கிரிக்கெட் வீரர் யுவராஜ் சிங் "பாட்டில் கேப் சேலஞ்ச்" செய்து அசத்தல்...வைரலாகும் வீடியோ!

சமூக வலைதளங்களில் ஒவ்வொரு கால கட்டத்திலும் ஒவ்வொரு சவால்கள் வைரலாகி அதனை பலரும் செய்து வீடியோவை பதிவிட்டு வருவது வழக்கமாகி விட்டது. தற்போது ‘பாட்டில் கேப் சேலஞ்ச்’ பிரபலமாகி வருகிறது. ஒருவர் பாட்டிலைப் பிடித்திருக்க ‘கிக்’ மூலம் அந்த மூடியைக் கழற்ற வேண்டும். இது தான் சேலஞ்ச், ஹாலிவுட் நடிகர் ஜேசன் ஸ்டேதம், பாலிவுட் நடிகர் அக்‌ஷய் குமார், கோலிவுட் நடிகர் அர்ஜூன் உள்ளிட்ட பல்வேறு பிரபலங்கள் இதை வெற்றிகரமாக செய்துள்ளனர். இந்த சேலஞ்ச் தற்போது மிகவும் பிரபலமாகி வருகிறது. சிலர் இதை சரியாக செய்கின்றனர்.

ஆனால் பலர் இதை முயற்சித்து கீழே விழுவது, பாட்டிலை உடைப்பது, எதிரே இருப்பவரை தவறுதலாக உதைத்து விடுவது போன்றும் நடக்கிறது. எனவே, எதிரில் இருப்பவர்கள் ஜாக்கிரதையாக இருக்க வேண்டியது அவசியம். இந்த வரிசையில் இந்திய கிரிக்கெட் அணியின் முன்னாள் வீரர் யுவராஜ் சிங் "பாட்டில் கேப் சேலஞ்ச்" செய்து, அந்த விடியோவை தனது ட்விட்டர் பக்கத்தில் வெளியிட்டுள்ளார். இதற்கு கிரிக்கெட் ரசிகர்கள் பலரும் ட்விட்டர் பக்கத்தில் கருத்துக்களை தெரிவித்து வருகின்றன. இந்த வீடியோ தற்போது வைரல் ஆகி வருகிறது.