இந்திய பங்குச்சந்தைகள் வீழ்ச்சி! நிப்டி 13400 புள்ளிகளுடன் வர்த்தகம்!!

Photographer

Published on 10/12/2020 | Edited on 10/12/2020

இந்திய பங்குச்சந்தைகள் இன்று (டிச. 10) காலை சரிவுடன் தொடங்கின. இன்று பகல் 1 மணி நிலவரப்படி, தேசிய பங்குச்சந்தையான நிப்டி 111.70 புள்ளிகள் சரிந்து, 13417.50 புள்ளிகளுடன் வர்த்தகம் ஆனது. மும்பை பங்குச்சந்தையான சென்செக்ஸ் 45755.44 புள்ளிகளுடன் வர்த்தகம் ஆனது. நேற்றைய வர்த்தக நேர முடிவுடன் ஒப்பிடுகையில் சென்செக்ஸ் இன்று 350.25 புள்ளிகள் சரிவு கண்டிருந்தது.

ஏற்றம் கண்ட பங்குகள்:
எனினும், நெஸ்ட்லே, ஹிந்துஸ்தான் யூனிலீவர், பிரிட்டானியா, ஐடிசி, ஹிண்டால்கோ, அதானி போர்ட்ஸ், டைட்டான், மாருதி, ஏஷியன் பெயிண்ட், எஸ்பிஐ லைப் ஆகிய நிறுவனப் பங்குகள் லேசான ஏற்றம் கண்டன. ஒட்டுமொத்த அளவில் உலோகம், நுகர்பொருள் நிறுவனப் பங்குகள் மட்டுமே இந்த சரிவிலும் ஓரளவு தாக்கப்பிடித்து ஏற்றத்துடன் வர்த்தகம் ஆனது.

சரிவடைந்த பங்குகள்:
யுபிஎல், அல்ட்ராடெக், ஸ்ரீசிமெண்ட், டாடா மோட்டார்ஸ், இண்டஸ் இந்த், எம் அண்டு எம், ஐஓசி, ஹெச்டிஎப்சி வங்கி, கெயில், ஹெச்டிஎப்சி ஆகிய நிறுவனப் பங்குகள் வீழ்ச்சி அடைந்தன.யு.எஸ். மற்றும் ஐரோப்பிய, ஆசிய பங்குச்சந்தைகளில் ஏற்பட்ட சரிவே, இந்திய பங்குச்சந்தைகளின் சரிவுக்கும் காரணமாகச் சொல்லப்படுகிறது. இதன் தாக்கம் கமாடிட்டி சந்தையிலும் எதிரொலித்தது. தங்கம், வெள்ளி, கச்சா எண்ணெய் விலைகளும் பெரிய அளவில் சரிந்து இருந்தன.

நக்கீரன் செய்திப்பிரிவு

Photographer

Published on 26/09/2022 | Edited on 26/09/2022

Bear Dominance in Stock Markets; Sensex 953 points decline!

அமெரிக்க டாலருக்கு நிகரான இந்திய ரூபாயின் மதிப்பு இன்று முன் எப்போதும் இல்லாத அளவிற்கு 81.67 ரூபாய் வீழ்ச்சி அடைந்துள்ளது. இன்றைய வர்த்தகத்தில் டாலருக்கு நிகரான ரூபாயின் மதிப்பு 58 காசுகள் சரிந்திருக்கிறது.

கடந்த நான்கு தினங்களில் ரூபாயின் மதிப்பு 1.93 காசுகள் சரிந்துள்ளது. இதற்கிடையில், இந்திய பங்குச்சந்தைகள் இன்றும் கடும் வீழ்ச்சியுடன் நிறைவடைந்தன. மும்பை பங்குச்சந்தையின் சென்செக்ஸ் 953 புள்ளிகள் சரிந்து 57,145 புள்ளிகளில் நிறைவடைந்தது.

தேசிய பங்குச்சந்தையின் நிஃப்டி 311 புள்ளிகள் இறங்கி 17,016 புள்ளிகளில் முடிந்தது. சர்வதேச பொருளாதார மந்தநிலை காரணமாக, நிதிச்சந்தைகளில் இருந்து அந்நிய முதலீடுகள் வெளியேறுவதே இதற்கு காரணமாகக் கூறப்படுகிறது.

நக்கீரன் செய்திப்பிரிவு

Photographer

Published on 22/09/2022 | Edited on 22/09/2022

The value of the Indian rupee has fallen like never before!

அமெரிக்க டாலருக்கு நிகரான இந்திய ரூபாயின் மதிப்பு இன்று இதுவரை இல்லாத அளவிற்கு வீழ்ச்சி கண்டுள்ளது.

வர்த்தக தொடக்கத்தில் ரூபாயின் மதிப்பு 32 காசுகள் சரிந்து 80 ரூபாய் 28 காசுகளானது, நேற்று இந்திய ரூபாயின் மதிப்பு 79.97 ரூபாயாக நிறைவடைந்திருந்தது. இதற்கு அமெரிக்க மைய வங்கி கடன்களுக்கான வட்டி விகிதங்களை 0.75% உயர்த்தி உள்ளதே காரணமாகக் கூறப்படுகிறது. இதன் காரணமாக, இந்தியப் பங்கு சந்தைகளும் சரிவுடன் வர்த்தகத்தைத் தொடங்கியுள்ளது.

மும்பை பங்குச் சந்தையின் சென்செஸ் 483 புள்ளிகள் சரிந்து 58,973 புள்ளிகளிலும், தேசிய பங்குச் சந்தையின் நிஃப் டி 137 புள்ளிகள் வீழ்ச்சிக் கண்டு 17,580 புள்ளிகளிலும் வர்த்தகமாகியது.