Skip to main content

“அவரு ஃபோட்டோவ நான் பாக்கலாமா?” - பேசும்போதே அழுத பெண்ணுக்கு ஆறுதல் சொன்ன ராகுல்

Published on 08/05/2023 | Edited on 08/05/2023

 

"Can I see his picture?" Rahul consoled the girl who cried while talking

 

கர்நாடக சட்டப்பேரவைத் தேர்தலுக்கான பரப்புரை இன்று மாலையுடன் நிறைவு பெற இருக்கும் நிலையில்  அரசியல் கட்சித் தலைவர்கள் தீவிர பிரச்சாரத்தில் ஈடுபட்டுள்ளனர். 

 

கர்நாடகாவில் மே 10 ஆம் தேதி சட்டமன்றத் தேர்தல் நடைபெறவுள்ளது. ஆட்சியிலிருக்கும் பாஜக, எதிர்க்கட்சியான காங்கிரஸ் மற்றும் மதச்சார்பற்ற ஜனதா தளம் ஆகிய கட்சிகள் தீவிர பரப்புரையில் ஈடுபட்டு வருகின்றன. நாளை மறுநாள் தேர்தல் எனும் நிலையில், இன்று மாலையுடன் அங்கு தேர்தல் பிரச்சாரம் முடிவடைகிறது. இதனால், அரசியல் கட்சியினர் தீவிரமாக தங்கள் இறுதிக்கட்டத் தேர்தல் பிரச்சாரத்தை செய்து வருகின்றனர். ஒவ்வொரு கட்சியினரும் புதுவிதமாக பிரச்சாரங்களில் ஈடுபட்டு வரும் நிலையில் உள்துறை அமைச்சர் அமித்ஷா ஊர்வலமாகச் சென்றும் பிரதமர் மோடி 10 கிலோ மீட்டர் தூரம் வரை திறந்த வாகனத்திலும் பிரச்சாரத்தில் ஈடுபட்டனர். காங்கிரஸ் கட்சியின் மூத்த தலைவர் ராகுல் காந்தி நேற்று டெலிவரி பாய் ஒருவரின் இருசக்கர வாகனத்தில் சென்று பிரச்சாரங்களை செய்தார்.

 

இன்று பெங்களூருவில் பேருந்தில் ஏறி பிரச்சாரம் செய்த ராகுல் காந்தி பேருந்தில் இருந்த பெண்களிடம், பெண்களுக்கான இலவச பேருந்து பயணம் என்ற காங்கிரஸ் கட்சியின் திட்டம் குறித்து கூறினார். பேருந்தில் இருந்த இளம் பெண்களிடம் இத்திட்டம் நல்ல திட்டம்தானா என்றும் கேட்டறிந்தார். ராகுலின் கேள்விக்கு பதில் அளித்த பெண், “நாங்கள் பேருந்தில் தான் பயணம் செய்கிறோம். ஏனென்றால் மெட்ரோ போக்குவரத்து வசதி இங்கில்லை. அலுவலகங்களில் கடுமையான நேரக் கட்டுப்பாடு உள்ளது. எனவே குறித்த நேரத்திற்குள் அலுவலகத்திற்கு செல்வது என்பது மிக முக்கியமான ஒன்று” என்றார்.

 

இதனைத் தொடர்ந்து பேசிய ராகுல், பெண்ணாக தினம் தினம் நீங்கள் சந்திக்கும் கடினமான விஷயம் என்ன என்று கேட்டார். அதற்கு பதில் அளித்த மற்றொரு, “பேருந்துகளில் உள்ள பெண் பயண நெருக்கடி” எனக் கூறினார். முன்னதாக பேருந்து நிறுத்தத்தில் கல்லூரியில் பயிலும் பெண்களிடம் உரையாற்றிய அவர் உங்கள் கல்லூரி எங்கு இருக்கிறது? அனைவரும் கல்லூரி மாணவிகள்தானா என்றெல்லாம் விசாரித்தார். பின் பேருந்தில் ஏறியவர் பேருந்தில் பயணித்துக் கொண்டிருந்த பெண்களிடம் அவர்களது வேலை குறித்தும் கேட்டறிந்தார். அவர்களிடம் உரையாடிய ராகுல், “என்ன செய்ய வேண்டும் என்பதே தெரியாமல் இருக்கும் பல குழந்தைகளை நான் காண்கிறேன். அவர்களது பெற்றோர் என்ன சொல்கிறார்களோ அதை மட்டுமே அவர்கள் செய்கிறார்கள்” எனக் கூறினார். 

 

பின் தனது பக்கத்தில் இருந்த இருக்கையில் அமர்ந்திருந்த பெண்மணியிடம் அவரது கணவர் குறித்து கேட்கையில், “அவர் நீரிழிவு நோயாளி, தான் நடுங்கிக் கொண்டிருப்பதாக அவர் கூறுகிறார். அவர் உண்மையாகவே அருமையான மனிதர். நல்ல தகுதியுடைய அடக்கமான மனிதர் அவர்” எனக் கண்ணீர் வடித்துக் கொண்டே அப்பெண் கூற, அவரது புகைப்படத்தை நான் பார்க்கலாமா என ராகுல் காந்தி கேட்டார். பின் அப்பெண்மணி தனது கணவரது புகைப்படத்தை காட்டினார். புத்திசாலியான மனிதர் அவர், ஃப்ரான்ஸ் நாட்டிற்கெல்லாம் சென்றுள்ளார். மக்கள் அனைவரிடமும் நல்ல பழக்க வழக்கங்களைக் கொண்டிருந்தவர். நான் உங்களுக்காகவும் உங்கள் குடும்பத்திற்காகவும் பிரார்த்திக்கிறேன். கடவுள் உங்களுக்கு அதிக ஆயுளையும் ஆசிர்வாதங்களையும் வழங்கட்டும்” என்றார்.

 

 

சார்ந்த செய்திகள்

 

Next Story

'இளைஞர்கள் சீமான், விஜய் கட்சிக்கு செல்கிறார்கள்'- கார்த்தி சிதம்பரம் பேச்சால் பரபரப்பு

Published on 19/07/2024 | Edited on 19/07/2024
'Youngsters are going to Seeman, Vijay party' - Karthi Chidambaram's speech stirs up excitement

தமிழ்நாடு காங்கிரஸ் கட்சி சார்பில் தமிழ்நாடு முழுவதும் கட்சி நிர்வாகிகளை சந்திக்கவும் அவர்களின் கருத்துக்களை கேட்கவும் மாவட்டம் தோறும் காங்கிரஸ் கட்சியின் செயல்வீரர்கள் கூட்டம் நடத்தப்பட்டு வருகிறது. அதேபோல, புதுக்கோட்டையில் காங்கிரஸ் கட்சி செயல்வீரர்கள் கூட்டம் ஒரு தனியார் திருமண மண்டபத்தில் மாநிலத் தலைவர் செல்வப்பெருந்தகை தலைமையில் நடந்தது. கூட்டத்தில் மாஜி திருநாவுக்கரசர், சிவகங்கை தொகுதி எம்பி கார்த்தி சிதம்பரம், அறந்தாங்கி சட்டமன்ற உறுப்பினர் ராமச்சந்திரன் உட்பட பலர் கலந்து கொண்டனர். கரூர் தொகுதி ஜோதிமணி எம்.பி கலந்து கொள்ளவில்லை. கூட்டத்தில்,  சிவகங்கை எம்.பி கார்த்தி சிதம்பரம் பேச்சு சலசலப்பை ஏற்டுத்தியுள்ளது.

அவர் பேசுகையில், ''தமிழ்நாட்டில் கூட்டணி கட்சிகளால் தான் நாம் வெற்றி பெற்றிருக்கிறோம் என்பதை மறுக்க முடியாது. அதனால், நம் கட்சியில் பலம் இல்லை என்று கூறவில்லை. தற்போது நடந்து முடிந்த நாடாளுமன்றத் தேர்தலில் நம் தலைவர் ராகுல் காந்தி தலைமையில் ஆட்சி அமைய வேண்டும் என்று சிறுபான்மையின மக்கள் விரும்பினார்கள். அதனால்  காங்கிரஸ் கூட்டணிக்கு வாக்களித்தார்கள். தமிழ்நாட்டில் ஒரு நேரத்தில் காங்கிரஸ் கட்சி முதலிடத்தில் இருந்தது. தற்போது 3-வது இடத்தில் இருப்பதாக சொல்லிக் கொள்கிறோம். அதே நேரத்தில்  நம் கட்சியை சில கட்சிகள் தொட்டுவிடும் நிலையில் உள்ளது. கட்சியில் எம்.பிகளை  மட்டுமே வைத்துக் கொண்டு கட்சி வளர்ந்துவிட முடியாது. உள்ளாட்சி தேர்தல்களில் உள்ளாட்சி பிரதிநிதிகள், எம்எல்ஏகள் அதிக அளவில் இருந்தால் தான் கட்சி வளரும். வளர்க்க முடியும்.

தமிழ்நாட்டில் ஒரு காலத்தில் காங்கிரஸ் கூட்டணியில் இருந்த கட்சி (திமுக) தற்போது ஆட்சியில் இருந்தாலும், ஆட்சியில் காங்கிரஸ் இடம்பெற முடியவில்லை என்பதை நாம் உணர வேண்டும். தேர்தலில் நம்மை பயன்படுத்திக் கொள்ளும் கட்சிகள் தேர்தல் முடிந்ததும் விட்டுவிடுகிறார்கள். கூட்டணி கட்சிகள் நம்மை கண்டுகொள்ளவில்லை என்று காங்கிரஸ் கட்சியினர் சங்கடப்படுகிறார்கள். ஆனால், திமுகவோடு கூட்டணி வைத்திருக்கும் விடுதலை சிறுத்தைகள், இடதுசாரி கட்சிகள் பொது மக்களின் அடிப்படை தேவைகளை, பிரச்சனைகளை பற்றி அறிந்து அவர்களுக்காக பேசி தங்கள் கட்சியின் தனித்தன்மையை வெளிப்படுத்துகிறார்கள்.

அதேபோல, நம்முடைய கருத்தை ஆழமாக பதிவு செய்தால்தான் மக்கள் நம்மை திரும்பிப் பார்ப்பார்கள். மக்களிடம் மக்கள் மனதில் நாம் இடம்பிடிக்க வேண்டும். அதற்கு நாம் அடித்தட்டு மக்களின் மக்கள் பிரச்சினைகள், உரிமைகளுக்காக பேச வேண்டும். இளைஞர்கள் நம் கட்சியைவிட  சீமான், விஜய் கட்சிக்கு செல்கிறார்கள். மக்களின் கவனத்தை இளைஞர்களின் கவனத்தை ஈர்க்க இன்று பல கட்சிகள் வந்துவிட்டது. அதனால் காங்கிரஸ் கட்சியில் இளைஞர்களுக்கான மாற்றம் வேண்டும்'' என்று பேசினார். இந்தப் பேச்சு கூட்டத்தில் சலசலப்பை ஏற்படுத்தியது.

Next Story

70 நாட்களுக்கு மேலாகியும் கிடைக்காத விடை; தொடர் விசாரணையில் சிபிசிஐடி

Published on 19/07/2024 | Edited on 19/07/2024
No response after more than 70 days; CBCID in further investigation

திருநெல்வேலி மாவட்டம் திசையன்விளை பகுதியைச் சேர்ந்தவர் ஜெயக்குமார் தனசிங் (வயது 60). நெல்லை மாவட்ட காங்கிரஸ் தலைவரான ஜெயக்குமாரை தீவிரமாக தேடி வந்தனர். இத்தகைய சூழலில் ஜெயக்குமார் கரைச்சுத்து புதூரில் உள்ள வீட்டின் பின்புறம் உள்ள தோட்டத்தில் உடல் பாதி எரிந்த நிலையில் 04.05.2024 அன்று சடலமாக மீட்கப்பட்டார். ஜெயக்குமார் தனசிங் எரிந்த நிலையில் சடலமாக மீட்கப்பட்டது அரசியல் வட்டாரத்தில் பரபரப்பை ஏற்படுத்தியது.

தொடர்ந்து இந்த வழக்கு சிபிசிஐடி போலீசாருக்கு மாற்றப்பட்டு பல நாட்களாக விசாரணை நடைபெற்று வருகிறது. இந்நிலையில் நேற்று இந்த கொலை சம்பவம் தொடர்பாக ஜெயக்குமாரின் மனைவி, மகன்களிடம் சிபிசிஐடி போலீசார் விசாரணை மேற்கொண்டனர். இந்த சம்பவம் நடைபெற்று 70 நாட்களாகியும் தற்போது வரை சம்பவத்தின் பின்னணி குறித்து எந்த துப்பும் கிடைக்காததால் போலீசார் விசாரணையை தீவிரப்படுத்தி உள்ளதாக கூறப்படுகிறது. இதையடுத்து நேற்று மதியம் ஜெயக்குமார் வீட்டிற்கு சென்ற சிபிசிஐடி போலீசார் இரவு 9 மணி வரை குடும்ப உறுப்பினர்களிடம் விசாரணை மேற்கொண்டனர்.