இலங்கையில் கோத்தபய ராஜபக்சோவை வெற்றிபெற வைக்கவே தொடர் குண்டுவெடிப்பு நடத்தப்பட்டதாகத் தகவல் வெளியாகியுள்ளது.

இலங்கையில் கடந்த 2019 ஆம் ஆண்டு ஈஸ்டர் பண்டிகையின் போது தேவாலயத்தில் நடந்த தொடர் குண்டு வெடிப்பில் சுமார் 269 பேர் கொல்லப்பட்டனர். ஏராளமானோர் படுகாயமடைந்தனர். இந்த குண்டு வெடிப்பிற்கு ஐ.எஸ் அமைப்புடன் தொடர்பு இருப்பதாகக் கூறப்பட்டது. மேலும் இந்த விவகாரம் தொடர்பாகக் கைது நடவடிக்கைகளும் மேற்கொள்ளப்பட்டது. 

இந்த நிலையில், குண்டு வெடிப்பின் மூலம் இலங்கையில் பதற்றத்தை உருவாக்கி, அதன் மூலம் கோத்தபய ராஜபக்சேவை தேர்தலில் வெற்றி பெறச் செய்வதே நோக்கம் எனத் தமிழீழ விடுதலைப் புலிகள் அமைப்பிலிருந்து விலகிய ஆசாத் மவுலானா என்பவர் சேனல் 4 என்ற தொலைக்காட்சிக்குப் பேட்டியளித்துள்ளார். மேலும் இந்த குண்டு வெடிப்புக்கு இலங்கை உளவுத்துறையே காரணம் எனவும் கூறியுள்ளதாகத் தகவல் வெளியாகியுள்ளது. இதனைத் தொடர்ந்து உளவுத்துறை காரணமா? என்பது குறித்து விசாரிக்க இலங்கை அரசு முடிவெடுத்துள்ளதாகக் கூறப்படுகிறது. 

இலங்கையின் பொருளாதார நெருக்கடிக்கு தீர்வுகாண தன்னால் முடிந்த முயற்சிகளைச் செய்ததாக அந்நாட்டின் முன்னாள் அதிபர் கோத்தபய ராஜபக்சே தெரிவித்துள்ளார். 

இலங்கை நாடாளுமன்றம் இன்று (16/07/2022) கூடிய நிலையில், அதிபர் பதவியில் இருந்து விலகும் கோத்தபய ராஜபக்சேவின் கடிதத்தை நாடாளுமன்றச் செயலாளர் தம்மிகா தசநாயகே வாசித்தார். நாட்டின் பிரச்சனைகளுக்கு தீர்வு காண தன்னால் முடிந்த பணிகளை செய்ததாகவும், எனினும் சூழல் கருதி பதவி விலகுவதாகவும் கடிதத்தில் கோத்தபய ராஜபக்சே குறிப்பிட்டுள்ளார். 

கடிதத்தை வசித்த செயலாளர், இதன் மூலம் அதிபர் பதவி காலியாக இருக்கிறது. வரும் ஜூலை 19- ஆம் தேதி அன்று காலை 10.00 மணிக்குள் அதிபர் பதவிக்கு விண்ணப்பிக்கலாம். ஒருவருக்கு மேல் விண்ணப்பித்தால் வரும் ஜூலை 20- ஆம் தேதி அன்று நாடாளுமன்றத்தில் வாக்கெடுப்பு நடைபெறும் என்று அறிவித்துள்ளார். 

கோத்தபய ராஜபக்சே பதவி விலகிய நிலையில், இலங்கையின் இடைக்கால அதிபராக ரணில் விக்ரமசிங்கே பதவியேற்றுக் கொண்டுள்ளார் என்பது குறிப்பிடத்தக்கது.