நாடு முழுவதும் நேற்று வரை (10/10/2020) மொத்தம் 8,68,77,242 கரோனா மாதிரிகள் பரிசோதனை செய்யப்பட்டுள்ளதாக ஐ.சி.எம்.ஆர். தெரிவித்துள்ளது. அதேபோல் நாடு முழுவதும் நேற்று (10/10/2020) ஒரேநாளில் மட்டும் 10,78,544 கரோனா மாதிரிகள் பரிசோதனை செய்யப்பட்டுள்ளதாக ஐ.சி.எம்.ஆர். அதிகாரப்பூர்வமாக தெரிவித்துள்ளது.
இந்தியாவிலேயே அதிகபட்சமாக, தமிழகத்தில் நேற்று (10/10/2020) வரை மொத்தம் 82,32,725 கரோனா மாதிரிகள் பரிசோதனை செய்யப்பட்டுள்ளது. இதில் நேற்று (10/10/2020) மட்டும் தமிழகத்தில் 91,191 மாதிரிகள் பரிசோதனை செய்யப்பட்டுள்ளது. மேலும் மகாராஷ்ட்ரா, தமிழ்நாடு, புதுச்சேரி, டெல்லி, கேரளா, ஆந்திரா, தெலுங்கானா, கர்நாடகா, உத்தரப்பிரதேசம் உட்பட பல்வேறு மாநில அரசுகளும் நாள்தோறும் கரோனா பரிசோதனைகளை தங்களது மாநிலங்களில் தொடர்ந்து அதிகரித்து வருகின்றன என்பது குறிப்பிடத்தக்கது.