Skip to main content

அசோக் லேலண்டின் நிகர லாபம் ரூ.381 கோடி...

Published on 15/02/2019 | Edited on 15/02/2019

நடப்பு நிதியாண்டின் அக்டோபர் முதல் டிசம்பர் வரையிலான காலாண்டில் ஹிந்துஜா குழுமத்தின் நிறுவனமான அசோக் லேலண்ட் ரூ. 381 கோடி நிகர லாபமாக ஈட்டியுள்ளது. 

 

ashok leyland

 

முந்தைய நிதி ஆண்டின் டிசம்பர் காலாண்டில் ரூ.485 கோடியை நிகர லாபமாக ஈட்டிய அசோக் லேலண்ட் நிறுவனத்தின் நடப்பு நிதி ஆண்டின் டிசம்பர் காலாண்டில் ரூ.381 கோடியை நிகர லாபமாக ஈட்டியுள்ளது. இது கடந்த ஆண்டு மூன்றாம் காலண்டின் லாபத்துடன் ஒப்பிடும்போது 21.44% குறைவு என்பது குறிப்பிடத்தக்கது. 
 

 

 

சார்ந்த செய்திகள்

Next Story

உற்பத்தியை நிறுத்தும் அசோக் லேலண்ட் நிறுவனம்... கடிதம் மூலம் காரணத்தை வெளியிட்ட நிறுவனம்...

Published on 09/09/2019 | Edited on 09/09/2019

இந்திய பொருளாதாரத்தில் தேக்கநிலை நிலவி வரும் நிலையில், கடந்த சில மாதங்களாக ஆட்டோமொபைல் துறை மிகவும் மோசமான பின்னடைவை சந்தித்துள்ளது. அனைத்து நிறுவனங்களின் விற்பனையும் கடுமையான வீழ்ச்சியை சந்தித்துள்ளன. இதனையடுத்து பல நிறுவனங்கள் தங்களது தொழிற்சாலைகளுக்கு விடுமுறை அறிவித்தும், தாற்காலிகமாக உற்பத்தியை நிறுத்தியும் வருகின்றன.

 

ashok leyland stops production temporarily

 

 

அந்த வரிசையில் அசோக் லேலண்ட் நிறுவனம் தனது 5 தொழிற்சாலைகளில் மொத்தமாக 59 வேலைநாட்களை விடுமுறையாக அறிவித்துள்ளது. எண்ணூர் அசோக் லேலண்ட் தொழிற்சாலையில் இம்மாதம் 16 நாட்களும், ஓசூர் தொழிற்சாலை 5 நாட்களும் உற்பத்தி நிறுத்தப்பட உள்ளதாக அறிவிக்கபப்ட்டுள்ளது.

அதேபோல ராஜஸ்தானில் உள்ள ஆல்வார், மஹாராஷ்டிராவின் பந்த்ரா தொழிற்சாலைகளில் 10 நாட்களும், பந்த் நகரில் 18 நாட்களும் உற்பத்தி நிறுத்தப்படுகிறது என அறிவித்துள்ளது. போதுமான அளவு விற்பனை நடைபெறாததால் இந்த முடிவு எடுக்கப்பட்டுள்ளதாக அந்நிறுவனத்தின் கடிதத்தில் தெரிவிக்கப்பட்டுள்ளது. 

 

 

Next Story

ஊழியர்களுக்கு விடுமுறை அறிவித்த 'அசோக் லேலண்ட்' நிறுவனம்! 

Published on 06/09/2019 | Edited on 06/09/2019

நாட்டில் நிலவும் பொருளாதார மந்தநிலை காரணமாக வாகன விற்பனை கடும் சரிவை சந்தித்து வருகிறது. இதனால் ஆட்டோமொபைல் தொழில் நிறுவனங்கள் கடும் நெருக்கடிக்கு தள்ளப்பட்டதோடு, வாகன உற்பத்தியையும் நாளுக்கு நாள் குறைத்து வருகின்றனர். மேலும் ஆட்டோமொபைல் தொழில் சார்ந்த உதிரிபாகங்கள் தயாரிக்கும் தொழிற்சாலைகளும் உற்பத்தியை குறைத்துள்ளனர். அதன் தொடர்ச்சியாக ஊழியர்களுக்கு விடுமுறையும் அளித்து வருகின்றனர். இதன் காரணமாக லட்சக்கணக்கான தொழிலாளர்கள் வேலை இழந்துள்ளனர்.

economic crisis, sales down,chennai ennore 'Ashok Leyland' announces holiday for employees!


இந்தியாவில் கார் உற்பத்தியில் முன்னணியில் உள்ள நிறுவனங்களான ஹூண்டாய் நிறுவனம், மாருதி நிறுவனம், டிவிஎஸ் நிறுவனம்  உள்ளிட்ட நிறுவனங்கள் ஊழியர்களுக்கு விடுமுறை அளித்தும்,அவ்வப்போது தொழிற்சாலையில் உற்பத்தியை நிறுத்தி வருகின்றனர். இந்த வரிசையில் உலக அளவிலும், இந்திய அளவிலும் கனரக வாகனங்கள் தயாரிப்பில் முன்னணியில் உள்ள 'அசோக் லேலண்ட்' நிறுவனம் சென்னை எண்ணுரில் உள்ளது. இந்த  நிறுவனத்தில் பணியாற்றும் ஊழியர்களுக்கு இன்று முதல் (செப்டம்பர் 6 ஆம் தேதி) ஐந்து நாட்களுக்கு விடுமுறை என 'அசோக் லேலண்ட்' நிறுவனம் அறிவித்துள்ளது.

economic crisis, sales down,chennai ennore 'Ashok Leyland' announces holiday for employees!


அதன்படி செப்டம்பர் 6,7,9,10,11 ஆகிய தேதிகளில் நிறுவனத்தில் எந்தவித பணிகளும் நடைபெறாது. எனவே ஊழியர்கள் இந்நாட்களில் பணிக்கு வர வேண்டாம் என அறிவுறுத்தியுள்ளது. அந்நிறுவனம் வெளியிட்டுள்ள செய்தி அறிக்கையில் வாகன விற்பனை மந்தநிலை காரணமாக சில முக்கிய முடிவுகள் எடுத்துள்ளதாக தெரிவித்துள்ளது. 

இந்தியாவில் உள்ள முன்னணி ஆட்டோமொபைல் நிறுவனங்கள், இத்தகைய நடவடிக்கையை தொடர்ந்தால் நாட்டில் வேலை இழப்பு அதிகரிக்கும் என ஊழியர்கள் அச்சப்படுகின்றனர். தற்போது நாட்டின் மொத்த உள்நாட்டு உற்பத்தி 5 சதவீதமாக வீழ்ச்சியடைந்துள்ள நிலையில், பொருளாதாரத்தை மீட்டெடுக்க மத்திய அரசு தீவிர நடவடிக்கை எடுத்து வருகிறது.