Skip to main content

2000 ஆண்டுகள் பழமையான வர்த்தக வளாகம் கண்டுபிடிப்பு...

Published on 01/11/2019 | Edited on 01/11/2019

தமிழக எல்லை பகுதியிலிருந்து 70 கிலோமீட்டர் தூரத்தில் உள்ள கொட்டிபுரலு என்ற இடத்தில் சுமார் 2000 ஆண்டுகள் பழமையான வர்த்தக மையம் ஒன்றை இந்திய தொல்லியல் துறை கண்டறிந்துள்ளது.

 

2000 year old trade centre found in andhra

 

 

திருப்பதி மற்றும் நெல்லூருக்கு அருகே அமைந்துள்ள இந்த கிராமத்தில் தொல்லியல் துறை ஆய்வு பணியை மேற்கொண்டு வந்தது. அப்போது இந்த ஆய்வில், செங்கற்கள் கொண்டு கட்டப்பட்ட ஒரு கட்டிட அமைப்பு கண்டறியப்பட்டது. மேலும் அந்த அமைப்போடு, ஒரு விஷ்ணு சிலை, செம்பு மற்றும் காரீய நாணயங்கள், ஆயுதங்கள் ஆகியவையும் கண்டறியப்பட்டுள்ளன.

இந்த இடம் கடல்வழி வர்த்தகத்துடன் தொடர்புடைய ஒன்றாக இருந்திருக்கும் எனவும், இங்கு கடல் கடந்து வெளிநாடுகளுடன் வாணிபம் செய்யப்பட்டிருக்கும் எனவும் ஆராய்சியாளர்கள் தெரிவித்துள்ளனர். சுமார் 2000 ஆண்டுகளுக்கு முந்தையதாக கண்டறியப்பட்டுள்ள இந்த அமைப்பு குறித்து அடுத்தகட்ட ஆய்வுகள் நடைபெறும் போது, மேலும் பல புதிய தகவல்கள் கிடைக்கலாம் என ஆராய்ச்சியாளர்கள் தெரிவித்துள்ளனர். தொடர்ந்து இந்த பகுதியில் புவியியல், ரசாயன ஆய்வுகள் மேற்கொள்ளப்பட்டு வருகின்றன.

 

 

சார்ந்த செய்திகள்

Next Story

சென்னை அருகே நிலநடுக்கம்!

Published on 14/03/2024 | Edited on 14/03/2024
Earthquake near Chennai

சென்னை அருகே லேசான நிலநடுக்கம் உணரப்பட்டுள்ளதாகத் தகவல் வெளியாகியுள்ளது.

ஆந்திர மாநிலம் திருப்பதி அருகே இன்று (14.03.2024) இரவு 8.43 மணியளவில் 3.9 ரிக்டர் அளவில் நில அதிர்வு பதிவாகியுள்ளதாக தேசிய நிலநடுக்கவியல் மையம் தெரிவித்துள்ளது.  அதாவது திருப்பதியிலிருந்து கிழக்கு வடகிழக்கு திசையில் 58 கி.மீ. தொலைவில் 10 கி.மீ. ஆழத்தில் இந்த நிலநடுக்கம் உணரப்பட்டுள்ளது. சென்னை அருகே உள்ள கும்மிடிப்பூண்டி மற்றும் சூலூர் பேட்டை ஆகிய சுற்றுப் பகுதியில் இந்த நில அதிர்வு உணரப்பட்டதாகவும் தகவல் வெளியாகியுள்ளது. 

Next Story

தடம்புரண்ட ரயில்; அலறிய பயணிகள்

Published on 11/03/2024 | Edited on 11/03/2024
NN

ஆந்திராவில் இரவில் பயணிகள் ரயில் என்ஜின் தடம் புரண்ட சம்பவம் பரபரப்பை ஏற்படுத்தி இருக்கிறது.

ஆந்திர மாநிலம் விஜயநகர மாவட்டம் கொத்த வலசு ரயில் நிலையப் பகுதியில் சென்று கொண்டிருந்த பயணிகள், திடீரென தடம் புரண்டது. அதன் காரணமாக ரயிலில் ஏற்பட்ட மிகப்பெரிய அளவிலான சத்தத்தால், ரயிலில் பயணம் செய்த பணிகள் அலறியடித்தனர்.

பின்னர் உடனடியாக அங்கு வந்த ரயில்வே போலீசார், ரயில் தடம் புரலக் காரணம் என்ன என்று விசாரித்த போது, ரயிலை ட்ராக் மாற்றிய தருணத்தில் இந்த விபத்து ஏற்பட்டதாகக் கூறப்பட்டது. லோகோபைலட் உடனடியாக சுதாரித்து ரயிலை நிறுத்தியதால் பெரும் விபத்து தவிர்க்கப்பட்டது. இரவு நேரத்தில் ரயிலில் இருந்து இறங்கிய பயணிகள் அங்கிருந்து கிளம்பி மாற்று வழிகளில் பேருந்துகள், ஆட்டோக்களில் வீடு திரும்பும் நிலை ஏற்பட்டது. ரயில்வே போலீசார், இந்த விபத்து தொடர்பாக மேலும் விசாரணை நடத்தி வருகின்றனர். இரவில் ஏற்பட்ட இந்த சம்பவத்தால் அந்த பகுதியில் பரபரப்பு ஏற்பட்டது.