Skip to main content

பதினோராம் வகுப்பறையில் தாலி கட்டி நடந்த திருமணம்! - மாணவன் மற்றும் இரு மாணவிகள் நீக்கம்!

Published on 03/12/2020 | Edited on 04/12/2020

 

incident in Andhra

 

கடந்த ஆண்டு, விழுப்புரம் மாவட்டம் – மாம்பழப்பட்டு அரசு மேல்நிலைப் பள்ளியில், பத்தாம் வகுப்பு மாணவன், மாணவி ஒருவரை ஒருதலையாய்க் காதலித்து, வகுப்பறையில் வற்புறுத்தி, கழுத்தில் மஞ்சள் கயிற்றைக் கட்டியது, தமிழகத்தை அதிர்ச்சிக்குள்ளாக்கியது.

 

தற்போது, 11-ஆம் வகுப்பு படிக்கும் மைனர் பெண்ணுக்கு, அதே வகுப்பில் படிக்கும் மைனர் சிறுவன் தாலி கட்டிய சம்பவம், ஆந்திராவை அதிரவைத்துள்ளது. இந்தியாவில் தமிழகம் உள்ளிட்ட பெரும்பாலான மாநிலங்கள், 12-ஆம் வகுப்பு வரை பள்ளிப்படிப்பை வழங்கி வருகின்றன. தெலங்கானா, மகாராஷ்டிரா, ஒடிசா, அஸ்ஸாம், கர்நாடகா மற்றும் ஆந்திரா போன்ற மாநிலங்களில் ஜூனியர் கல்லூரி என்ற அமைப்பு உள்ளது. இங்கெல்லாம், 10-ஆம் வகுப்பில் தேறியவர்கள், 11 மற்றும் 12 -ஆம் வகுப்புகளை ஜூனியர் கல்லூரிகளில் படிப்பார்கள். கடந்த 17-ஆம் தேதி, ஆந்திர மாநிலம் - கிழக்கு கோதாவரி மாவட்டம் – ராஜமகேந்திரவரத்தில் இயங்கி வரும் அரசு ஜூனியர் கல்லூரியின் வகுப்பறையில், ஒரு மாணவனும், மாணவியும், இப்படி ஒரு திருமணம்(?) செய்துகொண்டது, வீடியோ பதிவு மூலம், சமூக வலைத்தளங்களில் வைரலானது.  

 

இதனைத் தொடர்ந்து, திருமணம் செய்துகொண்ட அந்த மைனர் சிறுவன், மைனர் சிறுமி, அவர்களுக்கு உதவிய மற்றொரு மாணவி என மூன்று பேரை, ஜூனியர் கல்லூரியில் இருந்து நீக்கம் செய்துள்ளார், முதல்வர். மாணவனும் மாணவியும் தாலி கட்டிய வீடியோ காட்சி மற்றும் புகைப்படங்கள், அந்த ஜூனியர் கல்லூரி முதல்வரின் பார்வைக்கு எடுத்துச் செல்லப்பட்டது. உடனே, மூவருக்கும் மாற்றுச் சான்றிதழ் (Transfer Certificate) வழங்கி வீட்டுக்கு அனுப்பிவிட்டது, அந்த ஜூனியர் கல்லூரி.  

 

சினிமாவில்கூட, பள்ளி மாணவர்கள் காதலிப்பதுபோல்தான் காட்சிகள் வரும். நிஜத்திலோ, அதனை மிஞ்சும் விதத்தில், வகுப்பறையில் மாணவனும் மாணவியும் தாலி கட்டி, விதிமீறலாகத் திருமணமே செய்துகொண்டுள்ளனர்.


எல்லாம் காலக்கொடுமைதான்!  

 

 

 

சார்ந்த செய்திகள்

 

Next Story

8 வயது சிறுமியை இழுத்துச் சென்று சிறுவர்கள் செய்த கொடூரம்!

Published on 12/07/2024 | Edited on 12/07/2024
 8-year-old girl incident at andhra pradesh

ஆந்திரப் பிரதேச மாநிலம், நந்தியால மாவட்டம் முச்சுமரி பகுதியைச் சேர்ந்தவர் 8 வயது சிறுமி. இவர் அங்குள்ள பள்ளியில் மூன்றாம் வகுப்பு படித்து வந்தார். இந்த நிலையில், காலையில் வெளியே விளையாட சென்ற சிறுமி வெகு நேரமாகியும் வீடு திரும்பவில்லை.

இதனால் சந்தேகமடைந்த சிறுமியின் பெற்றோர், சிறுமியை அக்கம்பக்கத்தில் தேடிப் பார்த்துள்ளனர். ஆனால், சிறுமி கிடைக்காததால், அவர்கள் முச்சுமரி காவல் நிலையத்தில் புகார் அளித்தனர். அந்தப் புகாரின் பேரில் போலீசார் வழக்குப்பதிவு செய்து காணாமல் போன சிறுமியைத் தேடி வந்தனர். எங்கு தேடியும் கிடைக்காததால், மோப்பநாய் உதவியோடு போலீசார் தேடி வந்தனர். அதில் மோப்பநாய் அப்பகுதியைச் சேர்ந்த மூன்று சிறுவர்களிடம் அழைத்துச் சென்றுள்ளது. 

அந்தச் சிறுவர்களிடம் போலீசார் விசாரணை நடத்தியதில் அதிர்ச்சிகரமான தகவல் வெளிவந்தது. அதில், சிறுவர்களில் 2 பேர் 6ஆம் வகுப்பும், ஒருவன் 7ஆம் வகுப்பும், காணாமல் போன சிறுமி படித்த பள்ளியில் தான் படித்துள்ளார்கள். பூங்காவில் விளையாடிக் கொண்டிருந்த சிறுமியை வலுக்கட்டாயமாக ஒதுக்குபுற இடத்திற்கு அழைத்துச் சென்று அந்தச் சிறுவர்கள் பாலியல் வன்கொடுமை செய்துள்ளனர். இது வெளியே தெரிந்தால் பிரச்சனையாகிவிடும் என்ற பயத்தில் சிறுமியை கொன்று அருகில் உள்ள கால்வாயில் உடலை வீசியுள்ளனர் என்பது தெரியவந்தது. 

அவர்கள் கொடுத்த வாக்குமூலத்தின் அடிப்படையில், சிறுமியைத் தேடும் பணியில் போலீசார் ஈடுபட்டு வருகின்றனர். 8 வயது சிறுமியை, சிறுவர்கள் மூவர் பாலியல் வன்கொடுமை செய்த சம்பவம் பெரும் பரபரப்பை ஏற்படுத்தியுள்ளது. 

Next Story

“செய்தியை நீங்கபண்ணுங்க, நாங்க செயலில் காட்டுகிறோம்” - அமைச்சர் துரைமுருகன்

Published on 11/07/2024 | Edited on 11/07/2024
Minister Duraimurugan said that will not allow construction of a dam in Palar river

வேலூர் மாவட்டம் காட்பாடி அடுத்த சேவூரில் நடைபெற்ற "ஊரகப் பகுதிகளில் மக்களுடன் முதல்வர்" நிகழ்ச்சியில் நீர்வளத்துறை அமைச்சர் துரைமுருகன், வேலூர் எம்.பி கதிர் ஆனந்த், மாவட்ட ஆட்சியர் சுப்புலெட்சுமி, சட்டமன்ற உறுப்பினர்கள், மேயர் உள்ளிட்டோர் பங்கேற்றனர். இதில் பொது மக்களிடம் இருந்து 13 துறை அதிகாரிகள் மனுக்களைப் பெற்றனர். 

இதில் அமைச்சர் துரைமுருகன் பேசுகையில், “முதல்வரை தளபதி என்பதைக் காட்டிலும் மனுநீதி ஸ்டாலின் என சொல்லலாம். அந்த அளவுக்கு எப்போதும் மக்களின் குறைகளை மனுக்களாக வாங்கி வருகிறார்” எனப் பேசினார். பின்னர் அவர் செய்தியாளர்களுக்கு அளித்த பேட்டியில், “ஏரியில் விவசாயிகள், மண்பாண்ட தொழிலாளர்கள் மண் எடுக்க அனுமதித்துள்ளோம். முறையக மண் அள்ளப்படுகிறதா என்றும், ஒதுக்கிய இடத்தில் ஒதுக்கிய அளவீட்டில் அள்ளப்படுகிறதா என்றும் அதிகாரிகளால் கண்காணிக்கப்படும்” என்றார்.

இதையடுத்து, ஆகஸ்ட் 15 க்குள் அதிமுகவில் ஓபிஎஸ்ஐ இணைக்க வேண்டும் என பியூஸ் கோயில் கூறியிருந்தது குறித்து கேட்டதற்கு, “அதெல்லாம் வெளிநாட்டு செய்தி...” எனப் பதில் அளித்தார். மேலும் பகுஜன் சமாஜ் கட்சி மாநில தலைவர் கொலை குறித்து கேட்டதற்க்கு, “முன்விரோதம் காரணமாக கொலைகள் நடக்கிறது. ஆனால் எதிர்க்கட்சிகள் சட்டம் ஒழுங்கு சரியில்லை என்றுதான் சொல்லுவார்கள்” என்றார்.

பாலாற்றில் ஆந்திர அரசு அணை கட்டுவது குறித்து கேட்டதற்கு, “அதற்கு வாய்ப்பில்லை; நாங்கள் கட்ட விட மாட்டோம். கண்காணித்து நடவடிக்கை எடுப்போம். தற்போது அங்குச் சந்திரபாபு நாயுடு ஆட்சிக்கு வந்ததால் அப்படித்தான் சொல்லுவார். "செய்தியை நீங்க பண்ணுங்க, நாங்க செயலில் காட்டுகிறோம்" என அமைச்சர் துரைமுருகன் பதில் அளித்தார்.