Skip to main content

பிரதமர் மோடியை எதிர்க்க தயாராகும் முதல்வர் ஜெகன்மோகன்?

Published on 25/06/2019 | Edited on 25/06/2019

நாடாளுமன்ற கூட்டத்தொடர் தற்போது நடைபெற்று வருகிறது. 17- வது மக்களவையின் சபாநாயகராக ஓம்.பிர்லா சமீபத்தில் ஒரு மனதாக தேர்வு செய்யப்பட்டார். இந்நிலையில் மக்களவை துணை சபாநாயகர் பதவியை காங்கிரஸ் கட்சி ஏற்க மறுத்ததால், ஆந்திரா மாநில முதல்வர் ஜெகன்மோகன் ரெட்டி தலைமையிலான ஒய்.எஸ்.ஆர் காங்கிரஸ் கட்சிக்கு மக்களவையின் துணை சபாநாயகர் பதவியை வழங்க பிரதமர் நரேந்திர மோடி மற்றும் மத்திய உள்துறை அமைச்சர் அமித்ஷா முடிவு செய்திருப்பதாக தகவல் வெளியாகியிருந்தது. அதனை உறுதிப்படுத்தும் விதமாக இது வரை துணை சபாநாயகர் பதவிக்கு போட்டியிடும் வேட்பாளர் குறித்து எந்த ஒரு தகவலும் வெளியாகவில்லை.

 

andhra pradesh cm jaganmohan reddy

 

 

இந்நிலையில் ஆந்திர மாநில முதல்வர் ஜெகன்மோகன் ரெட்டி கடந்த வாரம் டெல்லியில் மத்திய அமைச்சர்களை சந்தித்து பேசினார். அந்த சந்திப்பில் தனது கட்சி உறுப்பினருக்கு மக்களவை துணை சபாநாயகர் பதவி வேண்டாம் என்றும், ஆந்திர மாநிலத்திற்கு சிறப்பு அந்தஸ்து மட்டுமே வேண்டும் என அழுத்தமாக மத்திய அமைச்சர்களிடம் தெரிவித்தாக டெல்லி வட்டார தகவல்கள் தெரிவிக்கின்றன. ஒய்.எஸ்.ஆர் காங்கிரஸ் கட்சியின் இறுதி முடிவுக்காக பாஜக கட்சி மக்களவை துணை சபாநாயகர் பதவிக்கு போட்டியிடும் வேட்பாளர் பெயரை வெளியிடாமல் உள்ளது. ஆந்திர மாநில முதல்வருடன் தொடர்ந்து பாஜக தலைமை பேச்சுவார்த்தை நடத்தி வருவதாக மற்றொரு தகவலும் வெளியாகியுள்ளது.

 

 

andhra pradesh cm jaganmohan reddy

 

 

பாஜகவிற்கு மக்களவையில் அதிக பெரும்பான்மை இருந்தும், மாநிலங்களவையில் பாஜகவிற்கு போதிய அளவு பெரும்பான்மை இல்லை. இதனால் மாநிலங்களவையில் ஒய்.எஸ்.ஆர் காங்கிரஸ் கட்சியின் ஆதரவு பாஜகவிற்கு தேவைப்படும். இந்நிலையில் ஆந்திர மாநிலத்திற்கு சிறப்பு அந்தஸ்தை மத்திய அரசு வழங்கும் வரை பாஜக கட்சியில் இருந்து விலகி இருக்க முதல்வர் ஜெகன்மோகன் முடிவு செய்துள்ளார். மக்களவையில் ஒய்.எஸ்.ஆர் காங்கிரஸ் கட்சியிக்கு மட்டும் மொத்தம் 22 உறுப்பினர்கள் உள்ளன என்பது குறிப்பிடத்தக்கது.

 

 

 

சார்ந்த செய்திகள்

 

Next Story

“அரசும், அரசியலும் வேறாக இருக்க வேண்டும்” - ‘இந்து’ என்.ராம்  

Published on 20/06/2024 | Edited on 20/06/2024
 hindu n ram Interview about modi and bjp

இந்தியாவில் முக்கியமான பத்திரிகையாளர்களில் ஒருவர், பல நாடுகளுக்கு பயணித்து பத்திரிகையாளராக பணிபுரிந்தவர். மரியாதைக்குரிய என்.ராம் அவர்களை நக்கீரன் சிறப்பு பேட்டிக்காக சந்தித்தோம். நம்முடைய கேள்விகளுக்கு பல்வேறு சுவாரசியமான தகவலை, தன்னுடைய கருத்துக்களை நம்மோடு பகிர்ந்து கொண்டார்.

இந்தியாவின் மிகப்பெரிய ஜனநாயகத் திருவிழா நடந்து முடிந்திருக்கிறது. இந்திய பாராளுமன்றத் தேர்தல் உலக அளவில் எந்த அளவிற்கு முக்கியத்துவம் பெருகிறது?

முக்கியமான ஒரு லோக்சபா எலெக்சன் நடந்து முடிந்திருக்கிறது. 970 மில்லியன் தகுதிவாய்ந்த வாக்காளர்கள் இருந்த தேர்தலில் 61 சதவிகிதம் வாக்களித்திருக்கிறார்கள். இது ஒரு பெரிய விசயம் தான். அயோத்தியில் உள்ள பைசாபாத், மற்று உத்திரப்பிரதேசத்தில் சில தொகுதிகளிலும் பாஜக தோற்றிருப்பது தான் இந்தத் தேர்தலில் குறிப்பிடும்படியான ஒரு விசயமாகும்.

ஸ்டாலின் இஸ் மோஸ்ட் டேஞ்சர் தென் கருணாநிதி என்ற ஸ்டேட்மெண்ட்டைப் பற்றி?

பாஜகவைப் பொறுத்தவரை அவங்களுக்கு மோஸ்ட் டேஞ்சரஸாக ஸ்டாலின் இருக்கலாம். முன்பு எம்ஜிஆர் இருந்தாரு, அப்புறம் ஜெயலலிதா இருந்தாங்க,  பாஜகவில் தமிழகத்தில் அப்டி யாரு இருக்காங்க, தமிழக பாஜக தலைவரா? அவரை நான் ஜோக்கர்னு தான் சொல்வேன். மீடியாவை மதிக்க மாட்டாரு, மோசமான வார்த்தைகளைப் பயன்படுத்துவாரு, அண்ணாமலை கடுமையா வேலை செஞ்சாருதான், ஆனால் அசிங்கமாக பேசுறாரு. அதனாலதான் நானும், நக்கீரன் ஆசிரியரும் சேர்ந்து இதற்கு எதிர்ப்பு தெரிவித்தோம்.

தமிழக பாஜக தலைவர் கோயம்புத்தூரில் ஏன் நின்னாருன்னு தெரியலை, அவருக்கு யாரோ உள்ளுக்குள் இருந்த எதிரி தான் நிறுத்தி வச்சிருக்காங்க, எல்லாருக்கும் தெரிஞ்ச விசயம் ஜெயிக்க மாட்டாருன்னு, ஆனால், நிறையா பணம் செலவழிச்சு இரண்டாவது இடத்திற்கு வந்துட்டாரு. அவர் ஒன் மேன் ஷோ போல கட்சியை நடத்தினார். உண்மை என்னவெனில் அவரோ, மோடியோ ஒன் மேன் ஷோவாக கட்சியை நடத்த முடியாது. அவங்க ஆர்.எஸ்.எஸ் இயக்கத்தின் கிரியேசன்கள் தான். ஆர்.எஸ்.எஸ் இயக்கத்தால் உருவாக்கப்பட்டது தானே பிஜேபி. அந்த இயக்கம் இல்லையெனில் இவங்க ஜீரோ தான்.

இரண்டு முறை ஆட்சி அமைத்தும், பெரிய விமர்சனங்கள் இருந்தும் மூன்றாவது முறையாக ஆட்சி அமைத்து விட்டார்கள் இதை வீழ்ச்சி என்று எப்படி சொல்ல முடியும்?

தேசிய ஜனநாயகக் கூட்டணி வெற்றி பெற்றது. ஆனால் இது பிஜேபிக்கு இது தோல்வி தான். 400 தொகுதிகள் வெற்றி பெறுவோம் என்று சொல்லிக் கொண்டே இருந்தார்கள். ஆனால் அவ்வளவு வரவில்லையே. அது தோல்வி தானே. பாஜகவின் மெஜாரிட்டியை விட 32 சீட் குறைவு. 2014 தேர்தலில் தனிப்பெரும்பான்மையுடன் வந்தார்கள். அப்போது இந்தியாவின் வளர்ச்சி பற்றி பேசினார்கள். 2019-ல் முந்தைய தேர்தலை விட அதிக பெரும்பான்மையுடன் வந்ததால், கூட்டணியை எல்லாம் கண்டுகொள்ளாமல் மோடியும், அமித்ஷாவும் தான் அனைத்து முடிவுகளையும் எடுத்தனர்.

தேர்தல் வந்ததும் எதிர்க்கட்சி தலைவர்களை, முதல்வர்களை கைது செய்வது என பல வேலைகளை செய்தார்கள். பத்திரிக்கை சுதந்திரத்தை தடுத்தார்கள், பல பத்திரிகையாளர்களை கைது செய்தார்கள். 2014-க்கு பிறகு 14 பத்திரிகையாளர்கள் படுகொலை செய்யப்பட்டார்கள். இவர்களெல்லாம் அரசின் ஊழலை வெளிக்கொண்டு வந்த மீடியாவைச் சேர்ந்தவர்கள். இதையெல்லாம் நியூயார்க்கை மையமாகக் கொண்டு செயல்படும் இயக்கம் டாக்குமெண்டரியாக வெளியிட்டு இருக்கிறது.

பாராளுமன்ற விவாதங்களுக்குள்ளேயே கொண்டு வராமல் காஸ்மீர் மாநிலத்தை உடைத்து லடாக் தனியான யூனியன் பிரதேசமாக மாற்றினார்கள். சிஏஏ கொண்டு வந்தார்கள். விவசாயிகளின் போராட்டத்தை கடுமையாக நசுக்கினார்கள், ஆனால் அதில் தோற்றுப் போனார்கள். அதனால் அந்த சட்டங்களை திரும்ப பெற்றுக் கொண்டனர். மோசமான எதேச்சதிகாரப் போக்கு இருந்தது, இப்போது அது அடிவாங்கி இருக்கிறது. இப்ப மெஜராட்டி இல்லாமல் சந்திரபாபு நாயுடு, நிதிஷ்குமார் ஆதரவோட ஆட்சி அமைக்கிறாங்க.

ஒரு கூட்டணியிலிருந்து இன்னொரு கூட்டணிக்கு போவதில் நிபுணர்கள் சந்திரபாபு நாயுடுவும், நிதிஷ்குமாரும். சில சமயம் தப்புக் கணக்கு போட்டு தோற்றும் விடுவார்கள். 2020 அக்டோபரில் இந்தியா கூட்டணி உதவியுடன் ஆட்சியமைக்கிறார் நிதிஷ்குமார், பிறகு, என்டிஏ கூட்டணி பக்கம் போயிட்டாரு, எப்படி வேண்டுமானாலும் பல்டி அடிக்கக் கூடியவர். சந்திரபாபு நாயுடு திறமையான அரசியல்வாதி, அமித்ஷா இவரை மாமனாருக்கு முதுகில் குத்தி துரோகம் செய்தவர்னு கடுமையா விமர்சித்திருக்கிறார். ஆனால், இன்று இருவரின்  தயவால் தான் ஆட்சி அமைக்கிறார் மோடி, இதை மோடி 3 என்று கூட சொல்ல முடியாது. மோடி 2.5 என்று தான் சொல்ல வேண்டும்.

பிஜேபி அரசு செய்த அரசியல் சேதாரங்கள் பற்றி சொன்னீங்க, அதில் எதை பெரிய சேதாரமாக பார்க்கிறீர்கள்?

மிகப்பெரிய டேமேஜ்களை ஒன்று மட்டும் சொல்ல முடியாது. நிறையா விசயங்களை இணைத்து தான் சொல்ல முடியும். இன்ஸ்டிடியூசன்களை மானிபுலேட் பண்ணியது குறிப்பாக சுப்ரீம் கோர்டின் மீது அழுத்தம் கொடுத்தது, எலெக்சன் கமிஷனை சுதந்திரமாக செயல்படாமல் தடுத்தது. ஆனாலும் பெரிய அளவிலான கலவரங்கள் இல்லாமல், வேறெந்த பிராடுத்தனமும் இல்லாமல் நடந்து கொண்டதே பெரிய சாதனை தான். திருட்டுத்தனமாக சில விசயங்கள் செய்வார்கள் என்று விமர்சித்தார்கள் அதெல்லாம் இல்லை. நேர்மையாகத் தான் நடந்து கொண்டார்கள்.

எதிர்க்கட்சிகளின் பொருளாதார நிலையை கடுமையான ஒடுக்கினார்கள். சுதந்திர இந்தியாவில் இது போன்று இதற்கு முன்பு நடந்ததே இல்லை. சிபிஐ, இன்கம்டேக்ஸ், மத்திய காவல் படை, ஆகியோர்களை பயன்படுத்தி காங்கிரஸ் கட்சியின் வங்கிக் கணக்குகளை எல்லாம் முடக்கினார்கள். மதவெறியை தூண்டியது மிக முக்கியமாக இவர்கள் செய்த டேமேஜ், 20 கோடி மக்களைக் கொண்ட முஸ்லீம்களை தாக்கினார்கள். இந்து மத வெறியை தூண்டி விடுவதே இவர்களின் அரசியல் செயல்பாடாக பார்க்கிறார்கள்.

அயோத்தியில் கோவில் திறந்ததே மதவெறி அரசியல் தான் எனும் போது, வேறு எந்த விளைவுகளெல்லாம் இவர்களது சாதகமாகவும், பாதகமாகவும் அமைந்தது?

ஆர்.எஸ்.எஸ் இயக்கத்தின் நூறு வருட திட்டம் இந்து மத வெறியை தூண்டு விட்டுக் கொண்டே இருப்பது. 1990களுக்கு பிறகு பிஜேபி வந்ததும் ராமஜென்ம பூமி அரசியலை கையில் எடுத்தார்கள். மசூதிகளை திட்டமிட்டு சேதாரம் செய்ய நினைத்திருக்கிற அஜெண்டா கூட அவர்களிடம் உள்ளது. இதெல்லாம் பெரிய அளவிலான பாதிப்பு தான். இந்திய அரசியலமைப்பு சட்டத்தின் அடிப்படையை ஒரு போதும் மாற்ற முடியாது. 

அரசும், அரசியலும் வேறாக இருக்க வேண்டும் அதாவது கோவில்களும் அரசாங்கமும் வேறு வேறாக இருக்க வேண்டும். அரசியலும் மதமும் வேறாக இருக்க வேண்டுமே தவிர அவற்றை கலக்க கூடாது என்று சட்டம் சொல்கிறது. ஆனால் அதுக்கு நேர் மாறாக தான் செயல்பட்டு இருக்கிறார்கள். பிரதமர் ஒரு கோவிலுக்கு வழிபடப் போவதை விட, இவரே பூஜை செய்பவராகவும் மாறியே இருந்தார். ஆச்சாரமாக இருக்கிற கோவில்களுக்கு பூஜை செய்பவர்களுக்கு இவர் பூஜை செய்ய முன் வந்தது சுத்தமாக பிடிக்கவில்லை. 

இவர் ஏன் விவேகானந்தர் மணிமண்டபத்தில் போய் தியானம் செய்கிறார். இண்டலிஜெண்ட்ஸ் எலெக்சன் ரிப்போர்ட் சொல்லி இருப்பார்கள். எக்ஸிட் போல் வேறு மாதிரி வந்தது. ஆனால் அது எந்த விதத்திலும் ரிசல்டை பாதிக்கவில்லை. ஆனால் பங்குச்சந்தையில் பெரிய மாற்றம் நிகழ்ந்தது. இதைத்தான் இப்போது ராகுல்காந்தி கேள்வி எழுப்புகிறார். நீங்களே உங்களுடைய ஸ்டாக்கை வாங்குனீர்களா? விற்றீர்களா? உங்களுடைய நண்பர்களைக் கொண்டு வாங்க வைத்தீர்களா என்று கேள்வி எழுப்பி வருகிறார்.

ஒரு பிஎம்மும், ஹோம் மினிஸ்டருமே ஸ்டாக் வாங்குங்க என்று மக்களுக்கு பரிந்துரை செய்தார்களே?

அது ரொம்ப தப்பான விசயம். இவர்களை செபி கேள்வி கேட்க முடியாது. ஆனால் ஜாயின்ட் பார்லிமெண்டரி கமிட்டி ராகுல்காந்தி கேள்வி கேட்டிருக்கிறார். மீடியா இதை இன்வஸ்டிகேசன் செய்யலாம். இண்டர்பெர்க் பண்ணியது போல செய்யலாம். பிசினஸ் மீடியா ஸ்டாக் மூவ்மெண்ட்ஸ் பற்றி அனலைஸ் பண்ணலாம். செய்வார்கள் என்று நினைக்கிறேன்.

Next Story

ஆந்திரா துணை முதல்வராகப் பதவியேற்ற பவன் கல்யாண்!

Published on 19/06/2024 | Edited on 19/06/2024
pawan Kalyan sworn in as Deputy Chief Minister of Andhra Pradesh

நாடாளுமன்ற மக்களவைத் தேர்தலோடு ஒடிசா, ஆந்திரப் பிரதேசம், சிக்கிம், அருணாச்சலப் பிரதேசம் போன்ற மாநிலங்களில் சட்டமன்றத் தேர்தலும் நடைபெற்றது. இந்தத் தேர்தலில் ஆட்சியில் இருந்த ஒய்.எஸ்.ஆர் காங்கிரஸ் ஆட்சியைக் கவிழ்த்து தெலுங்கு தேசம் கூட்டணி அபார வெற்றி பெற்றிருந்தது. 175 தொகுதிகள் கொண்ட ஆந்திராவில், தெலுங்கு தேசம் கட்சி 135 இடங்களிலும், அதன் கூட்டணி கட்சிகளான ஜன சேனா கட்சி 21 இடங்களிலும், பா.ஜ.க 8 இடங்களிலும்  வெற்றி பெற்றது.  

அந்த வகையில் சட்டமன்றத் தேர்தலில் சந்திரபாபு நாயுடு ஆந்திர முதல்வராக கடந்த 12ஆம் தேதி பதவியேற்றுக் கொண்டார். இதனையடுத்து, ஆந்திர அமைச்சர்களுக்கு இலாக்காக்கள் ஒதுக்கப்பட்டன. 

அதன்படி முதல்வர் சந்திரபாபு நாயுடுவுக்குச் சட்டம் மற்றும் ஒழுங்கு, பொது நிறுவனங்கள் மற்றும் அமைச்சர்களுக்கு ஒதுக்கப்படாத அனைத்து துறைகளும் ஒதுக்கீடு செய்யப்பட்டன. ஜன சேனா கட்சியின் தலைவரும், நடிகருமான பவன் கல்யாண் துணை முதல்வராகவும், பஞ்சாயத்து ராஜ், ஊரக வளர்ச்சி மற்றும் ஊரக நீர் வழங்கல்; சுற்றுச்சூழல், காடு, அறிவியல் மற்றும் தொழில்நுட்ப துறைகள் ஒதுக்கீடு செய்யப்பட்டன.

இந்த நிலையில், ஜன சேனா தலைவர் பவன் கல்யாண் இன்று (19-06-24) ஆந்திராவில் உள்ள துணை முதலமைச்சர் அலுவலகத்திற்கு சென்று கோப்புகளில் கையெழுத்திட்டு துணை முதலமைச்சராக பதவியேற்றுக் கொண்டார்.