70 உறுப்பினர்களைக் கொண்ட டெல்லி சட்டப்பேரவைக்கு பிப்ரவரி 8 ஆம் தேதி தேர்தல் நடைபெற உள்ளது. இந்நிலையில் முக்கிய கட்சிகள் தங்களது வேட்பாளர்களை அறிவித்து வருவதோடு, தேர்தல் பணிகளிலும் இறங்கியுள்ளன. இந்நிலையில் காங்கிரஸ் கட்சி தங்களது பிரச்சாரத்திற்கான நட்சத்திர பேச்சாளர்களை அறிவித்துள்ளது. இந்த பட்டியலில் தமிழ் திரையுலகை சேர்ந்த நடிகை குஷ்பூ மற்றும் நக்மா ஆகியோரும் இடம்பெற்றுள்ளனர்.
40 பேர் அடங்கிய இந்த பட்டியலில் சுபாஷ் சோப்ரா, அமரீந்தர் சிங், அசோக் கெலாட், கமல் நாத், பூபேஷ் பாகல், புதுச்சேரி முதல் அமைச்சர் நாராயணசாமி, அஜய் மேக்கன், ஜே.பி. அகர்வால், மீரா குமார், கபில் சிபல், ராஜ் பாப்பர், சசி தரூர், சத்ருகன் சின்ஹா, நவ்ஜோத் சிங் சித்து, ஜோதிராதித்யா சிந்தியா, சச்சின் பைலட், ரன்தீப் சிங் சுர்ஜீவாலா, கீர்த்தி ஆசாத், உதித் ராஜ், சுஷ்மிதா தேவ், பி.வி. ஸ்ரீனிவாஸ், நீரஜ் குந்தன், ஷர்மிஸ்தா முகர்ஜி, நக்மா, ராகினி நாயக், குஷ்பூ, நிதின் ராவத் மற்றும் சாத்னா பாரதி ஆகியோர் இடம் பெற்று உள்ளனர்.