ஏர் இந்தியாவை விற்க மத்திய அரசு வகுத்த புது வியூகம்!

மத்திய அரசுக்கு சொந்தமான பொதுத்துறை நிறுவனங்கள் பெரும்பாலும், நஷ்டத்தில் இயங்கி வருவதால், இந்நிறுவனங்களை மீட்க மத்திய அரசு பல்வேறு சீர்திருத்த நடவடிக்கையில் ஈடுபட்டுள்ளது. அதில் ஒரு பகுதியாக அதிக நஷ்டத்தில் இயங்கும் நிறுவனங்களை தனியாருக்கு விற்பனை செய்ய மத்திய அரசு முடிவு செய்துள்ளது. இந்நிலையில் மத்திய விமான போக்குவரத்து துறைக்கு சொந்தமான "ஏர் இந்தியா" நிறுவனத்தை, இந்த ஆண்டு இறுதிக்குள் அனைத்து பங்குகளையும் விற்க மத்திய அரசு முடிவு செய்துள்ளது. ஏர் இந்தியா நிறுவனத்தை விற்பதற்காக, மத்திய அரசு தனியார் முதலீட்டாளர்களை ஈர்ப்பதற்கு விமான கண்காட்சி நடத்த இருப்பதாக கூறப்படுகிறது.