Skip to main content

மத்திய இணையமைச்சர் எல்.முருகனுக்கு இலாகாக்கள் ஒதுக்கீடு!

Published on 10/06/2024 | Edited on 10/06/2024
Allotment of portfolios to Union Home Minister L Murugan

நாட்டின் பிரதமராக மூன்றாவது முறையாக நரேந்திர மோடி பதவியேற்கும் விழா டெல்லியில் உள்ள குடியரசுத் தலைவர் மாளிகையில் நேற்று (09.06.2024) நடைபெற்றது. இதன் ஒரு பகுதியாகக் குடியரசுத் தலைவர் திரௌபதி முர்மு, பிரதமராகப் பதவியேற்கும் மோடிக்கு பதவிப் பிரமாணமும், ரகசிய காப்பு பிரமாணமும் செய்து வைத்தார். அதனைத் தொடர்ந்து கேபினட் அமைச்சர்களும், தனிப்பொறுப்புடன் கூடிய இணையமைச்சர்கள் பதவியேற்றனர். இதன் மூலம் பிரதமர் மோடி தலைமையில் 72 பேர் கொண்ட அமைச்சர்கள் பதவி ஏற்றனர். அதில் 30 கேபினட் அமைச்சர்கள், தனிப்பொறுப்புடன் கூடிய 5 இணையமைச்சர்கள் மற்றும் 36 இணையமைச்சர்கள் பதவி ஏற்றனர். இதனையடுத்து மத்திய அமைச்சர்களின் இலாகாக்கள் அதிகாரப்பூர்வமாக அறிவிக்கப்பட்டுள்ளன.

அந்த வகையில் தனி பொறுப்புடன் கூடிய இணை அமைச்சர்களாக பதவியேற்றுள்ள ராவ் இந்தர்ஜித் சிங் - புள்ளியியல் மற்றும் திட்ட அமலாக்க துறை, திட்டமிடல் துறை ஒதுக்கீடு செய்யப்பட்டுள்ளது. ஜிதேந்திர சிங் - அறிவியல் மற்றும் தொழில்நுட்ப துறை, புவி அறிவியல் துறை ஒதுக்கீடு செய்யப்பட்டுள்ளது. அர்ஜுன் ராம் மேக்வால் - சட்டம் மற்றும் நீதி துறை ஒதுக்கீடு செய்யப்பட்டுள்ளது. பிரதாப்ராவ் கணபத்ராவ் ஜாதவ் - ஆயுஷ் துறை ஒதுக்கீடு செய்யப்பட்டுள்ளது. ஜெயந்த் சவுத்ரி - திறன் மேம்பாடு மற்றும் தொழில் முனைவோர் துறை ஒதுக்கீடு செய்யப்பட்டுள்ளது. 

Allotment of portfolios to Union Home Minister L Murugan

மேலும் இணை அமைச்சர்கள் பதவியேற்றுள்ள ஜிதின் பிரசாத் - வர்த்தகம் மற்றும் தொழில்துறை, மின்னணு மற்றும் தகவல் தொழில்நுட்ப துறையும், ஸ்ரீபாத் நாயக் - மின் துறை, புதுப்பிக்கத்தக்க ஆற்றல் துறையும், பங்கஜ் சவுத்ரி - நிதித்துறையும், கிரிஷன் பால் குர்ஜார்- கூட்டுறவுத்துறையும், ராம்தாஸ் அத்வாலே - சமூக நிதி மற்றும் அதிகாரமளித்தல் துறையும், ராம் நாத் தாக்கூர் - வேளாண் துறையும், நித்யானந்த் ராய் - உள்துறையும் ஒதுக்கப்பட்டுள்ளன. அனுப்ரியா பட்டேல் - சுகாதாரத் துறை, ரசாயணத் துறையும், வி சோமண்ணா - ஜல்சக்தி (நீர்வளம்), ரயில்வே துறையும் சந்திர சேகர் பெம்மாசானி - ஊரக வளர்ச்சி, தகவல் தொடர்பு துறையும், எஸ் பி சிங் பாகேல்- மீன்பிடி, கால்நடை பராமரிப்பு மற்றும் பால்வள துறை, பஞ்சாயத்து ராஜ் துறையும், ஷோபா கரந்த்லாஜே - சிறு, குறு மற்றும் நடுத்தர தொழில்துறையும் ஒதுக்கப்பட்டுள்ளன. கீர்த்தி வர்தன் சிங் - சுற்றுச்சூழல், வனம் மற்றும் காலநிலை மாற்றம் துறை, வெளியுறவுத் துறையும், பி.எல். வர்மா - நுகர்வோர் விவகாரங்கள், உணவு மற்றும் பொது விநியோக துறை, சமூக நீதி மற்றும் அதிகாரமளித்தல் துறையும், சாந்தனு தாக்கூர்- துறைமுகங்கள், கப்பல் போக்குவரத்து மற்றும் நீர்வழிகள் போக்குவரத்துத்துறையும், சுரேஷ் கோபி - பெட்ரோலியத்துறை, சுற்றுலாத்துறையும் ஒதுக்கப்பட்டுள்ளன. 

Allotment of portfolios to Union Home Minister L Murugan

தமிழகத்தைச் சேர்ந்த மத்திய இணை அமைச்சர் எல்.முருகனுக்கு தகவல் மற்றும் ஒளிப்பரப்பு துறை, நாடாளுமன்ற விவகாரங்கள் துறைகள் ஒதுக்கப்பட்டுள்ளன. அஜய் தம்தா – சாலை போக்குவரத்துத் துறையும், பாண்டி சஞ்சய் குமார் - உள்துறையும், கமலேஷ் பாஸ்வான் - ஊரக வளர்ச்சித் துறையும், பகீரத் சவுத்ரி - வேளாண் துறையும், சதீஷ் சந்திர துபே - நிலக்கரி துறை, சுரங்கத்துறையும், சஞ்சய் சேத்- பாதுகாப்பு துறையும், ரவ்னீத் சிங் பிட்டு- உணவு பதப்படுத்துதல், ரயில்வே துறை, துர்கா தாஸ் உய்கே - பழங்குடியினர் விவகாரத் துறையும்,

ரக்ஷா காட்சே - இளைஞர் விவகாரங்கள் மற்றும் விளையாட்டுத் துறை, சுகந்தா மஜும்தார் - கல்வித்துறை, வடகிழக்கு விவகாரங்கள் துறை, சாவித்ரி தாக்கூர் - பெண்கள் மற்றும் குழந்தைகள் மேம்பாட்டுத் துறை, டோகன் சாஹு - நகர்ப்புற மேம்பாட்டு, வீட்டு வசதித்துறை, ராஜ்பூஷன் சவுத்ரி - ஜல்சக்தி துறை, பூபதிராஜு ஸ்ரீனிவாச வர்மா - கனரக தொழில்துறை, இரும்பு துறை, ஹர்ஷ் மல்ஹோத்ரா - சாலை போக்குவரத்து துறை, கார்பரேட் விவகாரங்கள் துறை, நிமுபென் ஜெயந்திபாய் பாம்பானியா - நுகர்வோர் விவகாரங்கள், உணவு மற்றும் பொது விநியோக துறை, முரளிதர் மோஹோல் - கூட்டுறவுத்துறை, சிவில் விமான போக்குவரத்துத் துறை, ஜார்ஜ் குரியன் - சிறுபான்மையினர் விவகாரத் துறை, மீன்பிடி, கால்நடை பராமரிப்பு மற்றும் பால்வளத்துறை, பபித்ரா மார்கெரிட்டா - வெளியுறவுத்துறை, ஜவளித்துறையும் ஒதுக்கீடு செய்யப்பட்டுள்ளன.

சார்ந்த செய்திகள்

 

Next Story

‘மக்களைக் குழப்பும் புதிய கிரிமினல் சட்டங்கள்’ - உயர்நீதிமன்றம் கருத்து!

Published on 19/07/2024 | Edited on 19/07/2024
New laws that confuse people High Court opinion

இந்தியத் தண்டனைச் சட்டம், குற்றவியல் நடைமுறைச் சட்டம், சாட்சியங்கள் சட்டம் ஆகியவற்றிற்கு பதிலாக மத்திய அரசு கொண்டு வந்த பாரதிய நியாய சன்ஹிதா, பாரதிய நாகரிக் சுரக்ஷா, பாரதிய சாக்ஷிய அதினியம் ஆகிய 3 புதிய குற்றவியல் சட்டங்கள் கடந்த 1 ஆம் தேதி (01.07.2024) நள்ளிரவு முதல் அமலுக்கு வந்துள்ளன.

அதே சமயம் அரசமைப்புச் சட்டத்திற்கு எதிராக சமஸ்கிருதத்தில் பெயர் மாற்றம் செய்யப்பட்டு நாடாளுமன்றத்தில் முறையான விவாதங்கள் ஏதுமின்றியும் மாநிலங்களின் கருத்துக்களைக் கேட்காமலும் அவசர அவசரமாகக் கொண்டு வரப்பட்டுள்ள இச்சட்டங்களின் பல்வேறு பிரிவுகளை எதிர்த்து நாடெங்கும் எதிர்ப்புகளும் போராட்டங்களும் நடைபெற்று வருகின்றன. இதற்கிடையே மத்திய அரசின் புதிய குற்றவியல் சட்டங்களில் மாநில அளவில் திருத்தங்கள் மேற்கொள்ள ஓய்வு பெற்ற நீதிபதி சத்யநாராயணன் தலைமையில் ஒரு நபர் குழுவை அமைத்து தமிழக முதலமைச்சர் மு.க.ஸ்டாலின் ஏற்கெனவே உத்தரவிட்டிருந்தார்.

New laws that confuse people High Court opinion

இதனையடுத்து புதிய குற்றவியல் சட்டங்களுக்கு எதிராக திமுக சார்பில் சென்னை உயர்நீதிமன்றத்தில் மனுத்தாக்கல் செய்யப்பட்டது. திமுக அமைப்புச் செயலாளர் ஆர்.எஸ்.பாரதி இந்த மனுவை தாக்கல் செய்திருந்தார். அந்த மனுவில், “அமலுக்கு வந்துள்ள புதிய குற்றவியல் சட்டங்கள் அரசியலமைப்புக்கு எதிரானது என அறிவிக்க வேண்டும்.  இந்த சட்டங்களை ரத்து செய்ய வேண்டும்” எனத் தெரிவிக்கப்பட்டது. இந்நிலையில் இந்த மனு உயர்நீதிமன்ற நீதிபதிகள் எஸ்.எஸ்.சுந்தர் மற்றும் செந்தில்குமார் ஆகியோர் அடங்கிய அமர்வு முன் இன்று (19.07.2024) விசாரணைக்கு வந்தது.

அப்போது நீதிபதிகள், “அமலுக்கு வந்துள்ள புதிய கிரிமினல் சட்டங்கள் மக்களை குழப்பத்தில் ஆழ்த்தும் வகையில் உள்ளது. இந்த மூன்று சட்டங்களையும் அமல்படுத்தும் முன் சட்ட ஆணையத்தை ஆலோசித்திருக்க வேண்டும்” எனத் தெரிவித்தனர். அதன் பின்னர் இது குறித்து மத்திய அரசு 4 வாரங்களில் பதிலளிக்க உத்தரவிட்டு விசாரணை ஒத்திவைத்து நீதிபதிகள் உத்தரவிட்டனர். 

Next Story

தனிநபர் பெயரில் அதிகமான சிம் கார்டு வைத்திருந்தால் சிறை! - புதிய சட்டம் அமல்

Published on 18/07/2024 | Edited on 18/07/2024
 Implementation of new law on Jail if have too many SIM cards

இன்றைய டிஜிட்டல் யுகத்தில், பல சிம் கார்டுகளை வைத்திருப்பது நடைமுறையாகிவிட்டது. தனிநபர்கள் தங்கள் பெயரில் பல சிம் கார்டுகளை வைத்திருப்பதால் சட்ட மற்றும் நிதி சிக்கல்களுக்கு வழிவகுக்கும் என்று கருதப்படுகிறது. மேலும், நாட்டில் நடக்கும் குற்றச்செயல் பலவற்றுக்கு தொலைப்பேசி சாதனமே என்று கூறப்படுகிறது. இதனால், தொலைப்பேசி பயன்பாட்டில் புதிய நெறிமுறைகளை மத்திய தொலைத்தொடர்பு அமைச்சகம் உருவாக்கியுள்ளது. 

அதன்படி, 2023ஆம் ஆண்டின் தொலைத்தொடர்பு சட்டத்தின்படி, கடுமையாக விதிமுறைகளை உருவாக்கியுள்ளது. அதில், ஒரு தனிநபர் 9 சிம் கார்டுகள் வரை வைத்திருக்கலாம். ஆனால், அவர் 10 சிம் கார்டுகளையோ அல்லது அதற்கு மேலோ வைத்திருந்தாலோ அவர்களுக்கு ரூ50,000 முதல் ரூ.2 லட்சம் வரை அபராதம் விதிக்கப்படும் என்று தெரிவிக்கப்பட்டுள்ளது. மேலும், பதற்றமான மாநிலங்களான ஜம்மு & காஷ்மீர், அசாம் போன்ற மாநிலங்களில் ஒருவர் அதிகபட்சமாக 6 சிம் கார்டுகள் வரை தான் வைத்திருக்க முடியும் என்று தெரிவித்துள்ளது. 

வரையறுக்கப்பட்ட விதிமுறைகளை முதல் முறையாக மீறினால், அவர்களுக்கு ரூ.50,000 வரை அபராதம் விதிக்கப்படும். அந்தக் குற்றம் தொடருமானால் அதிகபட்சமாக அவர்களுக்கு ரூ.2 லட்சம் வரை அபராதம் விதிக்கப்படும். இந்தச் சட்டத்தில் மேலும் பல கட்டுப்பாடுகள் இருக்கின்றன. சிம் கார்டுகளைப் பெறுவதற்கு வேறு ஒரு பெயரை யாராவது மோசடியாகப் பயன்படுத்தினால், அவர்களுக்கு 3 ஆண்டுகள் சிறைத் தண்டனை அல்லது ரூ.50 லட்சம் வரை அபராதம் விதிக்கப்படும் என்று கூறியுள்ளது. மேலும், பயனரின் அனுமதியின்றி வணிகச் செய்திகளை அனுப்பினால், அந்தத் தொலைத்தொடர்பு நிறுவனத்துக்கு ரூ.2 லட்சம் வரை அபராதம் விதிக்கப்படும் போன்ற பல விதிமுறைகளை மத்திய தொலைத்தொடர்பு அமைச்சகம் தெரிவித்துள்ளது.