இந்தியாவின் பொருளாதாரம் 2019-ல் 7.4% ஆக இருக்கும் - ஐ.எம்.எஃப்

ஐ.எம்.எஃப் எனும் சர்வதேச செலாவணி நிதியம் வெளியிட்டுள்ள அறிக்கைபடி, இந்தியாவின் பொருளாதார நிலை 2018-ன் கணக்கின்படி 7.3% ஆக உள்ளதாகவும் மேலும் இது 2019-ல் 7.4% ஆக இருக்கும் என்றும் தெரிவித்துள்ளது. அதேசமயத்தில் 2017-ன் இந்திய பொருளாதார நிலை 6.7% என்றும் தெரிவிக்கப்பட்டுள்ளது. வேகமாக வளர்ந்துவரும் சீனாவின் பொருளாதாரத்துடன் இந்தியா போட்டிபோட்டுகொண்டுவரும் நிலையில் நடப்பாண்டில் 0.7% மற்றும் 2019-ல் அது 1.2% அதிகரிக்கவும் வாய்ப்புள்ளதாக ஐ.எம்.எஃப் தெரிவித்துள்ளது. ஆனால், பெட்ரோல் டீசல் விலை தொடர் உயர்வு மற்றும் டாலருக்கு நிகரான இந்திய ரூபாயின் மதிப்பு சரிவு ஆகிய காரணங்களால் கடந்த இரண்டு மாதங்களாக தேக்கநிலை ஏற்பட்டுள்ளது என்றும் ஐ.எம்.எஃப் தெரிவித்துள்ளது.