தன்னை பற்றிய வதந்திக்கு அறிக்கை மூலம் முற்றுப்புள்ளி வைத்த அமித்ஷா...

கடந்த சில தினங்களாக சமூகவலைதளங்களில் அமித்ஷாவின் உடல்நிலை குறித்து பல்வேறு விதமான வதந்திகள் பரவியது. இந்நிலையில் இந்த வதந்திகளை அடியோடு மறுத்துள்ள அமித்ஷா, தான் ஆரோக்கியமாக இருப்பதாக தெரிவித்துள்ளார். இதுகுறித்த அவரது அறிக்கையில், "உலக பெருந்தொற்றான கரோனாவுக்கு எதிராக நமது நாடு போராடி வருகிறது. நாட்டின் உள்துறை அமைச்சர் என்பதால், நானும் இந்த பணிகளில் மிகவும் பரபரப்பாக ஈடுபட்டுள்ளேன். இதுபோன்ற வதந்திகளுக்கு நான் கவனம் கொடுப்பதில்லை. எனது கவனத்திற்கு இவை வந்தபோது, வதந்தி பரப்புவர்கள் அனைவரும் தங்களின் கற்பனை சிந்தனைகளால் மகிழ்ச்சியாக இருக்கட்டும் என்று நான் கருதினேன். எனவே, நான் எந்த விளக்கமும் அளிக்கவில்லை.