Skip to main content

வழிவிடலனா மேல ஏத்துவேன்.. போலீஸை மிரட்டிய இளம் பெண்!

Published on 25/09/2023 | Edited on 25/09/2023

 

26 years woman threatened to police in madhya pradesh

 

இருசக்கர வாகனங்கள் அனுமதிக்கப்படாத கடல் இணைப்பு பாலத்தில் ஹெல்மெட் அணியாமல் வந்த பெண் ஒருவர், காவல்துறையினரோடு வாக்குவாதம் செய்த வீடியோ தற்போது சமூக வலைத்தளங்களில் வெளியாகி வைரலாகி வருகிறது. 

 

மத்திய பிரதேச மாநிலம் மும்பையில் பாந்தா- வொர்லி கடல் இணைப்பு பாலம் ஒன்று இருக்கிறது. இந்த பாலத்தில் இருசக்கர வாகனங்கள் அனுமதிக்கப்பட மாட்டாது என்பது குறிப்பிடத்தக்கது. இருப்பினும், 26 வயது பெண் ஒருவர் இந்த பாலத்தில் இருசக்கர வாகனம் மூலம் வந்துள்ளார். அப்போது, கடல் இணைப்பில் இருசக்கர வாகனத்தில் பயணித்து தெற்கு மும்பை நோக்கி ஒரு பெண் செல்வது குறித்து பாதுகாப்பு ஊழியர்கள் மும்பை காவல்துறைக்கு தகவல் கொடுத்தனர். தகவல் அறிந்த காவல்துறையினர், கடல் இணைப்பு பாலத்திற்கு விரைந்து வந்து அந்த பெண்ணின் வாகனத்தை தடுத்து நிறுத்தியுள்ளனர். இதையடுத்து அவர்கள், அந்த பெண்ணிடம் இந்த பாலத்தில் இருசக்கர வாகனங்கள் செல்வதற்கு அனுமதியில்லை என்று கூறியுள்ளனர். அப்போது அந்த பெண், காவல்துறையினரோடு மிரட்டும் தொனியில் வாக்குவாதத்தில் ஈடுபட்ட வீடியோ தற்போது வெளியாகி சர்ச்சையை கிளப்பியுள்ளது. 

 

அந்த வீடியோவில், “காவல்துறையினர் அந்த பெண்ணிடம் சாலையில் ஒரு ஓரத்தில் வாகனத்தை நிறுத்தி இறங்குமாறு அறிவுறுத்தியிருக்கின்றனர். அதற்கு அந்த பெண், ‘என்னை தடுக்க உங்களுக்கு எவ்வளவு தைரியம் இருக்கும்?. இந்த சாலை என் தந்தைக்கு சொந்தமானது. நான் வரி செலுத்துகிறேன். அதனால் இந்த சாலையில் விரும்பியதை நான் செய்வேன். என்னை விடவில்லையென்றால், என் பைக்கை வேகமாக ஓட்டிச் சென்று உங்கள் மேல் ஏத்திவிடுவேன்”  என்று மிரட்டல் விடுத்து பேசுகிறார். இது தொடர்பான வீடியோ தற்போது சமூக வலைத்தளங்களில் வைரலாகி வருகிறது.

 

இதனைத் தொடர்ந்து, அந்த பெண்ணை காவல்நிலையத்திற்கு அழைத்து சென்று இந்திய தண்டனைச் சட்டம் மற்றும் மோட்டார் வாகன சட்டம் உட்பட 4 பிரிவுகளின் கீழ் வழக்குப்பதிவு செய்த காவல்துறையினர் விசாரணை நடத்தி வந்தனர். அந்த விசாரணையில், ஜபல்பூரைச் சேர்ந்த நுபுல் படேல் என்பது தெரியவந்தது. மேலும், அவர் தனியார் ரியல் எஸ்டேட் நிறுவனத்தில் கட்டிட கலைஞராக பணியாற்றி வருகிறார். இந்த நிலையில், இவர் புனேவில் உள்ள தனது சகோதரரை பார்க்க கடந்த 15ஆம் தேதி புனேவிற்கு வந்திருந்தார். மேலும், அவர் மும்பையில் உள்ள பாந்தரா-வொர்லி கடல் இணைப்பை பார்ப்பதற்காக தனது சகோதரரின் இரு சக்கர வாகனத்தின் மூலம் புனேவில் இருந்து வந்து கொண்டிருந்த போது தான் இந்த சம்பவம் நடந்துள்ளது என்பது தெரியவந்தது. 

 

 

 

சார்ந்த செய்திகள்

 

Next Story

மயிலாப்பூரில் குழந்தை திருமணம்; பெற்றோருக்கு சம்மன்

Published on 17/07/2024 | Edited on 17/07/2024
Child marriage in Mylapore; Summons to parents

சென்னை மயிலாப்பூரில் பெற்றோர்கள் சிறார்களுக்கு திருமணம் செய்து வைத்த சம்பவம் பரபரப்பை ஏற்படுத்தி இருக்கிறது.

மயிலாப்பூரில் வசித்து வந்த 9 வயது சிறுமிக்கும் 15 வயது சிறுவனுக்கும் பெற்றோர்கள் குழந்தை திருமணம் செய்து வைத்ததாக மாவட்ட சமூக நல அலுவலர் ஹரிதாவுக்கு புகார் கிடைத்தது. புகாரின் அடிப்படையில் அங்கு சென்று அதிகாரிகள் விசாரணை மேற்கொண்டனர். நடத்தப்பட்ட விசாரணையில் குழந்தை திருமணம் செய்யப்பட்டது உறுதி செய்யப்பட்டது.

உடனடியாக போலீசாருக்கு தகவல் கொடுக்கப்பட்ட நிலையில் இரண்டு சிறார்களையும் மீட்ட காவல்துறையினர் அவர்களை காப்பகத்திற்கு அனுப்பி வைத்ததோடு, குழந்தை திருமணம் செய்து வைத்த பெற்றோர்கள் மீது நடவடிக்கை எடுக்கும் விதமாக குழந்தை திருமண தடைச் சட்டத்தின் கீழ் வழக்கு பதிவு செய்தனர். மேலும் இரண்டு சிறார்களின் பெற்றோர்களும் இது குறித்த விசாரணைக்கு ஆஜராக வேண்டும் என சம்மன் அனுப்பப்பட்டுள்ளது.

Next Story

கைமாறிய பெரும் தொகை?-ஆம்ஸ்ட்ராங் வழக்கில் மேலும் இருவர் கைது

Published on 17/07/2024 | Edited on 17/07/2024
Huge amount changed hands?- Two more arrested in Armstrong case including woman

தமிழக பகுஜன் சமாஜ் கட்சியின் மாநில தலைவர் ஆம்ஸ்ட்ராங் கடந்த 05.07.2024 அன்று இரவு பெரம்பூரில் உள்ள அவரது வீட்டின் அருகே 6 பேர் கொண்ட மர்ம கும்பலால் வெட்டி படுகொலை செய்யப்படார். இது தொடர்பாக  சரணடைந்த ஆற்காடு சுரேஷின் தம்பி பொன்னை பாலு, ராமு, திருவேங்கடம், திருமலை, செல்வராஜ், மணிவண்ணன், சந்தோஷ், அருள், கோகுல், விஜேஷ், சிவசக்தி ஆகிய 11 நபர்களும் போலீசார் கஸ்டடியில் எடுக்கப்பட்டு விசாரணை நடைபெற்றது. இத்தகைய சூழலில் இந்த வழக்கில் தொடர்புடைய முக்கிய குற்றவாளியான பிரபல ரவுடி திருவேங்கடம் 14.07.2024 அன்று அதிகாலை என்கவுன்டர் செய்யப்பட்டது பரபரப்பை ஏற்படுத்தியது.

இந்த வழக்கில் சரணடைந்த மொத்தம் 11 பேர் 5 நாட்கள் காவல் துறை கஸ்டடியில் விசாரணைக்கு அழைத்து செல்லப்பட்ட நிலையில் என்கவுன்டர் செய்யப்பட்ட திருவேங்கடத்தை தவிர்த்து மற்ற 10 பேரும் 5 நாள் காவல் கஸ்டடி முடிந்து பூவிருந்தவல்லி தனி கிளைச் சிறையில் மீண்டும் அடைக்கப்பட்டுள்ளனர்.

இந்நிலையில்  ஆம்ஸ்ட்ராங்  கொலை வழக்கில் மேலும் இரண்டு பேரை போலீசார் கைது செய்துள்ளனர். மலர்கொடி மற்றும் ஹரிஹரன் என்ற இருவரை போலீசார் இந்த கொலைச் சம்பவம் தொடர்பாக கைது செய்துள்ளதாக தகவல்கள் வெளியாகி உள்ளது. வழக்கறிஞரான ஹரிஹரன் தரப்பில் இருந்து கொலையாளிகளுக்கு பெரும் தொகை மாறியது விசாரணையில் தெரியவந்துள்ளது எனவும் கூறப்படுகிறது. கைது செய்யப்பட்ட ஹரிஹரன், மலர்க்கொடியை ரகசிய இடத்தில் வைத்து போலீசார் விசாரணை செய்து வருவதாக தகவல்கள் வெளியாகி உள்ளது.  

மலர்கொடி  ஜாம்பஜார் பகுதியைச் சேர்ந்த தாதாவான தோட்டம் சேகருடைய மனைவி  என்று தெரியவந்துள்ளது. எதற்காக, யாரால் இந்த கொலை செய்யப்பட்டது என்பது தொடர்பாக தீவிர விசாரணை நடைபெற்று வருகிறது.