Skip to main content

காதலிக்க மாட்டோம் என்று உறுதிமொழி எடுத்த மாணவிகள்... கடும் எதிர்ப்பை சம்பாதித்த கல்லூரி நிர்வாகம்!

Published on 17/02/2020 | Edited on 18/02/2020

காதலிக்க மாட்டோம் என்று கல்லூரி மாணவிகள் சபதம் செய்த வீடியோ இணையத்தில் வைரலாகி வருகின்றது. காதலர்களுக்கு வருடத்தில் மிக முக்கிய நாளாக கருதப்படும் தினம் பிப்ரவரி 14ம் தேதி. தங்களின் காதலை வெளிப்படுத்த அந்த நாளை காதலர்கள் பயன்படுத்திக் கொள்கிறார்கள். இதற்கு இளைஞர்கள் மத்தியில் ஆதரவு இருந்தாலும், சில அமைப்புகள் அதற்கு தொடர்ந்து எதிர்ப்பு தெரிவித்து வருகிறார்கள். தென் மாநிலங்களை விட வட மாநிலங்களில் காதலர் தினத்துக்கு கடுமையான எதிர்ப்பு எழுகின்றது. 



இந்நிலையில் மராட்டியத்தில் கல்லூரி மாணவிகள் காதலர் தினத்தன்று காதலிக்க மாட்டோம் என்று உறுதி மொழி எடுத்த வீடியோ இணையத்தில் வைரலாவதுடன் கல்லூரிக்கு எதிராக நெட்டிசன்கள் கடும் எதிர்ப்பை பதிவு செய்து வருகிறார்கள். அந்த வீடியோவில் "நாங்கள் யாரையும் காதலிக்க மாட்டோம், காதலித்து திருமணம் செய்ய மாட்டோம்" என்று அந்த கல்லூரியின் முதல்வர் சொல்ல அதை மாணவிகளும் உறுதிமொழி போல திரும்ப சொல்லியுள்ளனர். இதை ஒரு தரப்பினர் வரவேற்றாலும், பெருமாபாலானவர்கள் அதனை எதிர்த்து குரல் எழுப்பி வருகிறார்கள்.

 

சார்ந்த செய்திகள்

Next Story

தொழுகையில் ஈடுபட்ட மாணவர்கள் மீது கொடூர தாக்குதல்; வைரலாகும் வீடியோ

Published on 17/03/2024 | Edited on 17/03/2024
Attack on students engaged in prayer; A viral video

அண்மையில் டெல்லியில் சாலையில் தொழுகையில் ஈடுபட்டிருந்த இஸ்லாமியர்களை போலீஸ் அதிகாரி ஒருவர் காலால் எட்டி உதைத்த சம்பவம் பெரும் அதிர்ச்சியை ஏற்படுத்திய நிலையில், மற்றொரு கொடூர தாக்குதல் சம்பவம் பரபரப்பை ஏற்படுத்தியுள்ளது.

குஜராத்தில் தொழுகையில் ஈடுபட்ட மாணவர்கள் மீது கொலை வெறி தாக்குதல் நடத்திய பரபரப்பு வீடியோ காட்சிகள் சமூக வலைதளங்களில் வெளியாகி கண்டனத்தை பெற்று வருகிறது. குஜராத் பல்கலைக்கழக விடுதியில் தொழுகையில் ஈடுபட்ட வெளிநாட்டு மாணவர்கள் மீது கொடூர தாக்குதல் நடத்தப்பட்டது தற்போது தெரியவந்துள்ளது. இது தொடர்பான வீடியோ காட்சிகள் சமூக வலைதளங்களில் வெளியாகி உள்ளன. வெளிநாட்டு மாணவர்கள் மீது தாக்குதல் நடத்திய கும்பல் மீது நடவடிக்கை எடுக்க வேண்டும் என பல தரப்பில் இருந்தும் வலியுறுத்தப்பட்டு வருகிறது.

Next Story

கார் ஓட்டுநரை தாக்கிய லாரி ஓட்டுநர்; கதறி அழுத மனைவி

Published on 02/11/2023 | Edited on 02/11/2023

 

Lorry driver hits car driver; A crying wife

 

சென்னை பல்லாவரம் பகுதியில் உள்ள ரேடியல் சாலையில் கார் ஒன்றின் மீது லாரி மோதிய சம்பவத்தில் கார் ஓட்டுநருக்கும் லாரி ஓட்டுநருக்கும் இடையே ஏற்பட்ட வாக்குவாதத்தில், லாரி ஓட்டுநர் கார் ஓட்டுநரை அவருடைய மனைவி முன்பே தாக்கிய வீடியோ காட்சி இணையத்தில் வைரலாகி வருகிறது.

 

ரேடியல் சாலையில் லாரி மோதியதில் கார் சேதமடைந்தது. இதனால் கார் ஓட்டுநர் லாரி ஓட்டுநரிடம் இது குறித்து கேள்வி எழுப்பியுள்ளார். அப்பொழுது லாரி ஓட்டுநர் அலட்சியமாக பதில் சொன்னதாலும், ஆபாசமாக பேசியதாலும் லாரியின் சாவியை கார் ஓட்டுநர் எடுத்துள்ளார். இதனால் ஏற்பட்ட வாக்குவாதத்தில் காரில் வந்த நபரின் மனைவி முன்பே லாரி ஓட்டுநர் மற்றும் அவரது நண்பர்கள் சரமாரியாக தாக்கியது பரபரப்பை ஏற்படுத்தியது. காரில் வந்த நபரின் மனைவி கதறி அழுது கூச்சலிட்ட நிலையிலும் அவர் மீது தாக்குதல் தொடர்ந்தது. இந்த சம்பவம் குறித்த வீடியோ காட்சிகள் இணையத்தில் வைரலான நிலையில் பல்லாவரம் போலீசார் இதுகுறித்து விசாரணை மேற்கொண்டு வருகின்றனர்.