Published on 22/03/2020 | Edited on 22/03/2020
இந்தியாவில் கரோனா பாதிப்பால் உயிரிழந்தவர்களின் எண்ணிக்கை 7 ஆக உயர்ந்துள்ளது.
கரோனா பாதிப்பால் குஜராத் மாநிலம் சூரத் நகரில் 69 வயது முதியவர் உயிரிழந்தார். இதனை அம்மாநில சுகாதாரத்துறை அதிகாரப்பூர்வமாக அறிவித்துள்ளது.
![CORONAVIRUS INDIA PEOPLES GUJARAT GOVERNMENT](http://image.nakkheeran.in/cdn/farfuture/SAV_6qB3CNtVWSpBtSbedD0eO-UusHtvKXs8W1PTYsw/1584874588/sites/default/files/inline-images/GUJARAT.jpg)
அதேபோல் வதோதரா மருத்துவமனையில் உடல் நலக்குறைவால் அனுமதிக்கப்பட்ட பெண் ஒருவரும் உயிரிழந்துள்ளார். ரத்த மாதிரி மருத்துவ பரிசோதனை முடிவுகள் வராத நிலையில் உடல் நிலை பாதித்த பெண் உயிரிழந்ததாக குஜராத் மாநில சுகாதாரத்துறை தெரிவித்துள்ளது.
இந்தியாவில் இன்று (22/03/2020) ஒரே நாளில் மட்டும் மஹாராஷ்டிரா, பீகார், குஜராத் உள்ளிட்ட மாநிலங்களைச் சேர்ந்த தலா ஒருவர் என மூன்று பேர் உயிரிழந்துள்ளனர். இதனால் உயிரிழந்தவர்களின் எண்ணிக்கை 7 ஆக உயர்ந்துள்ளது. இந்தியாவில் கரோனாவால் பாதிக்கப்பட்டவர்களின் எண்ணிக்கையும் 370 ஆக உயர்ந்துள்ளது.