உலகக் கோப்பை கிரிக்கெட் தொடருக்குப் பின்னர் தோனி இதுவரை கிரிக்கெட் தொடர் எதிலும் விளையாடாத நிலையில், அவர் பாலிவுட் படம் ஒன்றில் நடிக்கவிருப்பதாக தகவல் வெளியாகியுள்ளது.
உலகக்கோப்பைக்கு பிறகு இரண்டு மாதங்கள் அவர் இந்திய ராணுவத்தில் பயிற்சிப் பணியில் ஈடுபட்டார். பின்னர் நடந்த வெஸ்ட் இண்டீஸ் மற்றும் தென் ஆப்பிரிக்க அணிக்கு எதிரான தொடர்களிலும் அவர் விளையாடவில்லை. இந்த நிலையில் முன்னணி பாலிவுட் நடிகர் சஞ்ஜய் தத், இம்ரான் ஹாஷ்மி மற்றும் சுனில் ஷெட்டி ஆகியோர் இணைந்து நடிக்கும் படமொன்றில் தோனி சிறிய கதாபாத்திரம் ஒன்றில் நடிக்கவுள்ளதாக தகவல் வெளியாகியுள்ளது.
சஞ்சய் தத் இந்த படத்திற்காக ஒப்பந்தம் செய்யப்பட்டுள்ளதாகவும், இம்ரான் ஹாஷ்மி மற்றும் சுனில் ஷெட்டியிடம் பேச்சுவார்த்தை நடந்து வருவதாகவும் கூறப்படுகிறது. இதுகுறித்து அதிகாரபூர்வமாக தகவல் எதுவும் அறிவிக்கப்படாத நிலையில், தோனி நடிப்பது குறித்து செய்திகள் உலாவர தொடங்கியுள்ளன.
