கொப்பரைத் தேங்காய்- குவிண்டாலுக்கு ரூ.375 உயர்வு!

Photographer

Published on 27/01/2021 | Edited on 27/01/2021

Cabinet approves Minimum Support Price of Copra for 2021 season

டெல்லியில், மத்திய அமைச்சரவைக் கூட்டம், பிரதமர் நரேந்திர மோடி தலைமையில் இன்று (27/01/2021) காணொளி மூலம் நடைபெற்றது. இந்த கூட்டத்தில் விவசாயிகளின் டிராக்டர் பேரணியின்போது ஏற்பட்ட வன்முறை உள்ளிட்ட பல்வேறு பிரச்சனைகள் குறித்து விவாதிக்கப்பட்டதாக தகவல் கூறுகின்றன.

மத்திய அமைச்சரவை கூட்டத்திற்குப் பின் டெல்லியில் செய்தியாளர்களைச் சந்தித்த மத்திய சுற்றுச்சுழல், தகவல் மற்றும் ஒளிபரப்பு, கனரக தொழில்கள் மற்றும் பொது நிறுவனங்கள் துறை அமைச்சர் பிரகாஷ் ஜவடேகர், "சராசரி தரம் வாய்ந்த காய்ந்த கொப்பரைத் தேங்காய் கொள்முதல் விலையை குவிண்டால் ஒன்றுக்கு ரூபாய் 375 உயர்த்தித் தர மத்திய அமைச்சரவை ஒப்புதல் அளித்துள்ளது. இதனால் நடப்பாண்டில் அரசு கொள்முதல் நிலையங்களில் கொப்பரைத் தேங்காயின் குறைந்தபட்ச ஆதார விலையாக (Minimum Support Price- MSP) குவிண்டால் ஒன்றுக்கு ரூபாய் 10,335 வழங்கப்படும். முழு கொப்பரைத் தேங்காய்க்கான குறைந்தப்பட்ச ஆதரவு விலை கடந்த 2020- ஆம் ஆண்டில் குவிண்டால் ஒன்றுக்கு ரூபாய் 10,300 ஆக இருந்தது. தற்போது, ரூபாய் 300 அதிகரிக்கப்பட்டு 2021- ஆம் ஆண்டில் குவிண்டால் ஒன்றுக்கு ரூபாய் 10,600 ஆக நிர்ணயிக்கப்பட்டுள்ளது" என்றார்.

விரிவான அலசல் கட்டுரைகள்

சார்ந்த செய்திகள்

பா. சந்தோஷ்

Photographer

Published on 19/12/2021 | Edited on 19/12/2021

Increase in woman's marriage age;jothi Mani MP invite for students and young women to comment

கடந்த 2020- ஆம் ஆண்டு சுதந்திர தின உரையின்போது பிரதமர் நரேந்திர மோடி, பெண்ணின் திருமண வயதை 21 ஆக உயர்த்துவது குறித்துப் பேசினார். இதற்காக, பெண்ணின் திருமண வயதை அதிகரிக்க மத்திய அரசு குழு ஒன்றை அமைத்திருந்தது. ஆராய சமதா கட்சியின் முன்னாள் தலைவர் ஜெயா ஜேட்லி தலைமையிலான 4 பேர் அடங்கிய குழு, கடந்த 2020- ஆம் ஆண்டு டிசம்பர் மாதம் பிரதமர் அலுவலகம் மற்றும் பெண்கள் மற்றும் குழந்தைகள் மேம்பாட்டு அமைச்சகத்திடம் தன் அறிக்கையை சமர்ப்பித்தது. அதில், பெண்களின் திருமண வயதை 21 ஆக அதிகரிக்க வேண்டும் என, அக்குழு பரிந்துரைத்திருந்தது.

இந்த நிலையில், கடந்த டிசம்பர் 16- ஆம் தேதி அன்று டெல்லியில் கூடிய பிரதமர் நரேந்திர மோடி தலைமையிலான அமைச்சரவை, குழுவின் பரிந்துரையை ஏற்று பெண்ணின் திருமண வயதை 18- ல் இருந்து 21 ஆக உயர்த்துவதற்கு ஒப்புதல் அளித்தது. இதையடுத்து, தற்போது நடைபெற்று வரும் நாடாளுமன்ற குளிர்கால கூட்டத்தொடரிலே இதற்கான மசோதாவைத் தாக்கல் செய்து, மக்களவை மற்றும் மாநிலங்களவையில் நிறைவேற்றி, குடியரசுத்தலைவரின் ஒப்புதலுக்கு பிறகு, மத்திய அரசிதழில் வெளியிடப்பட்டு, சட்டத்தை அமல்படுத்த மத்திய அரசு திட்டமிட்டுள்ளதாக தகவல் வெளியாகியுள்ளது.

மத்திய அரசின் முடிவுக்கு கல்லூரி மாணவிகள், இளம்பெண்கள், சமூக ஆர்வலர்கள், அரசியல் கட்சித் தலைவர்கள், சட்டமன்ற உறுப்பினர்கள், நாடாளுமன்ற உறுப்பினர்கள் உள்ளிட்டோர் ஆதரவும், எதிர்ப்புமாக பல்வேறு கருத்துகளைத் தெரிவித்து வருகின்றனர்.

இந்நிலையில் காங்கிரஸ் கட்சியைச் சேர்ந்த கரூர் தொகுதியின் மக்களவை உறுப்பினர் ஜோதிமணி எம்.பி. தனது அதிகாரப்பூர்வ ட்விட்டர் பக்கத்தில், "தமிழகத்தில் உள்ள பெண்கள் குறிப்பாக, மாணவிகள், இளம்பெண்கள் கவனத்திற்கு, திருமண வயதைச் சட்டப்படி 21 ஆக உயர்த்துவது குறித்த உங்கள் கருத்தை எனது அலுவலக வாட்ஸ் அப் எண்ணிற்கு 944-218-2636 அனுப்புங்கள். உங்கள் கருத்தின் அடிப்படையில் நாடாளுமன்றத்தில் எங்கள் நிலைப்பாடு அமையும்" என்று குறிப்பிட்டுள்ளார்.

விரிவான அலசல் கட்டுரைகள்

நக்கீரன் செய்திப்பிரிவு

Photographer

Published on 08/09/2021 | Edited on 08/09/2021

UNION CABINET APPROVES DETAILS EXPLAIN MINISTER AT DELHI

டெல்லியில் பிரதமர் நரேந்திர மோடி தலைமையில் இன்று (08/09/2021) காலை மத்திய அமைச்சரவைக் கூட்டம் நடைபெற்றது. இதில், ராபி பருவ பயிர்களை சந்தைப்படுத்தல் பருவம் 2022 - 2023ஆம் ஆண்டின்போது குறைந்தபட்ச ஆதரவு விலைக்கு மத்திய அமைச்சரவை ஒப்புதல் அளித்தது. அதேபோல், ஜவுளி உற்பத்தியை அதிகரிக்க ரூபாய் 10,683 கோடியில் சலுகை அளிக்கவும் மத்திய அமைச்சரவை ஒப்புதல் வழங்கியுள்ளது.

பின்னர் செய்தியாளர்களுக்குப் பேட்டியளித்த மத்திய அமைச்சர் பியூஸ் கோயல், "அடுத்த ஐந்து ஆண்டுகளில் ஜவுளித்துறைக்கு சலுகைகள் வழங்கப்படும். உற்பத்தி அடிப்படையில் சலுகை வழங்கப்படுவதன் மூலம் ஜவுளி ஏற்றுமதியும் அதிகரிக்கும். ஜவுளித்துறைக்கு அளிக்கப்படும் சலுகைகள் மூலம் தமிழ்நாடு உள்ளிட்ட மாநிலங்கள் பயன்பெறும்" என தெரிவித்தார்.