2019 ஆம் ஆண்டுக்கான இந்தியாவின் டாப் 100 பிரபலங்களின் பட்டியல்...

2019 ஆம் ஆண்டுக்கான இந்தியாவின் டாப் 100 பிரபலங்களின் பட்டியலை போர்ப்ஸ் நிறுவனம் வெளியிட்டுள்ளது.

இதில் கடந்த ஆண்டு இரண்டாம் இடத்தில் இருந்த இந்திய அணியின் கேப்டன் கோலி முதலிடத்தை பிடித்துள்ளார். இந்த ஆண்டுக்கான பட்டியலில் நடிகர் அக்ஷய் குமார் இரண்டாம் இடத்தையும், சல்மான் கான் முன்றாவது இடத்தையும் பிடித்துள்ளனர். நான்காவது இடத்தை அமிதாப் பச்சன் பிடித்துள்ளார். இந்த பட்டியலில் இந்திய அணியின் முன்னாள் கேப்டன் தோனி ஐந்தாவது இடத்தை பிடித்துள்ளார்.

தமிழக பிரபலங்களை பொறுத்தவரை, ரஜினிகாந்த 13 ஆவது இடத்திலும், இசையமைப்பாளர் ஏ.ஆர்.ரஹ்மான் 16 ஆவது இடத்திலும் உள்ளனர். அதேபோல இந்த பட்டியலில் விஜய் 47 ஆவது இடத்திலும், அஜித் 52 ஆவது இடத்திலும் உள்ளனர். மேலும் இயக்குனர் சங்கர் 55 ஆவது இடத்திலும், கமல்ஹாசன் 56 ஆவது இடத்திலும் உள்ளனர். அதேபோல நடிகர் தனுஷ் இந்த பட்டியலில் 67 ஆவது இடத்தை பிடித்துள்ளார். அதேபோல விசுவாசம் வெற்றியை தொடர்ந்து இயக்குனர் சிவாவும் இந்த பட்டியலில் 80 ஆவது இடத்தை பிடித்துள்ளார். இயக்குனர் கார்த்திக் சுப்புராஜ் இந்த பட்டியலில் 84 ஆவது இடத்தை பிடித்துள்ளார்.