Skip to main content

ஹோட்டலில் நேர்ந்த விபரீதம்; உயிருக்குப் போராடும் காதலன்

Published on 09/06/2023 | Edited on 09/06/2023

 

girlfriend who attacked her cheating boyfriend

 

பீகார் மாநிலம் சீதாமரி என்ற பகுதியைச் சேர்ந்தவர் துணை ராணுவப் படை வீரர் சூர்யபூஷண் குமார். இவரும், நேஹா என்ற பெண்ணும் காதலித்து வந்துள்ளனர். இதனையடுத்து நேஹா தன்னை திருமணம் செய்துகொள்ள சூர்யபூஷணை வற்புறுத்தியுள்ளார். இதனையடுத்து காதலியின் வற்புறுத்தலைத் தொடர்ந்து பாட்னா வந்த சூர்யபூஷண், நேஹாவை பதிவு திருமணம் செய்துள்ளார். 

 

திருமணத்தை முடித்த கையோடு, இருவரும் அங்கே உள்ள விடுதி ஒன்றில் அறை எடுத்து தங்கியுள்ளனர். மறுநாள் சூர்யபூஷண், தனக்கு பெற்றோர்கள் திருமணத்திற்கு பெண் பார்த்துள்ளனர். அந்த பெண்ணை திருமணம் செய்துகொள்ளுமாறு வற்புறுத்துகின்றனர் என நேஹாவிடம் கூறியுள்ளார். இதைக் கேட்டு அதிர்ச்சியடைந்த நேஹா, நமக்கு நடந்த பதிவு திருமணம் குறித்து வீட்டில் தெரிவியுங்கள் என்று கூறியுள்ளார். ஆனால் இதனை சூர்யபூஷண் காதில் வாங்கிக் கொள்ளாததால் இருவருக்கும் வாக்குவாதம் ஏற்பட்டுள்ளது.

 

ஒரு கட்டத்தில் வாக்குவாதம் முற்றிப்போக என்னை ஏமாற்றினால் தற்கொலை செய்துகொள்வேன் என மிரட்டியுள்ளார் நேஹா. ஆனால் இதற்கெல்லாம் சூர்யபூஷண் பிடி கொடுக்காததால் ஆத்திரமடைந்த நேஹா, தான் கையில் வைத்திருந்த கத்தியை வைத்து சூர்யபூஷண் ஆண் உறுப்பில் குத்தியுள்ளார். இதனால் வலி தாங்க முடியாமல் துடித்த சூர்யபூஷண் நடந்தவற்றை விடுதி ஊழியர்களிடம் தெரிவித்து அவர்கள் மூலம் மருத்துவமனையில் அனுமதிக்கப்பட்டு சிகிச்சை பெற்று வருகிறார். இது குறித்த புகாரின் அடிப்படியில் வழக்குப் பதிவு செய்த போலீசார் நேஹாவை கைது செய்து விசாரணை நடத்தி வருகின்றனர்.

 

 

சார்ந்த செய்திகள்

 

Next Story

வேட்டைத் துப்பாக்கி வெடித்து இளைஞர் பலி; துப்பாக்கியைத் தேடும் போலீசார்

Published on 23/07/2024 | Edited on 23/07/2024
Hunting gun blast passed away youth

புதுக்கோட்டை மாவட்டம் இலுப்பூர் அருகே உள்ள வேப்பவயல் கிராமத்தைச் சேர்ந்த பழனிச்சாமி மகன் லட்சுமணன்(20), அதே கிராமத்தைச் சேர்ந்த அவரது நண்பர் சரவணன் மற்றும் அவரது மாமா தேக்கமலை ஆகியோர் நாட்டுத் துப்பாக்கியை பயன்படுத்தி காடுகளில் வேட்டையாடுவது வழக்கமாக இருந்துள்ளது. இதனால் இவர்கள் நாட்டுத்துப்பாக்கி வைத்திருந்ததாக கூறப்படுகிறது.

Hunting gun blast passed away youth

தற்போது, அந்த நாட்டுத் துப்பாக்கியில் வெடி மருந்து செலுத்தி சுட முயன்ற போது சுடமுடியவில்லை. காரணம் வெடிமருந்து செலுத்தும் பகுதியில் உள்ள ஓட்டை பெரிதாக இருந்ததால் அந்த ஓட்டையை அடைத்து சிறியதாக்குவதற்காக அதே கிராமத்தில் உள்ள ஆறுமுகம் என்பவருக்கு சொந்தமான வெல்டிங் பட்டறையில் வெல்டு வைக்க கொண்டு சென்றுள்ளனர். ஆறுமுகம் வெல்டிங் செய்த போது துப்பாக்கு இரும்பு குழாய் அதிக சூடாகி ஏற்கனவே துப்பாக்கி குழாயில் செலுத்தப்பட்டிருந்த வெடி மருந்துடன் துப்பாக்கி வெடித்து சிதறியுள்ளது. 

துப்பாக்கி வெடித்து சிதறிய இந்த சம்பவத்தில் லட்சுமணன் படுகாயம் அடைந்ததை தொடர்ந்து அவரை அருகே இருந்தவர்கள் மீட்டு திருச்சியில் உள்ள தனியார் மருத்துவமனைக்கு சிகிச்சைக்காக அனுப்பி வைத்துள்ளனர். ஆனால் அங்கு சிகிச்சை பலனின்றி லட்சுமணன் உயிரிழந்த நிலையில் இந்த சம்பவம் குறித்து இலுப்பூர் போலீசார் வழக்கு பதிவு செய்து விசாரணையை தொடங்கியுள்ளனர்.

மேலும், சம்பவத்தின் போது லட்சுமணன் கூட இருந்த சரவணன் மற்றும் அவரது மாமா தேக்கமலை ஆகிய இருவரை கைது செய்த போலீசார் அவர்களிடம் விசாரணை மேற்கொண்டு வரும் நிலையில் வெல்டிங் பட்டறை உரிமையாளர் ஆறுமுகம் தலைமுறைவாக உள்ளதால் அவரைத் தேடி வருகின்றனர்.  வெல்டிங் செய்யும் போது வெடித்து லெட்சுமணன் உயிர் போக காரணமாக இருந்த வேட்டைக்கு பயன்படுத்தும் நாட்டுத் துப்பாக்கியையும் தேடி வருகின்றனர்.

Hunting gun blast passed away youth

சம்பவ இடத்திற்கு வந்த திருச்சி சரக டிஐஜி மனோகர், புதுக்கோட்டை மாவட்ட காவல் கண்காணிப்பாளர் வந்திதா பாண்டே, இலுப்பூர் கோட்டாட்சியர் பெரியநாயகி, வட்டாட்சியர் சூரியபிரபு உள்ளிட்ட அதிகாரிகள் சம்பந்தப்பட்ட கிராமத்தில் விசாரணை மேற்கொண்டு சம்பவ இடத்தை பார்வையிட்டனர். வேட்டைக்கு பயன்படுத்தும் நாட்டுத் துப்பாக்கி வெடித்து இளைஞர் லட்சுமணன் உயிரிழந்த சம்பவம் பெரும் அதிர்ச்சியை ஏற்படுத்தி உள்ள சூழ்நிலையில் அவர்களுக்கு துப்பாக்கி எவ்வாறு வந்தது? யார் செய்து கொடுத்தது? என்பது குறித்தும் அது எவ்வாறு வெடித்தது என்பது குறித்தும் தொடர்ந்து போலீசார் விசாரணை மேற்கொண்டு வருகின்றனர்.

Next Story

“ஆந்திர மக்கள் வெற்றி பெற்றுள்ளனர்” - முதல்வர் சந்திரபாபு!

Published on 23/07/2024 | Edited on 23/07/2024
People of Andhra Pradesh have won

நாடாளுமன்ற பட்ஜெட் கூட்டத்தொடர் நேற்று (22.07.2024) தொடங்கியது. இந்த பட்ஜெட் கூட்டத்தொடர் ஆகஸ்ட் 12 ஆம் தேதி வரை மொத்தம் 19 அமர்வுகளுடன் நடைபெறவுள்ளது. இந்நிலையில் 2024-25 ஆம் நிதி ஆண்டுக்கான முழு பட்ஜெட்டை நாடாளுமன்றத்தில் மத்திய நிதியமைச்சர் நிர்மலா சீதாராமன் இன்று (23.07.2024) காலை 11 மணிக்கு தாக்கல் செய்து உரை நிகழ்த்தினார்.

அதில், “ஆந்திரப் பிரதேச மறுசீரமைப்புச் சட்டம்- ஆந்திரப் பிரதேச மறுசீரமைப்புச் சட்டத்தில் உள்ள உறுதிமொழிகளை நிறைவேற்ற மத்திய அரசு முயற்சிகளை மேற்கொண்டுள்ளது. மாநிலத்தின் மூலதனத் தேவையை உணர்ந்து, பலதரப்பு முகமைகள் மூலம் சிறப்பு நிதி உதவியை எளிதாக்கப்படும்.  நடப்பு நிதியாண்டில், ரூ.15 ஆயிரம் கோடி கூடுதல் தொகைகளுடன் வரும் ஆண்டுகளில் ஏற்பாடு செய்யப்படும். ஆந்திரப் பிரதேசம் மற்றும் அதன் விவசாயிகளின் உயிர்நாடியாக விளங்கும் போலவரம் பாசனத் திட்டத்தை விரைவில் முடிக்கவும், நிதியுதவி செய்யவும்  மத்திய அரசு முழு அர்ப்பணிப்புடன் உள்ளது. 

People of Andhra Pradesh have won
கோப்புப்படம்

பீர்பைண்டியில் புதியதாக 2400 மெகாவாட் மின் நிலையம் அமைப்பது உள்ளிட்ட மின் திட்டங்கள் ரூ.21,400 கோடியில் மேற்கொள்ளப்படும். பீகாரில் புதிய விமான நிலையங்கள், மருத்துவக் கல்லூரிகள் மற்றும் விளையாட்டு உள்கட்டமைப்புகள் கட்டப்படும். பலதரப்பு வளர்ச்சி வங்கிகளின் உதவிக்கான பீகார் அரசின் கோரிக்கைகள் விரைவுபடுத்தப்படும். இதற்காக பீகாருக்கு ரூ. 26 ஆயிரம் கோடி ஒதுக்கீடு செய்யப்படும். பீகார் மாநிலம் அடிக்கடி வெள்ளத்தால் பாதிக்கப்பட்டுள்ளது. எனவே இம்மாநிலத்திற்கு 11 ஆயிரத்து 500 கோடி ரூபாய் மதிப்பீட்டில் நிதியுதவி அளிக்கப்படும்” எனத் தெரிவித்தார்.

இது குறித்து ஆந்திர முதல்வர் சந்திரபாபு தனது எக்ஸ் சமூக வலைத்தளத்தில், “ஆந்திரா வெற்றி பெற்றது. ஆந்திர மக்கள் வெற்றி பெற்றுள்ளனர். எங்கள் மாநில மக்களுக்கு சேவை செய்ய பெரும் ஆணை வழங்கியதற்காக இன்று என் இதயம் நன்றியினால் நிறைந்தது. தெலுங்கு தேசம் கட்சி- ஜன சேனா கட்சி-பாஜக கூட்டணியை ஆசீர்வதித்ததற்கு நன்றி. ஒன்றாக, நாங்கள் எங்கள் மாநிலத்தை மீட்பதற்கான போரில் வெற்றி பெற்றுள்ளோம், ஒன்றாக, நாங்கள் மாநிலத்தை மீண்டும் கட்டியெழுப்புவோம். 

People of Andhra Pradesh have won

பிரதமருக்கு நான் நன்றி கூறுகிறேன். ஆந்திராவின் எதிர்காலத்திற்கான அர்ப்பணிப்புக்காக அமித்ஷா, ஜே.பி.நட்டா, ஜன சேனா கட்சியின் பவன் கல்யான், பாஜக புரந்தேஸ்வரி ஆகியோரை நான் வாழ்த்துகிறேன். இந்தக் குறிப்பிடத்தக்க வெற்றி, நமது தலைவர்கள் மற்றும் தொண்டர்களின் கடின உழைப்பு மற்றும் அர்ப்பணிப்பு ஆகியவற்றின் விளைவாகும். கடைசி வரை அனைத்து முரண்பாடுகளுக்கும் எதிராக துணிச்சலுடன் போராடியது. அவர்கள் ஒவ்வொருவருக்கும் அவர்களின் அசைக்க முடியாத அர்ப்பணிப்புக்காக எனது மனமார்ந்த நன்றியைத் தெரிவித்துக் கொள்வதுடன் இந்தச் சிறந்த சாதனைக்காக அவர்களை வாழ்த்துகிறேன்” எனக் குறிப்பிட்டுள்ளார்.

பட்ஜெட்டில் பீகாருக்கான ஒதுக்கீடு குறித்து அம்மாநில முதல்வர் நிதீஷ் குமார் கூறுகையில்,  “இதற்காக (சிறப்பு அந்தஸ்து) நான் தொடர்ந்து பேசி வருகிறேன். இது தொடர்பாக அவர்களிடமும் (என்டிஏ) கூறினேன். அதாவது எங்களுக்கு சிறப்பு அந்தஸ்து வழங்குங்கள் என்று கூறினேன். அதன் தொடர்ச்சியாக, பல விஷயங்களுக்கு உதவிகளை அறிவித்து விட்டார்கள்” எனத் தெரிவித்தார்.