Skip to main content

சீன ஏர்போர்ட்டை நொய்டா ஏர்போர்ட்டாக்கிய மத்திய அமைச்சர்கள் - விமர்சித்த சீன பத்திரிகையாளர்!

Published on 27/11/2021 | Edited on 27/11/2021

 

china

 

இந்திய பிரதமர் நரேந்திர மோடி, கடந்த 25ஆம் தேதி உத்தரப்பிரதேச மாநிலம் ஜெவரில் நொய்டா சர்வதேச விமான நிலையத்திற்கு அடிக்கல் நாட்டினார். இந்தநிலையில், மத்திய அமைச்சர்கள் அனுராக் தாக்கூர், பிரஹலாத் சிங் படேல், அர்ஜுன் ராம் மேக்வால், உ.பி., துணை முதல்வர் கேசவ் பிரசாத் மவுரியா என பல்வேறு பாஜக தலைவர்கள் நொய்டா சர்வதேச விமான நிலையம் குறித்த தங்களது செய்தியில் விமான நிலையத்தின் மாதிரியைப் பதிவிட்டிருந்தனர்.

 

மேலும், சில மத்திய அரசின் அதிகாரபூர்வ பக்கங்களிலும் அந்தப் புகைப்படம், நொய்டா விமான நிலையத்தின் மாதிரி என வெளியானது. இந்தநிலையில், பாஜக தலைவர்கள் பதிவிட்ட மாதிரி புகைப்படம், சீனாவில் உள்ள விமான நிலையத்தின் புகைப்படம் என தெரியவந்தது. இது சர்ச்சையான நிலையில், சீன விமான நிலையத்தை நொய்டாவில் அமையவுள்ள விமான நிலையம் என பதிவிட்டதை சீன அரசு ஊடகத்தைச் சேர்ந்த பத்திரிகையாளர் விமர்சித்துள்ளார்.

 

இதுதொடர்பாக சீன பத்திரிகையாளர் ஷென் ஷிவேய், தனது ட்விட்டர் பக்கத்தில், "சீன பெய்ஜிங் டாக்சிங் சர்வதேச விமான நிலையத்தின் புகைப்படங்களை, இந்திய அரசு அதிகாரிகள் தங்கள் உள்கட்டமைப்பின் சாதனைகளுக்குச் சான்றாகப் பயன்படுத்த வேண்டியிருக்கிறது என்பதை அறிந்து அதிர்ச்சியடைந்தேன்" என கூறியுள்ளார்.

 

 

மேலும், சீன விமான நிலையத்தின் புகைப்படத்தைப் பதிவிட்டுள்ள அவர், "சீனாவின் பெய்ஜிங் டாக்சிங் சர்வதேச விமான நிலையத்திற்கு வரவேற்கிறோம். இது 17.47 பில்லியன் அமெரிக்க டாலர் செலவிலான ஒரு மெகா திட்டம்" என கூறியுள்ளார்.

 

 

சார்ந்த செய்திகள்

Next Story

ரூ. 7 கோடி மதிப்புள்ள தங்கம் பறிமுதல்; சென்னையில் பரபரப்பு!

Published on 27/03/2024 | Edited on 27/03/2024
Rs. 7 crore worth of gold seized; Sensation in Chennai
மாதிரிப்படம்

சென்னை விமான நிலையத்திற்கு இன்று (27.03.2024) துபாயில் இருந்து எமிரேட்ஸ் ஏர்லைன்ஸ் என்ற விமானம் ஒன்று வந்துள்ளது. இந்த விமானத்தில் வந்தவர்களை சுங்கத்துறை அதிகாரிகள் தீவிரமாக சோதனை செய்தனர். அப்போது கேரள மாநிலம் கோட்டையம் பகுதியைச் சேர்ந்த 37 வயதான பெண் ஒருவர் தனது 14 வயது மகளுடன் வந்துள்ளார்.

இவர்களை சுங்கத்துறை அதிகாரிகள் சோதனை செய்த போது ரூ. 7 கோடி மதிப்புள்ள 11.98 கிலோ தங்கக் கட்டிகள் இருப்பது கண்டுபிடிக்கப்பட்டது. மேலும் தொடர்ந்து அவர்களிடம் நடத்தப்பட்ட விசாரணையில் லண்டனில் இருந்து துபாய் வழியாக வந்த போது கடத்தல் தங்கத்தோடு சிக்கியது தெரியவந்துள்ளது.

இதனையடுத்து 37 வயதான அப்பெண்ணை கைது செய்து சுங்கத்துறை அதிகாரிகள் நீதிமன்ற காவலில் அடைத்தனர். அண்மைக் காலத்தில் பயணி ஒருவரிடம் இருந்து 12 கிலோ கடத்தல் தங்கம் பிடிபட்டது இதுவே முதல்முறை என்ற தகவலும் வெளியாகியுள்ளது. மேலும், ரூ.7 கோடி மதிப்புள்ள 11.98 கிலோ தங்கக் கட்டிகள் சென்னை விமான நிலையத்தில் பறிமுதல் செய்யப்பட்ட சம்பவம் சென்னை விமான நிலைய அதிகாரிகள் மற்றும் விமான பயணிகள் மத்தியில் பெரும் பரபரப்பை ஏற்படுத்தியுள்ளது. 

Next Story

பாகிஸ்தானில் தாக்குதல்; 5 சீனர்கள் பலியான சோகம்!

Published on 26/03/2024 | Edited on 26/03/2024
pakistan Shangla Besham city incident 

பாகிஸ்தானில் பல்வேறு இடங்களில் சீன நிறுவனங்கள் துறைமுகம், விமான நிலையம்,  சாலை மற்றும் ரயில் போக்குவரத்து உள்ளிட்ட கட்டுமான பணிகளை மேற்கொண்டு வருகின்றன. இதனால் சீனாவைச் சேர்ந்த ஏராளமானவர்கள் பாகிஸ்தானில் பணியாற்றி வருகின்றனர். இத்தகைய சூழலில் பாகிஸ்தானின் கைபர் பக்துன்கவா மாகாணத்தில் உள்ள ஷாங்லா என்ற மாவட்டத்திற்கு உட்பட்ட தசு என்ற இடத்தில் இன்று (26.03.2024) தற்கொலைப் படை தாக்குதல் ஒன்று நடத்தப்பட்டது. இந்த தாக்குதல் சம்பவத்தில் சீனாவைச் சேர்ந்த பொறியாளர்கள் 5 பேர் உயிரிழந்துள்ளனர்.

இந்த தாக்குதல் சம்வத்தை பாகிஸ்தான் அரசும் தற்கொலைப் படை தாக்குதல் தான் என உறுதி செய்துள்ளது. மேலும் இந்த தாக்குதல் சம்பவம் தொடர்பான புகைப்படங்கள் மற்றும் வீடியோக்கள் பாகிஸ்தான் காவல் துறையினரால் வெளியிடப்பட்டுள்ளன. இது உலகளவில் பெரும் அதிர்வலைகளை ஏற்படுத்தியுள்ளன. அதே சமயம் இந்த தாக்குதல் சம்வத்திற்கு இதுவரை எந்த அமைப்பும் பொறுப்பேற்கவில்லை எனவும் தகவல் வெளியாகியுள்ளது.

இது குறித்து மலகாண்டின் போலீஸ் துணை இன்ஸ்பெக்டர் ஜெனரல் (டி.ஐ.ஜி.) கூறுகையில், “ஷாங்லாவின் பெஷாம் நகரில் சீனர்களின் வாகனம் தாக்கப்பட்டதில் ஐந்து சீன நாட்டவர்கள் உட்பட ஆறு பேர் கொல்லப்பட்டனர். சீன நாட்டவர்கள் இஸ்லாமாபாத்தில் இருந்து தாசு முகாமுக்குச் செல்லும் பொறியியலாளர்கள் ஆவர்” எனத் தெரிவித்துள்ளார்.