அதிக பெண் உறுப்பினர்களை கொண்ட மக்களவை!

நாடு முழுவதும் நடைபெற்ற 17-வது மக்களவை தேர்தலில் பதிவான வாக்குகள் மே -23 ஆம் தேதி எண்ணப்பட்டது. இதில் பாஜக கூட்டணி அமோக வெற்றி பெற்றது. பாஜக கட்சி மட்டுமே தனித்து 303 இடங்களை கைபற்றியது. இந்நிலையில் மக்களவைக்கு சோனியா காந்தி, மேனகா காந்தி, கனிமொழி, ஸ்மிருதி இரானி உட்பட 78 பெண் வேட்பாளர்கள் வெற்றி பெற்றுள்ளனர். கடந்த 16- வது மக்களவையில் 62 பெண் உறுப்பினர்கள் இருந்த நிலையில், தற்போது 16 உறுப்பினர்கள் அதிகரித்துள்ளன. இருப்பினும் நாடாளுமன்றத்தில் பெண்களுக்கு 33% இட ஒதுக்கீடு மசோதா நிறைவேறாமல் நிலுவையில் உள்ளது என்பது குறிப்பிடத்தக்கது.