மத்திய பட்ஜெட்; ரூ. 7 லட்சம் வரை வருமான வரி கிடையாது

நாடாளுமன்ற பட்ஜெட் கூட்டத்தொடர் நேற்று குடியரசுத் தலைவர் திரௌபதி முர்மு உரையுடன் தொடங்கிய நிலையில் இன்று 2023-2024 நிதியாண்டுக்கான மத்திய பட்ஜெட்டை நிதியமைச்சர் நிர்மலா சீதாராமன் தாக்கல் செய்துள்ளார். இதனைத் தொடர்ந்து நாடாளுமன்றத்தில் உரை நிகழ்த்தி வருகிறார்.

அதில், பல்வேறு அறிவிப்புகளை வெளியிட்டு வருகிறார். அந்த வகையில், புதிய வரி முறையில் வருடத்திற்கு ரூ. 7 லட்சம் வரை வருமானம் உள்ளவர்களுக்கு வருமான வரி கிடையாது. ஏற்கனவே ஆண்டுக்கு ரூ. 5 லட்சம் வரை வருமானம் உள்ளவர்களுக்கு வருமான வரி கிடையாது என இருந்த நிலையில், தற்போதைய பட்ஜெட்டில் அது ரூ.7 லட்சமாக உயர்த்தப்பட்டுள்ளது.பழைய வரி முறையில் வருமான வரி விலக்கு உச்ச வரம்பு ரூ. 2.50 லட்சமாக இருந்த நிலையில் தற்போது ரூ. 3 லட்சமாக உயர்த்தப்பட்டுள்ளது என்று தெரிவித்துள்ளார்.

மேலும்நாட்டில் புதிதாக 50 விமான நிலையம், ஹெலிகாப்டர் தளம் அமைக்கப்படும். நாட்டின் அனைத்து நகரங்களிலும் இயந்திரங்கள் மூலம் கழிவுகளை அகற்றும் முறை செயல்படுத்தப்படும் என்றும் தெரிவித்திருக்கிறார்.