Skip to main content

கோவாக்சினுக்கு விரைவில் உலக சுகாதார நிறுவனம் அங்கீகாரம்? - அடுத்த வாரம் முக்கிய கூட்டம்!

Published on 17/06/2021 | Edited on 17/06/2021

 

covaxin

 

இந்தியாவில் செலுத்தப்பட்டுவரும் கோவாக்சின் தடுப்பூசிக்கு இன்னும் உலக சுகாதார நிறுவனம், அவசரகால அங்கீகாரம் அளிக்கவில்லை. அதேநேரத்தில் பல உலக நாடுகள், தங்கள் நாடுகளில் அங்கீகரிக்கப்பட்ட அல்லது உலக சுகாதார நிறுவனம் அங்கீகரித்த தடுப்பூசிகளை செலுத்திக்கொண்ட வெளிநாட்டவர்களை மட்டுமே தங்கள் நாட்டிற்குள் அனுமதிக்க முடிவு செய்துள்ளதாக தகவல்கள் வெளியாகியுள்ளன.

 

இதனால் கோவாக்சின் தடுப்பூசி செலுத்திக்கொண்டவர்கள் வெளிநாடு செல்ல முடியாத நிலை ஏற்பட்டது. இந்தநிலையில், பாரத் பயோடெக் நிறுவனத்துக்கும், உலக சுகாதார நிறுவனத்துக்கும் இடையே ஒப்புதலுக்கு முந்தைய சமர்ப்பிப்பு கூட்டம் ஜூன் 23ஆம் தேதி நடைபெறுவதாக தெரிவிக்கப்பட்டுள்ளது.

 

உலக சுகாதார நிறுவனத்திடம், அவசரகால அங்கீகாரத்திற்குத் தேவையான 90 சதவீத ஆவணங்களைச் சமர்பித்துவிட்டதாகபாரத் பயோடெக் நிறுவனம் முன்பே கூறியிருந்தது. இதன்தொடர்ச்சியாக மீதமுள்ள 10 சதவீத ஆவணங்களை 23ஆம் தேதி நடைபெறும் கூட்டத்தில் பாரத் பயோடெக் சமர்ப்பிக்கும் என எதிர்பார்க்கப்படுகிறது. அதன்பிறகு விரைவில் கோவாக்சின் தடுப்பூசிக்கு உலக சுகாதார நிறுவனம் அவசரகால அங்கீகாரம் வழங்கும் எனவும் கருதப்படுகிறது. 

 

 

சார்ந்த செய்திகள்

Next Story

'கிட்டத்தட்ட காசா ஒரு கல்லறை' - உலக சுகாதார அமைப்பு பகிரங்க அறிவிப்பு

Published on 14/11/2023 | Edited on 14/11/2023

 

'Gaza is almost a graveyard' - World Health Organization public announcement

 

இஸ்ரேல் - ஹமாஸ் அமைப்பினர் இடையே ஒரு மாதத்திற்கும் மேலாகப் போர் நடைபெற்று வரும் நிலையில், நிலைமை நாளுக்கு நாள் மோசமாகி வருகிறது. கடந்த அக்டோபர் 7 ஆம் தேதி காசாவிலிருந்து ஹமாஸ் அமைப்பு இஸ்ரேல் மீது நடத்திய தாக்குதலில் நூற்றுக்கணக்கானோர் உயிரிழந்தனர். இதற்குப் பதிலடி கொடுக்கும் வகையில் இஸ்ரேல் அதிதீவிரமான தாக்குதலை நடத்தி வருகிறது. இப்படியாக இரு தரப்பிலிருந்து ஆயிரக்கணக்கான உயிரிழப்புகள் ஏற்பட்டுள்ளன. இதனிடையே காசாவை சுற்றி வளைத்து தனது பீரங்கி குண்டுகளால் காசா நகரையே இஸ்ரேல் நிர்மூலமாக்கிக் கொண்டிருக்கிறது.

 

தரைவழித் தாக்குதலைத் தீவிரப்படுத்திய இஸ்ரேல் கிட்டத்தட்ட அனைத்து தொலைத்தொடர்பு சேவைகளை அழித்து உலகத்திலிருந்து காசாவை தனிமைப்படுத்தியுள்ளது. ஹமாஸ் அமைப்பினரை ஒருவர் விடாமல் அழிக்க நினைக்கும் இஸ்ரேலின் தாக்குதலில் ஆயிரக்கணக்கான அப்பாவி பாலஸ்தீன மக்கள் தினந்தோறும் கொல்லப்பட்டு வருகின்றனர். அதில் 60 சதவீதம் பேர் பெண்களும், குழந்தைகளும் எனக் கூறப்படுகிறது.

 

இந்நிலையில் காசாவின் மிகப்பெரிய மருத்துவமனை கிட்டத்தட்ட ஒரு கல்லறை என உலக சுகாதார அமைப்பு தெரிவித்துள்ளது. காசாவின் மிகப்பெரிய மருத்துவமனையான அல் ஷிபா மருத்துவமனை மீது இஸ்ரேல் நடத்திய தாக்குதலில் உயிரிழந்தவர்களின் சடலங்கள் மருத்துவமனை வளாகத்திலேயே அதிகப்படியாக குவிந்துள்ளது. தொடரும் போர் சூழல் அங்குள்ள மக்களுக்கு அச்சத்தை ஏற்படுத்தியுள்ளது.

 

 

Next Story

ஆட்டிப்படைக்க வரும் 'எக்ஸ்' - மீண்டும் அச்சத்தில் உலக நாடுகள்

Published on 27/09/2023 | Edited on 27/09/2023

 

NN

 

கடந்த மூன்று ஆண்டுகளாக உலகையே முகக்கவசத்திற்குள் முடக்கிப் போட்ட கொரோனா வைரஸின் விஸ்வரூபம் தணிந்து இயல்பு நிலைக்கு சென்றிருக்கும் நிலையில் கொரோனாவை விட 20 மடங்கு சக்தி வாய்ந்த கொடிய வைரஸ் ஒன்றின் பரவல் இருப்பதாக வெளியான தகவல் உலக நாடுகள் மத்தியில் அச்சத்தை ஏற்படுத்தி இருக்கிறது.

 

வைரஸ்களின் பிறப்பிடமாக கருதப்படும் சீனாவின் வூகான் மாகாணத்திலிருந்து புறப்பட்ட கொரோனா உலகம் முழுவதும் பரவி ஆட்டிப்படைத்ததை அவ்வளவு எளிதில் நாம் மறந்துவிட முடியாது. இதுவரை 70 லட்சம் பேர் கொரோனா வைரஸ் தொற்றால் உயிரிழந்துள்ளதாக புள்ளி விவரங்கள் தெரிவிக்கின்றன. சுகாதார அச்சுறுத்தல் மட்டுமல்லாது பொருளாதாரத்திலும் முடக்கத்தை ஏற்படுத்திய கொரோனா வைரஸ், தடுப்பூசி, சமூக இடைவெளி எனும் பாதுகாப்பு வழிகாட்டு விதிமுறைகள் என பல்வேறு கட்டுப்பாடுகள் விதிக்கப்பட்டு ஒருவழியாக தடுக்கப்பட்டது.

 

X

 

இந்நிலையில் புதிதாக ஒரு வைரஸ் சவால் கொடுத்து வருவதாக விஞ்ஞானிகள், சுகாதார வல்லுநர்கள் தெரிவித்துள்ளனர். புதிதாக பரவி வரும் அந்த நோய்க்கு 'எக்ஸ்' என உலகச் சுகாதார அமைப்பு பெயரிட்டுள்ளது. 'எக்ஸ்' வைரஸ் ஐந்து கோடி உயிர்களைப் பறிக்கும் ஆற்றல் கொண்டது எனவும் தெரிவிக்கப்பட்டுள்ளது. பரவி வரும் 'எக்ஸ்' தொற்று கொரோனா வைரஸை விட 20 மடங்கு ஆபத்தும், 67% இறப்பு விகிதத்தையும் கொண்டுள்ளதாம். ஆயிரக்கணக்கான வைரஸ்களை உள்ளடக்கிய 25 புதிய வைரஸ்களை ஆராய்ந்ததில் 'எக்ஸ்' வைரஸ் கண்டுபிடிக்கப்பட்டதாகவும் அதற்கான மருந்துகளை தயாரிக்கும் பணி நடைபெற்று வருவதாகவும் உலக சுகாதார அமைப்பின் நிபுணரும், இங்கிலாந்தின் தடுப்பூசி பணிக் குழுவின் தலைவருமான காதே பின்ஹாம் தூக்கிப்போட்ட குண்டு உலக நாடுகளை மீண்டும் முகக்கவசத்தை கையிலெடுக்க வைத்துள்ளது.