Skip to main content

முதல் மக்களவை முதல் 16-வது மக்களவை வரை பெண்களின் பங்களிப்பு !

Published on 15/04/2019 | Edited on 15/04/2019

இந்தியாவில் வாழும் பெண்கள் அனைவருக்கும் கல்வி , வேலை வாய்ப்பு உள்ளிட்ட அனைத்திலும் 33% இட ஒதுக்கீடு அளிக்கும் வகையில் மசோதா கொண்டு வர வேண்டும் என பல்வேறு எதிர்கட்சிகள் கோரிக்கை விடுத்து வருகின்றனர். உதாரணமாக 33% இட ஒதுக்கீடு கொண்டு வந்தால் மக்களவையில் மொத்தம் உள்ள 543 உறுப்பினர்களில் சுமார் 179 பெண் உறுப்பினர்கள் இருப்பார்கள் என்பது குறிப்பிடத்தக்கது. இதை தொடர்ந்து ஒவ்வொரு மக்களவையிலும் அங்கம் வகித்த பெண் உறுப்பினர்களின் எண்ணிக்கையை பார்க்கலாம்.

 

woman 1



1. முதல் மக்களவை "First Lok sabha" (1952) ஆம் ஆண்டு இடம் பெற்ற பெண் உறுப்பினர்கள் 24 பேர் மட்டுமே ஆகும்.

2.இரண்டாம் மக்களவை "2nd Lok sabha" (1957) ஆம் ஆண்டு இடம் பெற்ற பெண் உறுப்பினர்கள் 24 பேர் மட்டுமே ஆகும்.

3. மூன்றாவது மக்களவை "3rd Lok sabha"  (1962-1967) ஆம் ஆண்டு இடம் பெற்ற பெண் உறுப்பினர்கள் 37 பேர் மட்டுமே ஆகும்.

4. நான்காவது மக்களவையில் "4th lok sabha" 33 பெண் உறுப்பினர்கள் இடம் பெற்றனர்.

5. ஐந்தாவது மக்களவையில் "5th Lok Sabha" 28 பெண் உறுப்பினர்கள் இடம் பெற்றனர்.

6. ஆறாவது மக்களவையில் "6th Lok sabha" 21 பெண் உறுப்பினர்கள் மக்களவைக்கு தேர்ந்தெடுக்கப்பட்டனர்.

7. ஏழாவது மக்களவையில் "7th lok sabha" (1980-1984)  32 பெண் உறுப்பினர்கள் மக்களால் மக்களவைக்கு தேர்ந்தெடுக்கப்பட்டனர்.

8. எட்டாவது மக்களவையில் "8th Lok Sabha"  (1984-1989) 45 பெண் உறுப்பினர்கள் மக்களால் மக்களவைக்கு தேர்ந்தெடுக்கப்பட்டனர்.

9. ஒன்பதாவது மக்களவையில் " 9th lok sabha" (1989) 28 பெண் உறுப்பினர்கள் மக்களால் மக்களவைக்கு தேர்ந்தெடுக்கப்பட்டனர்.

10.  10-வது மக்களவையில் "10th Lok Sabha" (1991-1996) 42 பெண் உறுப்பினர்கள் மக்களால் மக்களவைக்கு தேர்ந்தெடுக்கப்பட்டனர்.

11. 11 - வது மக்களவையில் "11th Lok Sabha"  41 பெண் உறுப்பினர்கள் மக்களால் மக்களவைக்கு தேர்ந்தெடுக்கப்பட்டனர்.

12. 12- வது மக்களவையில் "12th Lok Sabha" 44 பெண் உறுப்பினர்கள் மக்களால் மக்களவைக்கு தேர்ந்தெடுக்கப்பட்டனர்.

13. 13-வது மக்களவையில் "13th Lok sabha" 52 பெண் உறுப்பினர்கள் மக்களால் மக்களவைக்கு தேர்ந்தெடுக்கப்பட்டனர்.

14. 14-வது மக்களவையில் "14th Lok Sabha" 52 பெண் உறுப்பினர்கள் மக்களால் மக்களவைக்கு தேர்ந்தெடுக்கப்பட்டனர்.

15. 15-வது மக்களவையில் " 15th Lok Sabha" (2009-2014) 64 உறுப்பினர்கள் மக்களால் மக்களவைக்கு தேர்ந்தெடுக்கப்பட்டனர்.

16. 16-வது மக்களவையில் "16th Lok Sabha" (2014-2019) 66 உறுப்பினர்கள் அதிகப்பட்சமாக மக்களவைக்கு தேர்ந்தெடுக்கப்பட்டுள்ளனர்.

 

woman



இந்திய வரலாற்றில் முதன் முறையாக 15-வது மக்களவையில் மக்களவை சபாநாயகராக திருமதி . மீரா குமார் பதவியேற்றார். இதன் தொடர்ச்சியாக 16-வது மக்களவையில் மக்களவை சபாநாயகராக திருமதி . சுமித்ரா மகாஜன் பதவியேற்றார்.எனினும் மாநிலங்களவையில் பெண் உறுப்பினர் சபாநாயகர் பதவியில் அமர்ந்தது இல்லை. 

 

woman



காங்கிரஸ் கட்சி ஒவ்வொரு மக்களவை தேர்தலிலும் தங்களது தேர்தல் அறிக்கையில் ( 2009, 2014) மத்தியில் ஆட்சி அமைந்தால் பெண்களுக்கு 33% இட ஒதுக்கீடு மசோதா நிறைவேற்றப்படும் என உறுதியளித்தது. 2009 -ல் மத்தியில் ஆட்சி அமைத்த காங்கிரஸ் கூட்டணி பெண்களுக்கான 33% இட ஒதுக்கீடு மசோதாவை நிறைவேற்ற தவறிவிட்டது. இருப்பினும் 2019- மக்களவை தேர்தலுக்கான தேர்தல் அறிக்கையில் காங்கிரஸ் கூட்டணி மத்தியில் ஆட்சி அமைந்தால் மீண்டும் பெண்கள் இட ஒதுக்கீடு மசோதா நிறைவேற்றப்படும் என தெரிவித்துள்ளது. 

2014- ஆம் ஆண்டு மக்களவை தேர்தலில் பாஜக கட்சி தங்கள் மத்தியில் ஆட்சி அமைந்தால் கட்டாயம் பெண் இட ஒதுக்கீடு மசோதா நிறைவேற்றப்படும் என தெரிவித்த நிலையில் , இந்த மசோதாவை நிறைவேற்ற தவறிவிட்டது தற்போதைய பாஜக தலைமையிலான மத்திய அரசு. மார்சிஸ்ட் கம்னியூஸ்ட் கட்சிகள் 1999, 2009 ஆம் ஆண்டு மக்களவை தேர்தலில் தங்கள் கூட்டணி ஆட்சி அமைந்தால் நிச்சயம் பெண் இட ஒதுக்கீடு மசோதா கொண்டு வரப்படும் என தேர்தல் அறிக்கையில் குறிப்பிட்டுள்ளது. தற்போதைய 2019- ஆம் ஆண்டு மக்களவை தேர்தலில் மீண்டும் வாக்குறுதி கொடுத்துள்ளது என்பது குறிப்பிடத்தக்கது. உலக நாடுகளில் ஆண்களுக்கு நிகராக பெண்கள் ஆட்சி அதிகாரத்தில் இருக்கும் நிலையில் இந்திய ஒர் ஜனநாயக நாடு என்பதை உறுதிப்படுத்தவும் , அதற்கு மேலும் வலுவூட்டவும் பெண்களுக்கான இட ஒதுக்கீடு மசோதா வரும் காலங்களில் மிக அவசியமானது என்றால் எவராலும் மறுக்க முடியாது.


பி.சந்தோஷ் , சேலம் .

சார்ந்த செய்திகள்

 

Next Story

தற்காலிக சபாநாயகர் நியமனம்; காங்கிரஸ் எதிர்ப்பு

Published on 20/06/2024 | Edited on 20/06/2024
Appointment of Temporary Speaker; Opposition to Congress

நாடாளுமன்றத் தேர்தலுக்கு பிறகு பாஜக தலைமையிலான கூட்டணி மூன்றாவது முறையாக ஆட்சிக் கட்டிலில் அமர்ந்துள்ளது. இந்நிலையில் தற்போது மக்களவையின் தற்காலிக சபாநாயகர் குறித்த உத்தரவை இந்திய குடியரசுத் தலைவர் வெளியிட்டுள்ளார்.

குடியரசுத் தலைவர் திரௌபதி முர்முவின் அறிவிப்பின்படி மக்களவையின் தற்காலிக சபாநாயகராக பர்த்ருஹரி மஹ்தப் நியமிக்கப்பட்டுள்ளார். புதிதாகத் தேர்வு செய்யப்பட்ட எம்பிக்களுக்கு தற்காலிக சபாநாயகர் பதவிப் பிரமாணம் செய்து வைப்பார் எனவும், எம்பிக்கள் பதவியேற்ற பிறகு மக்களவையின் புதிய சபாநாயகருக்கான தேர்தல் நடைபெறும் எனவும் அறிவிப்பு வெளியாகி உள்ளது.

அதேநேரம் தற்காலிக சபாநாயகர் நியமனத்திற்கு காங்கிரஸ் கடும் எதிர்ப்பு தெரிவித்துள்ளது. தற்காலிக சபாநாயகர் நியமனத்தில் நாடாளுமன்ற விதிகளை பாஜக மீதியுள்ளது என தெரிவித்துள்ள காங்கிரஸ், சபாநாயகர் தேர்தலுக்கு முன் மூத்த எம்.பி தான் அவைக்கு தலைமை தாங்க வேண்டும் என்பது விதி. 8 முறை எம்பியாக இருந்த காங்கிரசின் கொடி குன்னிலை நியமிக்கவில்லை. தற்காலிக சபாநாயகராக தற்போது அறிவிக்கப்பட்டுள்ள பர்த்ருஹரி மஹ்தப்  ஏழு முறை மட்டுமே எம்.பியாக இருந்தவர் என காங்கிரஸ் விமர்சனத்தை வைத்துள்ளது.

Next Story

'எல்லாம் சமஸ்கிருதமா?'-அமித்ஷாவுக்கு பறந்த கடிதம்

Published on 18/06/2024 | Edited on 18/06/2024
'Everything is Sanskrit?'- Tamil Nadu Chief Minister's letter to Amit Shah

புதிதாக நிறைவேற்றப்பட்ட மூன்று குற்றவியல் நடைமுறை சட்டங்கள் தொடர்பாக உள்துறை அமைச்சர் அமித்ஷாவுக்கு தமிழக முதல்வர் மு.க.ஸ்டாலின் கடிதம் எழுதியுள்ளார்.

தமிழக முதல்வர் எழுதியுள்ள அந்த கடிதத்தில் மூன்று குற்றவியல் சட்டங்களுக்கும் தமிழக அரசு எதிர்ப்பு தெரிவித்துள்ளது. மேலும் அதில், 'மத்திய அரசின் மூன்று சட்டங்கள் குறித்து கருத்து தெரிவிக்க தங்களுக்கு (மாநிலங்களுக்கு) அவகாசம் தரப்படவில்லை. இந்த மூன்று சட்டங்களுக்கும் எந்த ஆலோசனையும் இல்லாமல் அவசரகதியில் நிறைவேற்றப்பட்டுள்ளன. நிறைவேற்றப்பட்ட புதிய குற்றவியல் சட்டங்களை நடைமுறைப்படுத்துவதில் மாநில அரசுகளுக்கு சில சிக்கல்கள் உள்ளது.

எதிர்க்கட்சிகளின் பங்கேற்பு இல்லாமலேயே புதிய மூன்று குற்றவியல் சட்டங்கள் நாடாளுமன்றத்தில் நிறைவேற்றப்பட்டுள்ளது. பாரதிய நியாய சன்ஹிதா, பாரதிய நாகரிக் சுரக்ஷா சன்ஹிதா என சட்டங்களின் பெயர்கள் அனைத்தும் சமஸ்கிருதத்தில் பெயரிடப்பட்டுள்ளன. சட்டங்கள் ஆங்கிலத்தில் இருப்பது கட்டாயம். சட்டங்களில் சில அடிப்படை பிழைகள், முரண்பாடுகள் உள்ளது. எனவே புதிய குற்றவியல் நடைமுறை சட்டங்களை நிறுத்தி வைக்க வேண்டும்' என தமிழக முதல்வர் கடிதம் வாயிலாக வலியுறுத்தியுள்ளார்.

மத்திய அரசால் நிறைவேற்றப்பட்ட மூன்று குற்றவியல் சட்டங்கள் ஜூலை ஒன்றாம் தேதி முதல் அமலுக்கு வரும் என மத்திய அரசு அறிவித்திருந்தது. இந்நிலையில் தமிழக முதல்வரின் இந்த கடிதம் முக்கியத்துவம் வாய்ந்ததாக உள்ளது.