் சகோதரியும் பல ஆண்டுகளாக இதே போன்ற சலுகைகளைப் பெற்றுள்ளனர். அரசியலில் சேர என்னை அணுகுவது இது முதல் முறையல்ல. 

இது ஒரு கடினமான வாழ்க்கை. திரைப்படங்களைப் போல அல்ல. ஒரு திரைப்பட நடிகராக நீங்கள் ஒரு திரைப்பட நடிகராக, செட் மற்றும் பிரீமியர்களுக்குச் செல்வார்கள், நிம்மதியாக இருப்பார்கள். மருத்துவர்களை போலவே, அரசியல் வாழ்க்கை ஒரு கடினமான வாழ்க்கை. பிரச்சனையில் இருப்பவர்கள் மட்டுமே உங்களைப் பார்க்க வருகிறார்கள்.

நீங்கள் ஒரு படம் பார்க்கச் சென்றால், ரொம்ப ரிலாக்ஸ்டாக இருப்பீர்கள். ஆனால் அரசியல் அப்படி இல்லை. எனது குருவான சத்குரு ஜக்கி வாசுதேவின் வழிகாட்டுதலைப் பெற்ற பிறகு தான் இந்தப் பாதையில் பயணித்தேன். நீங்கள் விரும்புவதைச் செய்தால் நீங்கள் புத்திசாலி, ஆனால் தேவையானதைச் செய்தால், நீங்கள் ஒரு மேதையாக மாறுவீர்கள் என்று என் குரு சொன்னார். அதன்படி தான் நான் அரசியலுக்கு வந்தேன்” என்று கூறினார். 

சார்ந்த செய்திகள்

 

Next Story

“இந்து மக்கள் என்பதால் தாக்குதல் நடத்தப்பட்டுள்ளது” - கங்கனா ரனாவத் கண்டனம்

Published on 10/06/2024 | Edited on 10/06/2024
Kangana Ranaut condemns Reasi incident

ஜம்மு - காஷ்மீரில் உள்ள சிவகோண்டா கோயிலில் தரிசனம் செய்துவிட்டு ரியாசி பகுதியில் பயணிகளுடன் மினி பேருந்து ஒன்று சென்று கொண்டிருந்தது. இந்த பேருந்தில் பயணிகள் பலர் பயணம் செய்துள்ளனர். அப்போது பேருந்து மீது தீவிரவாதிகள் தாக்குதல் நடத்தியுள்ளனர். இதனால் பேருந்து பள்ளத்தாக்கில் கவிழ்ந்தது.  இந்த சம்பவத்தில் 10 பேர் உயிரிழந்துள்ளனர். மேலும் தீவிரவாதிகள் நடத்திய திடீர் தாக்குதலில் பேருந்து தடுமாறி விபத்துக்குள்ளானதாக முதற்கட்ட தகவல் வெளியாகியுள்ளது.

இந்த தாக்குதலுக்கு  குடியரசுத் தலைவர், ராகுல்காந்தி எம்.பி, காங்கிரஸ் தலைவர் கார்கே உள்ளிட்ட பலரும் கடும் கண்டனங்கள் தெரிவித்து வருகின்றனர். இந்த நிலையில் நடிகையும், நாடாளுமன்ற எம்.பியுமான கங்கனா ரனாவத், ரியாசி பகுதியில் நடந்த சம்பவத்திற்கு கடும் கண்டனம் தெரிவித்துள்ளார்.

இது குறித்து   அவரது சமூக வலைதளங்களில், தீவிரவாதிகளின் இந்த கொடூர தாக்குதலை நான் வன்மையாக கண்டிக்கிறேன். அவர்கள் வைஷ்ணவ் தேவி கோயிலுக்கு தரிசன நிமித்தமாக பேருந்தில் சென்று கொண்டு இருந்தனர். அவர்கள் இந்து மக்கள் என்பதால் இந்த தாக்குதல் நடத்தப்பட்டுள்ளது. உயிரிழந்தவர்கள் ஆன்மா சாந்தியடைய பிரார்த்திக்கிறேன். காயமடைந்தவர்கள் குணம் பெற வேண்டிக் கொள்கிறேன்” எனக் குறிப்பிட்டுள்ளார்.

Next Story

“சிலர் வாக்களிக்கிறார்கள், சிலர் அறைகிறார்கள்” - கங்கனா விவகாரம் குறித்து சிவசேனா எம்.பி

Published on 07/06/2024 | Edited on 07/06/2024
Shiv Sena MP sanjay raut on Kangana issue

பா.ஜ.கவின் தற்போது தேர்ந்தெடுக்கப்பட்ட எம்.பியும், நடிகையுமான கங்கனா ரனாவத்திடம் நேற்று (06-06-24) சண்டிகர் விமான நிலையத்தில் மத்திய தொழில்துறை பாதுகாப்புப் படையின் (CISF) பெண் கான்ஸ்டபிள் ஒருவர் வாக்குவாதத்தில் ஈடுபட்டார். அதனைத் தொடர்ந்து கங்கனா ரனாவத்தை அந்தப் பெண் கான்ஸ்டபிள் சரமாரியாக கன்னத்தில் தாக்கினார். மேலும் இது குறித்து விசாரணை நடத்த மூத்த சி.ஐ.எஸ்.எஃப். அதிகாரிகள் அடங்கிய விசாரணைக் குழு அமைக்கப்பட்டது. பல்வேறு கோரிக்கைகளை வலியுறுத்திப் போராடிய விவசாயிகளுக்கு எதிராக கங்கனா ரனாவத் பேசியிருந்ததால், பெண் காவலர் அவரை அறைந்ததாகத் தகவல் வெளியாகி இருந்தது.

இதையடுத்து, கங்கனா ரனாவத்தின் கன்னத்தில் அறைந்த மத்திய தொழிற்பாதுகாப்பு படை பெண் காவலர் குல்விந்தர் கவுரை தொழில் பாதுகாப்புப்படை பணியிடை நீக்கம் செய்து உத்தரவிட்டது. மேலும் சஸ்பெண்ட் செய்யப்பட்ட பெண் காவலருக்கு எதிராக சிஐஎஸ்எப் அளித்த புகாரின் பேரில் வழக்குப்பதிந்து காவல்துறை விசாரணை நடத்தி வருகின்றனர். 

இந்த நிலையில், மகாராஷ்டிரா மாநிலம் சிவசேனா (உத்தவ் தாக்கரே) கட்சியைச் சேர்ந்த சஞ்சய் ராவுத் எம்.பி இன்று (07-06-24) செய்தியாளர்களைச் சந்தித்து பேசினார். அப்போது அவரிடம் கங்கனா ரனாவத் விவகாரம் குறித்து கேள்வி கேட்கப்பட்டது. அதற்கு பதிலளித்த அவர், “சிலர் ஓட்டு போடுகிறார்கள், சிலர் அறைகிறார்கள். நிஜத்தில் என்ன நடந்தது என்று தெரியவில்லை. போராட்டத்தில் அவரது அம்மாவும் அமர்ந்திருந்ததாகப் பெண் காவலர் கூறியிருந்தால் அது உண்மைதான். விவசாயிகளின் போராட்டத்தில் அவரது தாயார் இருந்திருந்தால், அதற்கு எதிராக யாராவது ஏதாவது பேசினால், அது கோபத்தை உருவாக்கும்.

Shiv Sena MP sanjay raut on Kangana issue

ஆனால், சட்டத்தின்படி ஆட்சி அமைய வேண்டும் என்று பிரதமர் மோடி கூறினால், அந்த விஷயத்தை கையில் எடுக்கக் கூடாது. விவசாயிகளின் போராட்டத்தில், ஈடுபட்டவர்கள் இந்தியாவின் மகன்கள் மற்றும் மகள்கள். பாரத மாதாவை யாரேனும் அவமதித்தாலோ அல்லது யாரேனும் மனம் புண்பட்டாலோ அது சிந்திக்க வேண்டிய விஷயம்தான். கங்கனா மீது எனக்கு அனுதாபம் உண்டு. அவர் இப்போது எம்.பி. ஒரு எம்பி தாக்கப்படக்கூடாது. அதே சமயம் விவசாயிகளையும் மதிக்க வேண்டும்” என்று கூறினார். 

முன்னதாக கங்கனா ரனாவத்தை தாக்கியது குறித்து பெண் காவலர் குல்விந்தர் கவுர் கூறிய வீடியோவில், ‘100 ரூபாய்க்காக விவசாயிகள் போராட்டத்தில் உட்கார்ந்து இருக்காங்க என்று கங்கனா ரனாவத் கூறியிருந்தார். அவரால், அங்கே சென்று அந்தப் போராட்டத்தில் கலந்துகொண்டு உட்கார முடியுமா?. கங்கனா இந்தக் கருத்தை சொல்லும் போது, அந்தப் போராட்டத்தில் என் அம்மாவும் கலந்துகொண்டு போராட்டம் நடத்தினார்’ என்று ஆவேசமாக பேசியிருந்தார் என்பது குறிப்பிடத்தக்கது.